依個星期我同Brian返咗娘家, 好慣例同咗屋企人飲茶, and 食飯!!
係我屋企, 在星期六的飲茶天, 通常都比較少人飲, 原因係....有啲妹要返工囉!! 而我Daddy 又咁岩被另一批由香港返黎加拿大啲Uncle "的"咗去!! 所以, 星期六的飲茶天, 人丁比較單薄!!
其實, 我真係完全唔介意啲屋企人係星期六有自己節目架!! 講真, 飲茶有幾閒吖!! 幾時飲都得!!....人點都需要自己空間!! 我無所謂架!!
就趁星期六人少少, 就去試新茶樓喇!! 如果新茶樓啲食物唔好食, 都起碼唔需要全家人受苦嗎!! 但如果係好食, 就可以等下次 一家人有時間, 再食過嗎!!
新茶樓, 近來係中文電視時常賣廣告, 我都係Brian 講, 我先留意到, 因為Brian 比較喜歡看中文電視頻道. 有新餐店大賣廣告, 例必想試一試!! 所以, 我成日都話, Brian 好受電視啲包裝影響!
但好好彩, 新茶樓啲點心都幾特別!! 味道都ok!! 哈哈!
↓南瓜蝦餃, 饅頭夾肉, 牛油果鰻魚卷..
↓飲完茶, 行下街, 比我係街見到個好大個嘅Hello kitty 年曆, 個年曆size大到好似銀行送嘅 "福" 字掛曆咁!! 係就得意, 但咁大, 邊有位掛?? 所以, 影相留念就算!
↓到晚飯..開飯喇!! 全部媽咪煮架!
食完飯, 一家人, 看近排好hit 嘅 "宮心計" and "富貴門", 大家順便吹下水, 哈哈!! 其實, 我Daddy 每一日, 都追看香港劇, 仲追得好掂! 由其事, 他自己擁有一部新電腦之後, 真係一陣間就追完香港節目. 係星期六晚上, Daddy仍然會同我哋追多次, 不過, 我Daddy 同我哋追電視劇. 好鐘意留口風, 講晒啲劇情出黎, 攪到我哋追劇時, 都無咩驚喜添!!
不過, 我比較喜歡看 "富貴門" 多啲!! 可能係時裝劇, 感覺看得舒服啲!!
入夜, 我哋幾姐妹加埋她們另一半, 出街食宵夜......去咗食甜品!! 又傾下計咁囉!! 喜喜哈哈!! 係咁笑, 好好玩!!
↓去咗依間食!! 有豆腐花撈, 什果撈
↓街邊腸粉, 杏仁湖加湯丸
↓B仔涼粉, 芒果西米露
====================================================
October 25, 2009 (Sunday)
每個星期日, 係我娘家裡, 係無人願意早起身, 但Brian and 三妹男朋友想玩啲新挑戰!!....就係早起身「食早餐」. 因為有間新食店, 專食早餐架!! 味道幾好, 選擇好多添!! 不過, 這早餐店, 只營業到下午4pm 就關門. 幾巴閉呀! 所以, 我同三妹都一早爬起身. 接受Brian and 三妹男朋友嘅挑戰-----------「食早餐!」, 真估不到, 我同三妹and Brian, 仲有三妹男朋友, 還早過Daddy and 媽咪起身添!!哈哈!!
我哋四個晨早走去早餐店, 已見到門口有好多車停迫!! ........... 嘩!! 估唔到一早有咁多人食早餐!! 成間早餐店, 張張臺都坐滿!! 幾勢利呀! 哈哈!!
不過, 我哋四個人只食兩個早餐set 咋!! 因為西式早餐個份量好多!! 所以, 四個人share 兩個早餐, 真係啱啱好!!
早餐之後, 人都可能有精力啲, 我們四個還去了商場行下!! 雖然, 賣埋啲零食!! 但朝早咁樣玩!! 又幾好玩!! 哈哈!!
行商場行到中午時間, 再和屋企人飲茶!! 又食過....哈哈!!
↓早餐店, and 其中一個早餐set﹐西式早餐, 份量多到, 要用兩隻蝶盛載住...哈哈!
No comments:
Post a Comment