對我黎講, Weekend 係星期五夜晚就已經開始啦!!
所以, 係星期五嗰一日, 咩都會興奮啲!!
雖然, 近排好大霧, 但唔會比啲霧影響. 照出街.....
首先講星期六 Oct 19, 一起身就去咗Queen Elizabeth Park 行.
係呀!! 又係去行公園. 況且, 行多啲又無壞!! 而且, 溫哥華真係好多大型公園行. 真係近近哋就有一個.
今次去依個Queen Elizabeth park公園, 除了花園景, 仲有噴水池,行人小橋和餐廳..... 還有一個比較學術性質嘅熱帶雨林溫室展館. 通常學校去戶外參觀, 都會去. 但我就唔去個溫室啦! 因為只係行個Queen Elizabeth Park 個花園都有排行.
↓一入到Queen Elizabeth Park 入口, 就見到個巨型噴水池. 個噴水池仲有花式. 美麗. 旁邊嗰個半圓形玻璃建築物係熱帶雨林溫室展館
↓Queen Elizabeth park裡頭個鐘
↓係Queen Elizabith Park 地圖影張相, 而我好鐘意溫哥華啲公園設計, 單車和遊人, 行嘅路係分開的. 感覺係公園步行都安全好多.
↓Queen Elizabeth Park 個花園景. 遠望仲見到溫哥華的市心
↓同Brian 係Queen Elizabeth park 一人一張相!!
↓行行下Queen Elizabeth park公園裡面, 見到啲好特別嘅石像. 所以, 就影張相. 其實, 依個公園, 好多遊客參觀, 一架架旅遊巴, 送啲遊客黎參觀, 但啲遊客好nice, 一個一個排隊輪住影相.
↓Queen Elizabeth park個花園啲值物種得好靚呀!! 而家又係秋天, 周地都係紅葉, 行人路佈滿紅葉, 好似放完奏節嘅氣氛咁!! Happy~~
------------------------------------------
行Queen Elizabeth 公園, 行到差唔多, 就渣車過橋, 去downtown 食lunch!!
以前出街, 個腦都會諗, 行邊條高速公路, 先會到達目的地.
而家去街, 個腦會諗, 行邊條橋, 先會到達目的地.
溫哥華, 此終近海, 所以, 橋---就係跨越不同區域嘅必需品, 真係去邊都要過橋. 成日出街都好似過海咁. 雖然我話要過海, 但渣車唔洗渣到好高速, 只係渣一陣間就到downtown. 真係好方便.
而去downtown嘅目的, 當然係食日本嘢啦!! 因我係網上面, 見到有一間日式拉麵店. 好有興趣. 所以, 就去試下.
↓Lunch 去咗食日本拉麵. 餐廳日本人經營. 有很多食客也是日本客, 還一家大細, 一人食一大碗拉麵.
↓間拉麵店, 專賣竹炭miso湯底, 雖然, 成碗拉麵好似黑抆抆. 但味道不錯!! 湯味好濃, 麵質彈牙. 好美味!! 除咗食拉麵, 仲食咗豚肉飯. 日本飯質好煙銀, Brian 鐘意個飯多過碗麵!! 哈哈~~
食完lunch, 就係downtown行陣街, 此終, 係市中心. 周圍都係鋪頭, 周圍都係人, 好熱鬧呀!! 哈~~
其實,我行街都係得個「行」字. 我跟本無咩嘢買, 至在係星期六, 就周處去行下. 當中, 行咗一間韓式超級市場和日式超級市場添!! 買咗啲凍肉, 醬料.......其中買咗支韓國梅子汁和日式黑糖花生. 都幾特別.
↓韓國梅子汁, 唔知點解, 一到秋天就想飲啲酸酸味味嘅飲品. 見到韓國超級市場賣緊梅子汁, 就買黎試下, 味道好好. 好鐘意, 飲完要encore 再買!! 還有, 在日本超級市場買了黑色糖花生, 都幾美味!!
星期六, 胡亂係街行, 比我慢慢探索下溫哥華. 但其實, 我對溫哥華downtown 啲路還不太熟. 還要一邊行一邊開手提電話嘅GPS. 可能, 我鐘意步行, 又貪新鮮, 行到天黑, 都唔覺攰, 反而好relax.
---------------------------------------------
而weekend 其中一日夜晚, 同咗一班Brian 由細識到大嘅Uncle and Auntie 一齊食晚飯.
雖然, 是同一班Auntie and Uncle 級的人食飯, 但他們很玩得. 又喜歡紅酒. 所以, 依餐飯係酒氣和嘻哈氣氛下渡過.
↓以前我和Brian 會好失驚無神, 一有假期就會由多倫多飛黎溫哥華, 所以, 啲Uncle and Auntie都慣咗我和Brian失驚無神係溫哥華出現. 而家, 啲Uncle & Auntie知我哋定居, 個個都無特別反應. 但就好welcome 我哋返黎, 依餐飯和用餐啲酒, 都係我和Brian 的welcome dinner and welcome drinks. 飯後, 仲去買波羅油食添!!
同檯食飯， 啱傾最緊要， 食物也是其次。
ReplyDeletesamwei:
Delete~講得無錯!! 同檯食飯, 岩channel 係最緊要. 如果唔係都幾唔自在.
我都crave for拉麵呀！！！ 不過要有一間好味既又真係吾容易！
ReplyDeleteMrs. Wu:
Delete~我依邊好多日本拉麵店, 很多都是日本人走過黎開業. 除了拉麵, 其他類型嘅日本食店, 都很多. 有時, 真係覺日本食店, 仲多過唐餐食店!!
~我咁講, 係咪好衰, 更加引誘你!! 哈哈~~
你外國食到好味拉麵好難得，太好啦～ 公園好大，樹葉好靚呀! 曼谷太熱，公園只得樹，但唔太靚又無咩花，好悶呢
ReplyDelete鬼嫁:
Delete~我係溫哥華住, 依邊比較多日本人聚居, 所以, 比較多日本過江過龍, 黎依邊開食店過or 開鋪頭. 所以, 我依邊啲拉麵水準不錯!! 我心目中,還有幾間想試呢!!
~個公園真係幾大, 但大得黎, 啲花藝打理得好好, 令到個公園更加靚,更加好行.
~曼谷雖然熱, 但熱又熱美!!
我都係丫，覺得星期五就開始係weekend
ReplyDelete個公園冇人嘅，係咪好大㗎？香港真係好少公園，有地都起樓
菠蘿油？妳aunite自己整㗎？
Oli
Delete~"炸加二"將weekend mood 提前, 感覺會過得開心啲!! 哈
~其實, 我去個公園時, 都有啲遊客, 但可能公園大, 唔係話太擠湧. 不過, 好彩我早啲啲去依個公園, 我臨離開公園時,幾架旅行巴泊咗係公園門口,成堆旅客落車參觀啦!
~個菠蘿油係買㗎!! 因為食晚飯隔離間餐廳就係賣菠蘿油, 所以, 就買黎食!!
Yeah! 同QE park 銅像影相--->指定動作完成! 好天仲可以去睇日出拍拖仔!
ReplyDelete見到妳喺相相到笑得好開心，應該生活都適應得好好bor!
喺wor, 有無 keep 番D moving expenses 嘅 receipts 報稅呀? ^^
海豚兒到此一遊:
Delete~好多人都係咁講, 同個銅像影相, 係去QE park 的指定動作. 哈哈~~ 其實依日好大霧, 啲景色唔係太好. 但去行下當做下運動, relax下!!
~依家, 係溫哥華住, 都算ok啦!! 咩都慢慢黎啦!!
~我哋moving 都係揾post office 運送, 因為我哋都無pack 傢私. 只係pack 隨身物, 4 個特大箱頭, 加6件行李. 就pack 完.
都可以報喎! 如果幾廿蚊就梗係算啦~
DeleteVicky ,
ReplyDelete很多年前我去過 Q.E. park , 這裡好大又好靚但沒有見銅像 , 楓葉變紅了非常靚啊 !
Happy ak:
Delete~依日啲楓葉未算變得好靚.我遲啲會post 啲楓葉相, 個啲楓葉仲靚.
竹炭湯底好特別呀!
ReplyDeletemabel:
Delete~charcoal miso 拉麵, 我聽落去感覺好特別, 所以特登去試下!!
紅葉好靚。 行公園，生活寫意。
ReplyDelete靚芒:
Delete~依邊好多公園行, 而且, 公園啲設備好, 園藝也不錯!! 所以, 放周末, 行下公園當做下運動都幾舒服!!
公園好靚, 遊人少, 更能享受大自然.....正呀
ReplyDelete喺呀, 秋天仍飲些少少酸的飲料.....特別有一種味道...! 是醒神, 幸福的味道
大海冬日:
Delete~依邊啲公園比較多, 而且有保護, 公園設備和公園植物打理得好好. 行都行得舒服啲.
~好彩, 我依日早咗啲去公園行, 因為我臨離開公園, 見到公園門口,有幾架旅遊巴, 啲遊客開始落車入公園參觀啦!!
~秋天令我想起大閘蟹, 加飯酒和梅酒. 所以, 依個時候想飲plum juice. 所以, 見到韓國超級市場有plum juice, 即買.
個公園乾乾淨淨又少人，幾好呀。
ReplyDelete喺溫哥華食靚拉麵唔使排幾粒鐘。 = )
Vicky 你同 Brian 好勁呀，食完飯仲食多個菠蘿油。
Angela:
Delete~依邊啲公園好識保護, 公園設備和公園打理做得好好, 行得好舒服.
~其實, 我早咗啲入公園, 因我臨離開公園, 見到幾架旅遊巴落遊客. 如果遲啲黎, 行依個公園, 都無咁舒服!!
~溫哥華啲拉麵店, 鋪位唔多大, 都要排一陣先有得食, 但勝在依邊多日本人經營嘅拉麵店, 所以, 食唔到依間,食第二間都ok!! 而且, 味道也好味!!
~由於食飯隔離, 就係賣菠蘿油所在地. 所以, 食完飯, 就同Brian貪得意買菠蘿油食囉!! 但又食得落!!
呢個公園真係幾好 夠大夠舒服 而且依家秋天 加埋啲紅葉真係好靚
ReplyDelete聽你咁講 呢間食拉麵嘅都唔錯 起碼多日本人喺度食先啦 竹炭miso湯底幾得意喎 等我有機會都試吓先 :)
Jackie
Delete~依邊多公園嗎!! 而且, 依邊啲公園大多打理得好好, 所以行得好舒服.
~我依邊多日本聚居, 有時我覺日本食店, 仲好似多過chinese 食店. 所以, 我依邊啲日本拉麵店, 好競爭, 間間都keep 住水準, 而且有啲卓頭去吸引下啲客!! 我都係因為個charcoal miso 拉麵, 黑抆抆, 先走去試!! 雖然碗麵啲湯黑色, 但食落口又無整到我個咀變黑!! 哈哈~~
Hi, Vicky,
ReplyDeleteHappy Halloween!
愛Shi 家庭:
Delete~多謝你!!
~你Halloween 當日有無派咗好多糖呀??
嘩，其實一睇 Brian 的爸爸媽媽，就知佢地d 親友都應該好nice nice，可以一大班人玩，so nice 啊 ^^
ReplyDeletesamsamdandan:
Delete~Brian 父母比較開通, 懂得享受, 所以, Brian 父母啲朋友, 都係好開通, 好玩得!! 而家已經約定下一次約會! 哈哈~~
It's funny how the content of your blog changed since you moved to Vancouver.
ReplyDeleteThe blogs in Toronto is mostly about shopping & food.
The blogs in Vancouver is mostly about walking around parks/beaches/etc.
Looks like you are enjoying your new life in Vancouver!
Frank and Lois Plus 2
Delete~哈哈~~ 其實兩邊生活都差唔多啦!! 只係溫哥華比較多Park, 所以去多咗公園行. 行下當運動!!
~以前係多倫多, 居住市中心, 日日行街啲路,追地鐵, 而家, 日日開車, 周末就行park, 可以balance 下!!
真開心見返你, 又搵返多一個blog友. 希望大家的moving 都會係 perfect 啦! and happy birthday!
ReplyDelete小咪咪
Delete~我都好開心,見返你!! 知你都好順利搬了兩個新環境,(一個係搬blog, 一個係你由英國搬去香港). 大家多啲keep in touch!!
~多謝你對我生日的祝賀.
有得睇紅葉呀，真係正
ReplyDelete小咪咪
Delete~我都好開心,見返你!! 知你都好順利搬了兩個新環境,(一個係搬blog, 一個係你由英國搬去香港). 大家多啲keep in touch!!
~多謝你對我生日的祝賀.
呢個公園我都去過,不過係廿年前嘅事喇, 乜都唔記得喇.
ReplyDeleteCeci:
Delete~依個公園, 我都係今年先去. 以前黎溫哥華成日經過, 今年終於入到去!!
~20年前, 你比我更早認識溫哥華!! 而家依個公園, 日日都好多旅遊巴. 大把遊客去!! 好旺!!
Hi Vicky, 你剛剛嘅星期六, 六點幾到, 有無去Aberdeen Center入面嘅糖果天地呀？ 我唔知係咪見到你呢？！
ReplyDeleteMunchkin
Delete~你應該無認錯人, 我這個星期六, 六點幾, 真係喺Aberdeen 入面嗰間糖果天地買零食!!! 你見到我, 又唔行過黎同我say hello!! 你知啦!! 你認得我, 我認唔到你嗎!! 哈哈~~
~溫哥華真係細!! 哈哈~~
其實我都唔知㗎， 我只不過係立下眼見到個人， 覺得好似唔知係邊道見過， 諗下諗下先覺得好似係你呢～
Delete我認人嘛嘛地㗎， 我成日都眼大睇過龍㗎。。。 哈哈
真係好鬼橋，可能下個weekend我地真係會撞到, 我一定會 say hi ~ ^^
d紅葉好靚呢，真係好有氣氛~~
ReplyDelete水太太:
Delete~係呀!! 紅葉係加拿大標記, 秋天時,周圍都係紅葉