Vicky 在溫生活: February 2013

炒飯

February 28,2013 (Thursday)

炒飯, 確實係方便又快捷的一款菜式. 我有陣時的晚餐, 都會弄炒飯吃.

自我隔離果個人, 喜歡下廚後,他連炒飯, 都開始慢慢作研究. 又咁啱他從老家, 見到一個關於炒飯的食譜. 他便以這食譜作藍本, 開始學整炒飯.

以我觀念---炒飯個定義係, 把一點肉和菜, 以及一些調味料,和白飯炒埋一堆. 便成一蝶炒飯.

但當然, 我隔離果個人, 對炒飯嘅定義和我不一樣. 他嘅炒飯, 要粒粒飯分明, 還要有一絲絲的蛋絲, 才是真正炒飯喎.

所以, 有了食譜, 他就開始學習炒飯.

第一次, 他炒的飯, 已經不錯了. 但我隔離果個比較奄尖. 他覺味道不夠濃. 所以, 第二天, 再試過.

點知, 第三天, 第四天,.......也不停試炒. 係就係進步了. 也做出效果, 但我已經吃厭了.

就算改變炒飯內裡的用料, 但製成品, 仍是一蝶炒飯嗎!!

↓我隔離果個人, 第一次弄的炒飯, 貌相都不錯!! 第二次整炒飯, 已經看得好清楚, 炒飯內有一絲絲的蛋絲啦!!

↓之後, 仲將啲飯, 越炒越黃金!!! 炒飯配以麻婆豆腐和洋蔥茄汁雞翼同吃

↓我隔離果個人, 開始掌握到炒飯技巧, 用了不同配料炒飯. ---依蝶係肉碎蔥花炒飯

↓有日, 我隔離果個人, 買咗叉燒, 所以, 一連兩日, 炒咗叉燒辣椒蔥花炒飯做晚餐. 依個炒飯, 用了叉燒, 有叉燒嘅飯, 炒起上黎都幾香

↓番茄洋蔥炒肉片,又是配炒飯同吃. 這個炒飯個名堂是煙肉蔥花蛋絲炒飯!!

↓就是這個食譜, 令我隔離果個深深愛上弄炒飯!!!!

而家, 我一聽到我隔離果說「炒飯」, 我會渴停佢. 因食得太多了. 可能隔段時間, 再整返, 我先會肯食返!!

可能我平時, 都無咩飯癮, 接二連三, 進食炒飯. 真係要停一停先得.

掛念早餐

February 22,2013 (Friday)

好多營養師,都話「早餐」係全日最重要的一餐.

說實話, 有幾多人會日日食一餐豐富早餐呢? 比我都瞓到最後一分鐘啦!!

但唔知係咪, 在Brian老家---溫哥華. 每天都要吃早餐. 還吃得好豐富!!

回到多倫多, 就很掛住一起身有早餐食嘅感覺.....所以, 一朝早就會整早餐食!!

但自己啲早餐,來來去去都好似, 滿足唔到自己....(可能, 我在溫哥華所吃嘅早餐, 實在食到好滿足!)

↓每次去完Brian 老家之後, 返回來, 自己機地之後, 都會主動去弄早餐--簡簡單單, 雞蛋,火腿和麵包

↓橙汁,外賣咖啡, 沙律罐頭三文魚+雞蛋+麵包, .........或者熱檸水, 香腸,蛋,芝士牛角包

由於, 掛住溫哥華時, 所吃嘅早餐感覺. 所以係星期六, 有多啲時間, 我便嘗試模彷在溫哥華時, 吃早餐嘅格局. 由餐檯用具, 餐桌擺設, 到早餐所吃的食物. 完完全全抄足, 黎一個溫哥華式嘅盜版早餐.

不過, 跟足溫哥華式嘅早餐, 都有啲難度. 因為餐具比較多, 準備餐具都要一段時間. 但嘆到一個full breakfast. 人都精神好多.

↓左邊幅圖, 就是在溫哥華時, 我所常吃的早餐的格局. 右手邊幅圖,係我自己嘅早餐. 早餐嘅風格, 完全抄足晒. 哈哈~~ (好彩,依餐早餐, 係星期六先試玩, 原來好多工夫準備!!)

----------------------------------------------------------------------------------------

而返回多倫多之後, 多倫多嘅天氣, 仍然是落雪天, 好寒冷. 冷到說不出聲. 乜唔係春天咩, 仲係around 零下10℃, 着衫出街和回家除衫, 都變得好費時, 真是每天都想躲在家.

↓返回多倫多之後, 仍是滿地白雪, 每天都會晒陣雪.

這排的晚餐, 我和Brian都是在自己家吃. Brian 自行去超級市場入貨. 自行入廚房下廚. 有時,我都佩服他的柏力.

可能, 在溫哥華, 真係嘆慣咗, 我返回來多倫多, 懶到連買野, 都覺好費時. 多倫多生活太煩忙啦!! 市中心人太多, 買少少野, 坐陣車, 都排隊排到七彩.....連行路都時常比途人碰撞. 真係去陣街,都好似打咗場仗咁.

都係坐係自己屋企, 係最舒服.

↓晚餐, 茄汁雞翼+蠔汁小棠菜. 另外一日, 香蔥炒麵+小棠菜

↓用新嘅黃色LC 煲, 整腐乳雞煲. 還有蒸肉餅

↓蔥爆雞肉, 左公雞

↓番茄炒肉絲, 麻婆豆腐煲+蒜蓉白菜

戰利品

February 19,2013 (Tuesday)

返黎多倫多啦!!

今次去咗溫哥華一星期. 但唔覺唔覺咁. 買咗好多野返黎多倫多!! 而且, 今次去溫哥華, 頭個幾日行李滯留於機場. 所以, 今次係溫哥華, 出多咗百貨公司, 入啲日常用品, 例如, 襪和內衣褲.

但一行街, 就會見多咗其他野, 因此, 買下買下, 都買咗好多!!

而今次, 一到多倫多,我就即刻打開個行李. 因為今次係溫哥華, 真係買咗好多fragile野!! (易碎物品). 好好彩, 全部順利到達!

↓今次, 係溫哥華買咗嘅野!食物,衫襪,公仔和家品, 真係咩都買啲... 而Brian 而家鐘意煮飯, 他主動買咗一個鑊, 一個LC煲返黎多倫多. 個LC煲, 係Brian 上網見到有特價, 所以, 即刻走去百貨公司買, 但只有黃色LC 做特價. 所以, 買咗個22cm煲, 計埋稅, $9x 幾抆加幣. 我哋覺好抵. 本來想買多個LC pan, 但怕托唔到返多倫多, 所以無買!! 仲有Brian 係溫哥華買咗部電話, 岩啱做特價, 所以即刻出!!

↓我今次就帶咗套Hello kitty杯蝶返黎多倫多

↓隻蝶都幾大隻, 仲有杯

↓一set 夠兩個人用, 返黎多倫多, 即刻用依set 新杯蝶, 黎一個下午茶.

↓還買了四隻水果形蝶仔,用黎放湯勺or 作豉油蝶....亦買了一些行李accessories, 夏天去旅行用.

↓而Brian出咗部電話, 他去到邊都會可以買電器....

有時,我會諗, 其實自己都仲有一年時間倒, 就會由多倫多搬去溫哥華居住. 理應好多野, 都等到去溫哥華先買!! 但又唔知點解, 一去到溫哥華, 就有啲購物mood. 好容易就會買到野!!

但又咁岩,我係溫哥華時, 好想買啲野, 又做緊特價, 所以, 就買咗先囉!!

我諗黎緊, 我要搬去溫哥華時, 真係大把野pack!!

花燈和餃子節, 最後一日@Vancouver

February 17,2013 (Sunday)

最後一天, 係溫哥華啦!!

由於坐夜機返多倫多, 所以, 在臨上機前, 仲有全日時間係溫哥華玩一玩先上機!!

這天, Brian's daddy 好主動問我和Brian 仲有咩地方想去玩, 有咩地方想食!! 會盡量係最一刻時間, 帶我哋想去嘅地方!!! 連平時, Brian's daddy 最怕去嘅溫哥華downtown. (因當地, 道路太繁忙和時時刻刻都塞車). Brian's daddy 都唔介意同我哋去行下!!

其實, 黎到最後一日, 心情當然不捨. 而且, 返到去多倫多, 就有一種, "要捱"嘅感覺. 黎到溫哥華最後一天, 都無咩特別地方想去, 但我好喜歡Brian's daddy好顧及我哋嘅感受. 會問我哋意見.

有時, 我覺自己好簡單, 簡單到Brian's daddy 問我一條問題, 我都會好感動!!

-------------------------------------------------------------------------------------------

講返今日嘅行程............

Brian見到溫哥華當地社區嘅新聞講, 台灣旅遊發展局會係溫哥華市中心舉行一個「花燈和餃子節」

見咁得意, 就去行下!! (其實, 我同Brian 都係被"餃子"依兩個字吸引咗.....所以,先去行下....哈哈~~)

↓一到「花燈和餃子節」現場, 就見到好多花燈裝飾, 可能又咁岩,就黎係chinese 情人節,所以, 都幾應節嘅!!! 而從中有好多poster 介紹台灣觀光地方

↓我和Brian 都係鐘意食, 以為「花燈和餃子節」,場內會一定有好多臨時灘檔賣餃子食, 一邊食住餃子, 一邊睇花燈. 點知一到場, 只係見到好多動物型狀嘅燈.....但黎到都影下相.

↓一邊行, 就見到更多不同動物形狀嘅花燈,但真係一隻餃子都見唔到喎!!

↓原來台灣啲花燈係咁巨大,我仲以為花燈係等同猜燈迷,要估下迷語添!!

↓越行就見到更多唔同款嘅花燈.

↓有啲花燈,無端端會噴出煙, 嚇到我吖!!

↓行完花燈, 仲以為有餃子灘檔, 點知, 就去咗一個好多遊戲灘位嘅地方, 但好surprise 遊戲灘檔又幾多人玩!(仲幾多外籍人). 不過, 就見唔到餃子嘅影粽

↓其中一個遊戲灘位, 係可以着皇帝服和古裝服影相!! (依個灘位好受外籍人士歡迎), 而我黎到, 就去咗其中一個遊戲灘位, 玩轉動行運輪, 我贏咗個風車. 哈哈~~

行到個場館最尾, 終於見到我和Brian 最期待嘅餃子啦!! 除咗餃子, 仲有好多其他點心!! 味道都OK!!

不過, 係要黎依啲臨時熟食檔, 坐係街邊食, 咁樣食法, 先感覺陣風味!!

我哋四個人, 食咗幾彎, 人哋都無我哋食咁多!!

↓ 依個台灣旅遊發展局係溫哥華市中心舉辦「花燈和餃子節」我同Brian都係為咗依啲臨時熟食灘檔先黎, 啲餃子好多款, 仲有其他點心, 啲大大個叉燒包, 最好味!! 我哋四個食咗好多蝶...哈哈~~