February 15,2013 (Friday)
一朝早, 天氣好好, 感覺好舒服.
遠處望到啲山有雪, 但溫哥華又唔係好凍, 着件冷衫, 就出到街. 連褸和手套都唔洗着. 真係出街都瀟洒啲!!
↓藍天與白雲嘅天空, 遠處仲望到山.有積雪. (我係多倫多好少見到山架!!) 
↓晨早食個Brian's 家招牌早餐
↓天氣好好, 食完早餐,就出街!!
↓去街途中, 仲見到飛機添.
今日, 咁早出門口, 就因為更早前和Brian's daddy 玩了一個遊戲, (只是從手提電話download 下來的其中一個App). 我和Brian打賭, 如Brian's daddy能在遊戲中, 順利勝出. 我和Brian 便去運動店, 購買一套Tennis 衫給Brian's daddy 作獎勵.
其實, Brian's daddy對這遊戲是不太熟識, 但個遊戲幾益智, 在遊戲中, Brian's daddy又學到野, 所以, 日日練習, 最後, 終有成果!!
我和Brian 當然有口齒. 一大清早便去買套Tennis 衫給Brian's daddy.
而剛巧Brian's mom 有點優閒服破損了, 所以, 便順道買一點優閒服, 給Brian's mom. 咁大家就可以皆大歡喜.
這些Tennis 衫和優閒服, 通通都是不昂貴, 但當Brian's parents收到, 面上留露嘅喜悅. 見到都開心!!
↓買咗兩件閒優服比Brian's mom, 而Brian's daddy 玩遊戲勝出嘅獎勵禮物----Tennis 運動衫褲一套. 還有真人試範. (全套是澳網大賽Roger Federer 嘅服裝)
↓係度show埋, 我係多倫多買比Brian's mom 的實用禮物---電視棉被. 唔用時, 棉被可縮入公仔肚內, 變成一隻小狗公仔.
其實, 這天出街行, Brian's mom 都有隨行, 其實Brian's mom 隨行, 都係想買禮物比我和Brian. 因為Brian's mom 話我哋兩個送咗好多小禮物比佢喎!! 當日, 我哋行街攞上手嘅野, Brian's mom 都話買給我們作禮物. 但最後我和Brian 都無要任何野!! 因為我哋唔想好似買少少禮物, 而轉收件大禮物呀!!
行街都係行咗陣, 之後, 我和Brian 帶咗Brian's mom 去食一餐 "犯法午餐".
因平時, Brian' mom 好少食炸豬扒, 好少食咖哩魚蛋, 好少食魚肉燒賣和混醬腸粉.........因依啲食物,通通被Brian's daddy視為不健康食品!! 平時, Brian's mom 一個人又費事去食!!但內心又好想食.
見今日, 只得我哋三個人, Brian's daddy自己另有節目. 我哋三個(我, Brian,& Brian's mom)無人看管, 便一次過大食特食, 炸豬扒, 咖哩魚蛋, 魚肉燒賣, 混醬腸粉 + 大杯裝凍檬茶做lunch. 真係要把不健康食物, 通通吃下去...哈哈~
雖然, 依啲野食, 我哋出聲, Brian's daddy 都會陪我哋食, 但如果係偷食, 個隻痛快感, 係會開心好多囉!! 哈哈~~
↓犯法午餐---有一人一客日式炸豬扒飯, 一人一客, 混醬腸粉, 咖哩魚蛋和魚肉燒賣, 還有一人一大杯凍檬茶.....食立雜係唔健康, 但咁樣食法, 又會好開心!! 我哋之後, 仲有胃口, 再黎一人一低雞蛋仔 (真係食到, 唔記得同雞蛋仔影相!!哈哈~)
夜晚, 就去咗打邊爐. 仲要係食super 好味嘅魚頭火窩. 啲火窩湯底有魚味, 真係打邊爐, 打到連湯都飲埋!!!
還叫了很多肉和新鮮魚片, 真係食不停呀!!
其實, 依一餐係Brian's parents 約家中的家傭一齊去食架!! 平時, 佢6pm 就放工. 今日特定約她一起去打邊爐!! 食完Brian's daddy仲送家傭返到佢屋企門口添!!
↓食極都有魚頭嘅魚頭火窩,還羊肉,豬潤....
↓還有新鮮魚片 (啲魚肉好肥美!!!嘻), 還有雪花牛肉, 啤酒和酸梅汁
後記:
~我知Brian's parents 平時都好掛住Brian架!! Brian's parents 又退咗休, 其實, 可以間唔中去多倫多探下Brian 架!! 雖然, Brian's parents 一年都travel好多次, 但都無去多倫多探Brian. 原來Brian's parents 好擔心, 佢哋去咗多倫多探Brian. 我就會無地方住!! 擔心我一個女仔突然間去第二樹暫住會有好多野會唔習慣和唔方便. 因此, Brian's parents 唔會特別去多倫多探Brian 架!!
~原來, Brian's parents 係為咗依個原因唔去多倫多探Brian. 我聽到有少少感動架!! 其實, 個仔係Brian's parents 嘅嗎!! 佢哋掛住和經開多倫多, 都可以見下Brian架!! 但擔心我會為難和不方便. 就令願唔探Brian. 好感恩Brian's parents 會諗埋我個邊呀!!
又有HK既感覺~個名叫犯法午餐好正呀~XD~
ReplyDelete[版主回覆03/19/2013 07:25:26]素會員,
-因為依d食物唔係成日食到, 而且咁啱Brian's daddy 唔得閒先食得. 因為平時食依d嘢Brian's daddy 一定話唔健康. 所以趁Brian's daddy 唔得閒, 就會犯法一下. 哈
Brian's parents can always stay at hotels in TO?
ReplyDeleteWhen i went shopping with my mother-in-law, i don't touch or stare at anything i like. Otherwise, she will go back to the shop to buy it afterwards :)
[版主回覆03/19/2013 08:54:10]Mrs.TinTin,
-其實我只係想講Brian的父母好顧及我的感受. 其實Brian's parents 一去多倫多都係住酒店, 但我哋係多倫多通常忙於返工, 放工之後又要趕去酒店接Brian 父母食飯, Brian 父母不想我同Brian一放工就趕住食飯, 攪成晚. 所以令願唔去多倫多.
-你奶奶對你唔錯喎!
你真幸福!Brian好通情達理………
ReplyDelete[版主回覆03/19/2013 08:57:02]Mabel,
-所以都覺自己好好彩. 希望依個局面會一直咁keep 住
Vicky ....
ReplyDeleteBrian's Parents 絕對是最通情達理, 有心思有胸襟的父母...!!
有其父母必有其子.....妳同brian 一齊都一定幸福快樂
[版主回覆03/19/2013 08:59:27]冬日Winter
-我都希望依個局面會一路keep 住落去
係呢，點解唔住酒店？唔係一定要住埋同一間屋或者叫你搬開架，問題都唔係咁難解決啫？
ReplyDelete[版主回覆03/19/2013 09:34:39]Ceci:
其實, 我都係想講, Brian父母好顧及後生嘅一輩嘅感受. 其實, Brian's parents 去到多倫多都自己book 酒店住. 但我和Brian 係多倫多通常都係忙於返工, Brian父母唔太想我和Brian一放工,又要趕去酒店同佢哋食飯. 對得幾個鐘, 我和Brian又要趕返自己屋企梳洗,休息一陣又返工, 所以Brian's 父母令願唔去多倫多!! 等我哋放假返去!!!
換轉係我, 我返香港, 就算住酒店, 我諗一啲都enjoy唔到, 我父母去酒店揾我都似!! 他們唔會顧及人大咗就有自己時間. 只覺我是他們女兒, 佢哋想我點就點!!
我都想犯法呀， 可惜苦無辦法
ReplyDelete我地同老爺奶奶的距離也十分遠 （來回開車要14個鐘），所以唔係經常返去。但有LONG HOLIDAYS都會返去， 而兩老想來探我地， 我地會買機票叫佢地坐飛機過黎， 因為年紀大老人家開太長途車會好攰呢。（如果唔係成日見， 可以間中SKYPE見對方）
[版主回覆03/19/2013 09:53:47]Ka:
~間唔中食一次犯法午餐, 都幾刺激. 但就唔係成日有機會可以犯法, 因為真係要等Brian's daddy 唔得閒有機會食到!! 不過, 犯法就係有依隻快感!! 確實好開心!! 哈哈~~
~你同你老爺奶奶, 都相距好遠, 講真, 渣車都好傷神, 我以前讀書地方, 都坐好耐車先去到, 所以, 我都明白, 渣車都好辛苦和攰!!! 你哋去探老爺奶奶, 都要有長假先探到佢哋. 一程車都無咗一日咁擠!! 不過, 好彩你老爺奶擠奶奶都會skype. 咁樣都可以見到大家
我唯一一次去 Vancouver 第一個印象又係。。。有綠色山有白色山又有水，好靚!
ReplyDelete你哋個犯法午餐食得好開心，希望 Brian 媽媽爸爸唔會睇 Vicky 你個 blog 啦。
如果個個父母都好似 Brian 父母咁開通同 considerate 就天下太平囉。Vicky 你好幸福（佢哋都幸福，又個孝順識諗的未來新抱)
[版主回覆03/19/2013 10:16:24]Angela:
~其實, 以前住多倫多唔留意, 綠色山,白色山頂, 又有水, 係會好靚, 好舒服!! 係當去到溫哥華見返依啲畫面, 我先珍惜依啲自然景色. 人就係咁, 通常無過之後, 才會識得欣賞!!
~依餐犯法午餐, 都係因為Brian's daddy有約, 我和Brian & Brian's mom 先有機會食咋!! 平時, Brian's daddy唔太鼓勵食依啲食物架!! 不過, 犯法午餐都係間唔中食下先好玩!! 個隻快感, 真係好刺激!!
~我都估唔到會遇到Brian, 和他一對咁開通嘅父母, 好多野都顧及到我嘅感受, 真係唔係個個人有依個心. 希望一直都keep到落去!!
Obviously, you guys went to Aberdeen Food Court, try the rice noodel @ the place you bought 雞蛋仔, I really like it and I think its better tha DEER GARDEN. Oh! Where is the hot pot place ?
ReplyDelete[Ta Ta Source回覆03/23/2013 12:50:29]春秋火煱, 我太耐無去啦! 它經常有很多明星幫襯. 至於雞蛋仔專門店, 下次有機會一定要試它的原美魚湯, 魚味重過鹿園架! 還有可選米粉, 因它是選用台灣米粉, 特別幼架!
[版主回覆03/19/2013 10:51:27]TaTa Source,
-怪不得我買雞蛋仔時, 有咁多人買粉麵啦!
-其實我覺鹿園啲粉麵都唔差, 但原來Aberdeen 賣雞蛋仔間食店仲好食呀! 等我下次試下先.
-間hot pot 名為'春秋火煱"(Landmark hot pot place), 係S. Cambie St. 佢哋啲火鍋料, 真係好新鮮㗎!
張被好得呀，用唔用時都一樣可愛：）
ReplyDelete[版主回覆03/19/2013 10:56:23]samsamdandan,
-個張被係電視被, 唔用當公仔咁擺, 真係一舉兩得.
我好喜歡張衫，仲可以攬下隻小狗
ReplyDelete[版主回覆03/19/2013 11:00:01]Luxueux Yvonne
-張被我都鐘意, 有時睇電視凍凍哋, 可以開出黎琴下, 冇用時, 又可以當裝飾, 真係一舉兩得. 所以我送比Brian 嘅媽咪時, 佢都好開心
junk food is always yummy but not healthy ! Brian's parents are very considerate.
ReplyDeleteYou two will move back Vancouver soon and Brian's parents must be very happy !
But you will have less chance to see your own family ! Anyway, you can fly back Toronto to visit them.
[版主回覆03/19/2013 11:06:07]Happy girl,
-啲犯法食物都係間唔中食下好啦! 成日食, 就冇咗驚喜.哈
-我好感恩, Brian 父母好顧及後一輩人感覺.咁樣真係令大家生活都舒服好多.
-其實我想盡快搬去溫哥華, 越早搬去, 可以越早適應.
個犯法午餐好吸引, 我都好想食呀
ReplyDelete[版主回覆03/19/2013 11:13:02]Jo 姐姐,
-犯法午餐, 又真係幾好味㗎! 但成日食就唔太好, 間唔中偷食下, 隻快感都會開心啲. 哈
哈哈...原來個D係犯法午餐，我成日食架喎
ReplyDelete[版主回覆03/19/2013 11:35:06]Oli,
-原來你鐘意食犯法嘢㗎! 啲犯法嘢真係幾好味㗎! 嘻
-其實我想講Brian 父母好顧及我和Brian 嘅感受, Brian 父母黎多倫多探我哋, 都會住酒店, 而且我和Brian 係多倫多都係忙於返工, Brian 父母又唔忍心, 我和Brian 一放工又要趕住去酒店, 又趕去食飯, 而且食餐飯, 都係對得幾個鐘, 之後我和Brian 又趕住返屋企休息, 準備第二日返工, Brian 父母令願我同Brian 係多倫多, 放咗工之後休息多d. 所以唔會過黎多倫多.講真,好少有父母會咁顧及後生一輩嘅感受. 我父母真係冇依個觀念,我係佢哋個女, 要我點就點.
-因Brian 工作問題, 所以由溫哥華搬咗黎多倫多工作.所以,Brian 住東岸, Brian 父母住西岸.
[Oli回覆03/18/2013 22:31:27]其實Brian過黎探你地，可以住酒店，咁咪大家都方便囉
點解佢地一個住東一個住西既?
佢地真係好...不如佢真頭援去vancouver
ReplyDelete[版主回覆03/24/2013 13:02:40]Farming Cherrie,
-都打算緊㗎!
Vicky ,
ReplyDelete狗仔電視棉被好得意又實用
你地曳曳呀 , 偷食犯法嘢 , 不過偷食真係食得高興又特別好味
魚頭火窩好美味啊 !
Brian's parents 唔去探Brian的原因竟然是為了妳 , 真係好感動而且好羨慕妳 .
[版主回覆03/24/2013 13:06:53]ak,
-張棉被好啱用, 由其是冬天睇電視嘅時候,嘻.
-間唔中食下犯法午餐, 感覺好刺激, 食咗好高興, 但依d 食物都係間唔中食下好, 因為真係冇咩益, 哈
我都好中意犯法架 ! 因健康問題, 唔敢掂 ! 從看你的 blog, 對你的生活態度, 也略知一二. 你同Brian 生活好間單, 有規律, 但又不失精彩. 就算外出或出門, 比平時吃多了, 但仔細看, 你們還是有節制的.
ReplyDelete看bloggers的美食blog, 非常享受, 亦都嘖嘖稱奇, 為何可以食到那麼多的東西呢 ? 我個子小, 一吃多了, 便好易肥, 肥到好誇張, 就算節食亦會是肥人的感覺.
每次看見美食blog, 都好投入, 我真係當自己食左架.
見到你地火鍋, 都流晒口水. 我一年都唔會食一次, 但我覺得我食了.
你和Brian 一家相處融洽, 其實都反映你們的修養, 相遇是你們的幸福！
[版主回覆03/24/2013 13:14:13]Alice,
-你睇我寫嘅blog好仔細. 兒意到我食嘢嘅方針, 其實去溫哥華, 真係比平時食多咗嘅, 但都係去旅行先會咁盡情, 一齊冇壓力去食, 都好開心.
-肥同瘦...真係唔想講太多, 我覺身體健康更重要. 我抱住平常心. 平時日子. 我都盡清淡d, 令身體可以平𧗾一下.
BRIAN父母真係吾話得，咁識得幫你地諗，好羨慕呀！
ReplyDelete[版主回覆03/24/2013 13:16:46]Mrs. Wu,
-我都好開心, 可以遇到咁開通嘅長輩.