May 22 (Thursday)
聽日就係星期五喇!!! 又到weekend 喇!! 我一個星期裡面, 其實得四日飯要煮, 星期一,二,三,四...就係依四日, 但我係依個星期都無點煮到飯...仲無咩點入過廚房, 係我想像中得兩日入過廚房咋!! 其餘時間都係出街食!! 都覺自己好唔岩, 食埋啲街外野, 味精一定有, 依啲味精唔在講喇!! 我成日覺街外野好多油, 好唔健康, 但無計喇!! 一放工, 就同Brian 去咗賣手提電話...渣到車去, 賣電話嘅地方, 都好夜喇! 所以, 就順便係街食埋先返屋企囉!! 唔知點解交易手提電話啲人, 好多都係uptown, 好少我屋企附近啲人, ....所以, 好多時都要渣車去uptown ...meet 人囉!
係聽日(frdiay),就算我想煮, Brian 都會好自然咁問我,...「Vicky 我哋不如去xxx 度食飯好唔好呀!?」 一到friday, Brian 就好想出街食飯架喇!! 唔通我煮飯真係唔係咁好食??? 哈哈!!
都唔知Brian 係friday 晚係開心開始放weekend, 定係開心可以明正言順出街食飯喇!! 哈!
↘雖然,我話依個星期出街食多!! 但我依個星期二(May 20)都有整咗個綠茶蛋糕, 焗出黎有啲唔好睇, 但比我粉飾過, 就靚仔啲, 可以比Brian 品嘗喇!! 我覺依個綠茶蛋糕﹐味道都可以, 但仲有進步空間囉! 但已經比我以前做個啲綠茶蛋糕好食咗啲!!哈哈!
↘星期三(May 21)係港式茶餐廳食, 有例湯, 有凍奶茶, and 凍"煙鴦"(Brian 飲架!)
↘我係茶餐廳order 咗豬扒麵跟雙蛋+toast﹐而Brian 係茶餐廳order 咗個白汁雞皇飯
↘係星期四(May 21), 就同Brian 去咗粥店食dinner, 我哋order 咗星州炒米, 煎釀茄子+豆腐 and 一碗肉丸豬潤粥
其實Brian唔想你辛苦煮飯...
ReplyDelete[版主回覆05/27/2008 14:28:00]小威威: 我都知Brian 怕我煮飯辛苦, 但食得多街外野, 又幾唔健康, 連肚腩都大了!! 哈哈!!
間唔中偷下懶無所謂....我諗 Brian 都唔想你辛苦呢
ReplyDelete[版主回覆05/27/2008 14:29:00]心樂: 咁又係...我又可以懶多幾日唔洗煮飯, 唔洗掂水!!
Brian成日都有電話賣既？換咁多電話既？
ReplyDelete[版主回覆05/27/2008 14:38:00]Mui: Brian 仲意換電話嗎!! 所以, 咪間唔中會有電話賣比人囉!!哈哈!!
妳煮嘢食点會難食哼!!~~
ReplyDelete真係羨慕妳食咁多嘢都唔肥~~
[版主回覆05/27/2008 14:42:00]嵐 : ~ 我有時煮野食, 都唔係太好食, 而且, 煮黎煮去都係個幾味!! 哈哈!! ~ 我係屋企五姐妹黎講, 我算最多肉果個, 可能係影相啲角度問題, 所以, 你覺我唔肥!! 哈哈!! 真係要多謝Brian 識得同我影相喇!!
我成個月出街食tim呀, 依家返到來米國真係要食返下白粥算啦...街外野食係好好味, 但有時出街食得多都驚咗~
ReplyDelete[版主回覆05/27/2008 14:45:00]挑皮太太@美國: ~ 你係香港返黎美國喇!! 係香港緊係成日都出街食喇!! 香港有咁多美食!! 唔食就笨喇!! 哈哈!! 不過, 食得太多街外野, 真係唔太健康架!! 依家返黎美國, 就食返清淡啲喇!!
我都一樣無煮飯架, 都係炒蛋+腸仔撈麵....哈哈, 仲簡單呀~~~
ReplyDelete[版主回覆05/27/2008 14:48:00]細細粒: 都幾好, 簡簡單單又一餐!! 有時我話要係屋企食, 除咗可以健康啲, 仲想慳啲錢嗎!! 因為自己煮會實惠啲!!哈哈!! 我係咁婆仔架喇!! 咩都計一餐!
耐唔耐出街食都幾好既~~~轉下口味,唔會悶嘛~~~
ReplyDelete[版主回覆05/27/2008 14:50:00]V&M: 你都講得岩, 間唔中出街食野真係有啲新鮮覺架!! 而且, 出街食飯會攞到啲煮飯靈感架! 哈哈!
我都係一樣覺得Brian 怕你辛苦,先出街食! 去完街返到去都夜啦,仲要洗埋先瞓!
ReplyDelete[版主回覆05/27/2008 14:54:00]高貓貓: 你都講得岩, 我相信Brian 怕我辛苦 and 怕去完街,仲要煮飯, 真係食宵夜無分別!! ....所以, 就順便出街食埋先返!! 一出街食, 我會失控, 食得特別多!! 哈!! 飲埋杯凍飲, 真係太豐富!! 哈哈! 都係依個星期先係咁! 如果個個week 係咁, 就唔得架喇!!哈哈!
你係toronto, 咁多野食, 忍唔住都係正常, 哈哈
ReplyDelete[版主回覆05/27/2008 14:56:00]通少: Toronto 比較多chinese 野食, 連啲外籍同事都話想食chinese 野, 真好笑!! 哈哈!!
我都好同意﹐你食極都咁瘦﹐羨慕死隔離。
ReplyDelete[版主回覆05/27/2008 15:02:00]Bobo de Licious: ~ 你誤會喇!! 我係屋企五姐妹當中, 我係最多肉果個黎架!! 我應該無你想像中的身型!! 可能有時影相啲角度問題咋!! 我覺你身型仲瘦喇!! 係真架!! ~ 不過,你咁講我, 我好開心架!! 哈哈!!! 聽日獎自己食大杯啲雪糕先!! 哈哈!!
me 2....咁樣係慳好多架
ReplyDelete[版主回覆05/28/2008 15:45:00]細細粒: ~ 係平時閒日慳得就慳架喇!! 我有時都覺自己幾婆仔架!! 哈哈!! ~ 你炒咗蛋 and 整腸仔撈麵, 點解唔show 比我睇呀?? 定我都學下嗎!!
港式茶餐廳係賣飛弗黎架
ReplyDelete[版主回覆05/28/2008 15:48:00]睛天娃娃: 我好少見到你去茶餐廳呀!! 我仲以為你喜歡自家煮添!! 雖然,港式茶餐廳啲野食來來去去都係果啲, 但啲港式風味, 真係唔錯架! 自己就整唔到依啲風味喇!! 啲奶茶, 檬茶, 每次食野一定會叫架!! 哈哈!!
有無搞錯呀...........呢d咁簡單, 你仲叻過我啦.....影出嚟咪獻醜.......加上d腸仔有d燶呀, 所以唔會影啦......哈哈~~~
ReplyDelete我平日都幾慳架, 盡可能都會格價先, 費事買貴咗唔開心嘛~~~
[版主回覆05/30/2008 05:42:00]細細粒: ~ 哈哈!!食撈麵, 簡簡單單, 幾舒服!! 我煮野食, 都係初步階段, 都慢慢學緊架!! 有少啲香腸有少少燶好食架!! 而家唔知係咪寫開blog, 我同Brian 食襯咩野, Brian 都會好自然反應問我, 洗唔洗影相架!! 哈哈!! 我有啲煮飯相,影咗但無post 呀!! 哈哈!! ~ 我係weekend 我都有時會係屋企咗lunch 先出街, 費事出街食, 唔知食咩好, 又洗多咗錢, 哈哈!! ~ 我平時都係見特價先買架!! 哈哈!! 但如果好想食一樣野, 有時都忍唔到手架!
Happy Firday 呀嘛~~ 你又可以抖吓~~~
ReplyDelete星期五唔駛入廚
咁咪可以開一開焗爐整啲甜品蛋糕食
嚟個飯後甜品 都唔錯啊~~
[版主回覆05/30/2008 13:46:00]畫: ~ 我一friday 就唔洗入廚架喇!! 有時都幾開心架!! 哈哈!!可以偷下懶嗎!! 哈哈!! ~ 我依排好想開爐架!! 而且, 又買咗本cook book, 但日日都超忙, 食完飯, 都唔想開爐焗蛋糕喇!! 但都會整啲簡易布甸食下囉!! 哈哈!
Vicky唔係我唔想去呀...係我呢到冇呀~ 哈哈
ReplyDelete[版主回覆05/30/2008 13:49:00]睛天娃娃: 你個樹係美國邊度黎架! 真係無茶餐廳架!! 咁你咪好掛住茶餐廳啲美食囉!!? 但唔緊要喇!! 你煮啲野食已經好過茶餐廳好多喇!
Vicky: ~我覺得Brian唔使你煮,可能係怕你辛苦囉,唔好諗多呀...hehe! 我發覺其實你地都好鍾意食港式野喎,次次叫親都係d茶餐廳 食物,唔知你地多倫多既茶餐廳食物好唔好食既呢?但有一樣野 係好sure既,就係款式一定比NY多!
ReplyDelete[版主回覆05/30/2008 14:03:00]陶陶夫人: ~ 講真, Brian 真係好怕我煮飯辛苦架!! 我煮完飯, Brian 會同我講唔該架!! 哈哈!! 但我一啲都唔覺煮飯辛苦架!! 我好享受煮飯嘅過程!! ~ 係多倫多真係揾港式野食一啲都唔難, 如果肯渣遠啲, 都會有好多香港野食, 因為多倫多真係好多香港移民!! 講真, 依度啲茶餐廳啲水準都好好, 都幾好食!! 因為開得茶餐廳啲人通常係香港都係做開茶餐廳 or 做開食市, or 識請啲廚!! 而且, 越開越多就好多競爭, 所以, 裝修好多食店都裝修好啲, 食物款色又多啲黎吸引人囉! 同埋依度啲香港移民跟得香港好貼, 香港有啲咩新食品, 依度都會有! 有啲仲係香港食店係多倫多開分店架!! 但食港式野真係要渣車去食方便啲, 因為有啲食店附近交通有啲不便架!