時間真快!!又一年, 我又大了一歲! 以前, 細個會諗, 如果我到達依個歲數, 咁自己咪好大個囉!! 但當我真正踏到依個歲數!! 又唔覺得啲咩特別!! 哈哈!!
往年生日都只係着薄褸, 今年生日, 天氣特別涼, 我已經需要穿着大褸出外慶祝!! 講到慶祝, 都是好簡單, 和身邊果個, 一齊出街食一頓飯, 食物美味, 環境舒適, 我就已經很高興! 很滿足!
生日飯, 去了試新餐廳, 這餐廳開業無耐, 但時常經過, 都見到這餐廳都是 "坐滿人", 所以, 便趁着生日這一天去品賞!!
餐廳環境舒服, 食物味道還唔錯, 最價得一提係依間餐廳啲服務and 管理做得好好!! 雖然, 這間餐廳不設預約, 每個客人, 都需要等位, 但在等位途中, 有許多小食任意品賞, 也有紅酒tasting ......啲接待員又好識同啲食客social. 個個員工都睇得出被公司訓練過. 好有禮貌. 我們也忍唔住同啲接待員傾了一陣計. 哈哈! 所以, 唔覺唔覺自己等緊位, 感覺似去party 多啲!! 哈哈!!
近來, 我身邊果個人, 工作十分忙碌, 我生日正日, 他只可用午飯時間和我在電話傾談一陣, 不能夠和我一齊享用午餐, 但在我電話筒裡, 聽到他公司電話不段響過不停, 而且講講下, 又聽到敲門聲, 而我們談話也需要中斷. 隔無數分鐘.......我們又講起電話, 但又被其他原因, 中斷了談話!! 說實話, 我完全唔介意, 同他講到斷斷續續, 他在咁繁忙時間, 他還打電話和我祝賀!! 我已經很開心了!!
我依然感到興奮嘅係......從電郵, 郵寄, 電話, 可以留言嘅平台, 各方朋友, 親友, 都送上禮物或者特別祝福! 令到我依個特別日子, 特別開心!! Thanks everyone for their warm wishes! You had made this a very special birthday for me!
今天,還有一件好溫暖的禮物------ 頸巾....Thanks Brian!!
↓餐廳環境
↓紅酒tasting......
↓很喜歡地上啲燈
↓餐廳環境....很喜歡餐廳個酒櫃牆
↓我們所食嘅食物....Ahi tuna taco and Bombay butter chicken
↓Lobster Ravioli (我鐘意食依個---yummy!)
↓Blackened Basa
↓還有甜品 (Chocolate & Banana bread pudding and Molten Lava chocolate souffle)
↓洗手間門口盞釣燈好靚, 我很喜歡這洗手間格局, 希望自己未來的洗手間也是這樣!!
↓去完廁, 洗完手, 同啲外籍人事一齊研究----吹手機!! 因為大家第一次見這類型吹手機!! 哈哈!! 要成對手放入去吹風.....數秒就吹乾---好快!! 但感覺自己似大鄉里---吹手機都好似唔識用!! 哈哈!!
↓這份生日禮物---我真係好喜歡....紅色頸巾, 好溫暖, 啱晒而家用。Thanks Brian. 原來在購買這條頸巾嘅過程都幾麻煩, 但最後, Brian 都能夠購買到....辛苦晒.
生日快樂呀!
ReplyDelete[版主回覆10/23/2009 09:46:00]Edison and Cherry 多謝你呀!!
合皮百夫地 ......
ReplyDelete[版主回覆10/23/2009 09:46:00]表叔公: 多謝晒!!
happy birthday to you!~
ReplyDeleteLV 頸巾好正呀!~
[版主回覆10/29/2009 07:03:00]小威威: ~多謝你呀!! ~係呀!! 我都好鐘意依條頸巾架!! 哈哈!
Happy Belated Birthday I saw a ring on your ring finger, are you engaged?
ReplyDelete[版主回覆10/29/2009 07:03:00]Kitty: ~多謝你生日祝福!! ~我係msn 解釋過, 帶戒子對手唔係我黎架! ~你好似對帶戒子這個飾物都幾敏感!! 哈哈!
woooooo!!happy birthday ar!!!thanks for comming to my blog!!! the place is soo nice ar!!!
ReplyDelete[版主回覆10/29/2009 07:03:00]Di Ve Space: ~我見你訂閱我個blog 嗎!! 所以, 咪去你個blog 度遊巡下囉!! Nice to meet you and thanks 你訂閱我個blog!! ~依個食飯地方, 係Don mills mall 裡面!! 你有時間去下!! ~嘩!! 你大日子將到, 祝你一切順利!!
過晒先嚟睇番添......講多句生日快樂先~~~ 條頸巾好靚呀, 你越來越多呢個牌子既嘢呢~~~會唔會變咗fans呢.....哈哈~~~ 食物都好靚好好味咁, 睇落好似多款, 其實係唔係比較細份, 你哋食得晒架? 我食少少都好易飽架~ 乜原來加拿大無吹風機架? 一早我哋都有用過, 但唔係好多地方會用就真~~~
ReplyDelete[版主回覆10/29/2009 07:03:00]細細粒: ~唔緊要, 我都過咗一段時間先覆blog喇! 哈哈!! 多謝你對我生日嘅祝福!! ~依條頸巾我都好鐘意架!!而且, 我一年裡面, 好多時候都需要帶頸巾架! 所以, 我收到依份禮物都好開心!! ~你講得岩, 我真係越來越多呢個品牌, 但我反而覺Brian 喜歡依個品牌多過我!! 因為, 他現在喜歡遊覽呢個品牌個web-site!! 哈哈!! ~依日, 我餐生日飯叫咗好多食物, 而且仲食唔晒添!! 人係咁架喇!! 眼闊肚搾...哈哈!! 但所有食物都好好食!!! 食得好滿足! ~唔怪之得你咁瘦喇!! 原來你食少少就飽!! 哈哈!! ~加拿大有吹風機, 但依個吹風機...吹啲風出黎比較特別.....而且, 依個吹風機, 係set 咗係好低位置, 要烏少少身, 先用到, 感覺好特別囉! 用文字好難形容到比你知添!! ....總言之, 吹風個感覺好與別不同喇! 哈!