聖誕之旅--到達Las Vegas

December 18,2012 (Tuesday)


無錯!! 都有人估中.

我聖誕之旅, 便是去美國----Las Vegas (拉斯維加斯)

每年, Brian's 屋企係聖誕節假期, 都會找個地方,共渡聖誕.

所以, 早在入秋時份, 就開始相討,  聖誕旅行地點.

原先決定聖誕旅行的地點, 不是Las Vegas. 但上網見到Las Vegas 很多優惠. 而且, Las Vegas 又近Vancouver. (只是兩小時機程) 而且, Brian 覺得Las Vegas 似大人版迪士尼樂園. 時時都想去. 因此, 這次聖誕旅行----又是我另一次Las Vegas 之旅. 

其實, 我之前都去過Las Vegas 好幾次架啦!! 但Las Vegas 時時都在改變嘅城市. 無黎三年, 又有好多新building. 新商場興建咗. 又有另一番新景象.


↓到達Las Vegas 機場

↓一到達Las Vegas 機場, 感覺有如到達了賭場. 幾多老虎機, 真係等行李,等得耐, 都可以去老虎機玩陣先!! 哈哈~~

黎得Las Vegas, 就是標榜----靚賭場和靚酒店. 一切豪華和五光十色. 都盡現眼前.

一到埗,當然去check in酒店先, 今次,我哋住威尼斯--其下酒店Palazzo

↓一入到Palazzo 個櫃面咋!! 我已經嘩嘩聲, 因個櫃面, 都好大,好寬堂. 仲好有聖誕氣氛添!! (啲 "嘩嘩聲"都是內心"嘩")

入到自己住嘅房, 又嘩嘩聲, 因為全房成700多尺呢!! 我提議和Brian's parents 住adjoining room, 即兩間房中間有度門, 開咗就好像兩房打通, 一來方便大家溝通, 每日嘅行程. 二來, 兩房合併, 房間便有成1400 多尺面積. 真係仲大過自己住間屋. 哈哈~~ 

Las Vegas 真是無窮歡樂, 齋係講住嘅酒店, 已經有排講, 而且, 服務又好. 房裡頭啲野又先進. 任上網.  很多東西都係電子和remote 推動.  而且, 酒店內, 已經大把shops 行. 真係困係酒店,唔出街. 都夠玩!! 哈哈~~

↓這就是我和Brian 住的房間

↓King size bed and 有一個廳和L shape 梳化.

↓個廳有書檯, 餐廳和電視. (感覺都幾時尚)

↓King size bed 個邊又有電視, 都唔知要咁多部電視做乜, 行十幾步,大踏步,又一部電視.

↓洗手間, 好寬堂和 clean. 又有電視 (電視有中文台架!)

↓房間門旁, 就有度門, 開咗就見到Brian's parents. (是我提議住adjoining room, 因為傾每日行程方便啲). 現在, 都係強國人天下, 連酒店用品, 會印上中文字

可能去過Las Vegas 好幾次, 我們已經好識路, 一落酒店, 就識得周圍去啦!!

↓這就是我今躺在Las Vegas 住嘅酒店(Palazzo)

去到外國, Brian第一件事, 就係去買cellphone sim card. 他覺電話, 真係非常之重要. (我就全個聖誕之旅, 完全未用個部手提電話, 除咗影相.) 但Brian 無電話用, 就好唔安樂. 其實, 開咗roaming, 但加拿大電訊網絡商嘅roaming 收到好似天價咁. 因為加拿大係全世界數一數二, 電話網絡收費最高嘅地方. 因此, 去外地旅行, 會帶個unlock 電話, 去到當地買sim card 用.

諗住美國咁先進, 周圍都會有cellphone sim card 賣啦!! 點知.........揾咗成個幾層高嘅商場和 藥房(類似萬寧). 都找不到一張sim card. 手提電話和增值卡就有得賣, 但唔可以齋買張sim card. 要sim card 就一定要去指定電訊網絡商買.  攪到我哋要坐的士, out of Las vegas strip (出遊客區以外) 買sim card!!!!


↓一落酒店, 行過條天橋, 就行到黎依個商場, (商場名叫:Fashion show mall). 裡頭真係咩都有, 咩名牌都有, 連戲票都有得賣.  但就無sim card 賣. ............Las Vegas 街, 好繁忙. 我哋通常行天橋去目的地!!

↓Fashion show mall 啲聖誕裝飾. 好靚

↓Fashion show mall 唔止有聖誕裝飾, 仲定時有聖誕歌舞表演!! 聖誕氣氛好濃

↓係Las Vegas 第一餐, 食Pretzel. 啲Pretzel 真係好有美國本色, 大大件, 好多芝士. 四個人食兩份都夠. 



在Las Vegas, 最出名是食buffet 啦!!

間間酒店都有Buffet食, 但我黎過Las vegas 好幾次, 都未食過Buffet 架!! (細個去Las vegas 可能食過Buffet, 但現在已經唔記得, 所以,唔計自己食過)

所以, 今次去Las Vegas, 特定要食一次Buffet.

我哋聽口碑, 很多人話Wynn 酒店嘅晚餐buffet 會不錯!! 而且, 還要排好耐隊才有得食. 咁咪去Wynn 酒店食囉!!

點知, ...................餐Buffet 真令我覺得好失望. 味道唔講, 但食物選擇, 真是不多. 水果都只係得四款咋!! 個Buffet服務員話, 最受歡迎嘅蟹, 我都覺馬馬哋.  這餐Buffet, 真係連相, 都唔願去影!!

我對食嘅要求, 都唔係高. 會在適當環境作調整. 但這餐Buffet 真是不岩我呢!!


但比咗錢, 先入座. 依餐Buffet 點都要食, 走唔甩


↓Buffet, 好多人排隊架!! 比完錢入場.........Buffet 裡頭, 都見人頭湧湧

↓Buffet 入場門口個裝飾, 都幾靚, 用食物做出Wynn and Encore 酒店

↓Buffet 蝶沙律和雪糕 (這餐buffet, 只係影咗兩張食物相, 因為啲食物選擇好少)

↓Buffet 唔太岩我, 但Buffet 個場啲裝飾好靚

↓食飽晚餐,係Wynn 酒店行下,啲裝飾仍然咁靚, 我對上一次去Las Vegas 係住係Wynn 裡面.

↓好鐘意Wynn啲地氈, 紅噹噹

↓我對上一次住Wynn 嘅酒店嘅入口, 天花幾靚

↓由Wynn酒店行條天橋,就返到自己住嘅Palazzo 酒店. 沿途見到有顆變色聖誕樹

↓返到今次住嘅酒店,........坐電梯返歸, 這天, 真係行足一日!!