早排同啲妹, 以及她們的另一半傾計, 大家講開雞翼, 都好想食!! 而三妹男朋友係較早前, 又試過去一間食雞翼為主題嘅餐廳, ....大家都聽落去都好有興趣.....所以, 便發起今次 "雞翼" 飯局!!
成間餐廳有成百幾種雞翼口味選擇..... 我望下menu, 都估唔到依個世上有朱古力雞翼食添...!! 不過, 我哋無揀朱古力雞翼...!! 因為未食, 已經感覺奇怪!! 哈哈! 有啲雞翼辣嘅程度好利害, 食之前要簽紙先可以叫黎食,...幾特別!! 哈哈!!
我哋一行七個人食咗百幾隻雞翼, 再加啲小食. 喜歡食雞翼嘅我哋....緊係話: "好好味啦!!" 而且, 我哋還一邊食, 一邊睇球賽, 入球時, 差唔多成間餐廳啲人都"叫", 好有氣氛!
今日, 用小食當正餐,食得開心之餘, 而且價錢唔算太貴.....有機會再同啲妹, 以及我們的另一半再食過!! 講真, 比我自己整都費事一次過整咁多口味喇! 出街食....舒服好多!!
飯局完之後, 我們還有啲活力, 所以, 便去了SDM (類似香港啲萬寧)行咗陣!! 無計喇, 食完飯都11 點幾喇!! 咩商場都close 晒!! 唯獨SDM 仍然開門營業, 咪一行七個人, 入去sdm 倒亂囉!! 入得去SDM 實會唔覺意洗錢, 我買咗啲零食囉!! 啲妹買咗啲貼紙比聽日補習班啲小朋友, 之後, 便各自散喇!! 哈哈!
↓依間雞翼餐廳不設預訂, 先到先有位, 等了1 小時, 才有位坐!! 好彩三妹早啲去霸位, 如果唔係都唔知等幾耐!!
↓黎張合照先.....三妹男朋友, 三妹, 五妹, 四妹, 四妹男朋友, 我 and Brian
↓以下是我們order啲食物.....有啲小食, 黎咗都無影.....因為我掛住食..."係咁二" 影咗啲囉!! 哈哈!!
嘩.....好多雞翼呀..
ReplyDelete[版主回覆11/05/2009 10:38:00]心樂: 係呀!! 雞翼就係我哋依日嘅主菜, 當然叫好多唔同款嘅雞翼黎食喇!!
2妹呢
ReplyDelete[版主回覆11/05/2009 10:38:00]Kitty: 我哋好少同2妹有節目架!! 她都唔係好想理我哋!! 所以, 我哋四姐妹及我們的另一半咪自己玩囉!
咁邊隻wings最好味呢？我最鐘意係honey & garlic
ReplyDelete[版主回覆11/12/2009 10:24:00]Mui: 今次, 我喜歡caesar 味, 平時Caesar 就配沙律多, 但估唔到配落去雞翼又幾好食!!
雖然有咁多好味既雞翼, 但一諗起有負面新聞既時候, 都唔敢一次過食咁多呀~~~
ReplyDelete[版主回覆11/12/2009 10:24:00]細細粒: 雞翼關負面新聞咩事呀?? 可能, 我喜歡食雞翼喇!! 都唔理太多!!哈哈!
係話d農夫幫雞隻打針, 專打雞翼位囉, 即係有多d雌激素喎.....所以每次都唔敢食得多囉~~
ReplyDelete[版主回覆11/19/2009 07:57:00]細細粒 原來係依樣, 我都聽過呀!! 但又唔係日日食, 間唔中瘋癲下食雞翼, 真係好好味!! 哈哈!