我正日生日係十月中.....但較早前, 我blog 友Kitty, 已經話買咗份生日禮物比我喇!! 但我幾大牌呀!! 竟然, 無即刻去攞份生日禮物...哈哈
!! 其實, 我唔想扮大牌架!!! 我依排真係非常忙碌...大把野要做...連晚飯都晚一晚先食到, 跟本都去唔到Kitty 工作地方揾佢....!!! 但聽到Kitty 話送生日禮物比我, 真係超感動, 好鬼想比個hug 佢!!! 因為我覺, 而家, 真係好難揾到啲咁有心嘅朋友!! 今日, 我見有機會去郵局, 就乘機鼠去Kitty 工作地方, 我依日其實, 好烏"where"架!! 但我唔理, 我都要去見Kitty,....因為佢為我整齊咗一份精心嘅生日禮物嗎!!! 其實, 我去攞完份生日禮物, 攬咗Kitty 一下, 我就要趕住走返工....我連計都無咩點同Kitty 傾添!!...真係唔好意思!! 但我相信Kitty 明白嘅! 我攞住份生日禮物已經好感動!! 我未擦,已經好鐘意喇!!
擦完份禮物,我更加鐘意喇!!! 我最怕凍架喇!! 所以, Kitty 就送咗一條頸巾比我...除咗頸巾外, 仲有一支我成日唔捨得買嘅Hand cream 添!! 兩份禮物對我黎講, 真係好有用架!! 我真係好鐘意呀!! 多謝晒呀
!!我收完份生日禮物....我覺Kitty 可能跟蹤過我
囉!!! 因為我較早前先同四妹,去行咗陣商場, 我哋只行了hand cream 店 and 賣頸巾間鋪頭....兩間店鋪, 但又會咁"橋"..Kitty 就係買hand cream and 頸巾比我做birthday 禮物喇!! 哈哈!! 講真吖!!! 初頭Kitty 話買咗份禮物比我時, 我竟然話
Kitty 架!! 我話Kitty 晒錢買禮物比我囉!! 後尾, 我諗返自己個語氣.....我先知自己唔太好!! 不過, 我視Kitty 為好朋友, 我先毫無保留咁樣講內心個句咋.....哈哈!! ↓就係依份生日禮物...包裝幾精美.....Kitty 送完比我, 我就即刻同份禮物影返張相先!!我怕我自己行行下會擦開咗....因為我真係一邊行一邊擦囉....哈哈!
↓擦開份禮物出黎, 就見到綠色頸巾...條頸巾可以有好多種方法帶架! yeah! .....仲有支hand cream....添!!由於, 支handcream 比條頸巾遮住, 我初頭以為我份禮物係頸巾....後尾返屋企看清楚先知, 有埋支handcream 真係雙重開心呀!!!
↓就係依支hand cream 喇!!! 我自己都唔捨得買呀!! Kitty 送咗比我喇!!! 我事前都無同Kitty 講我鐘意架!!! Kitty 自己估到!!!
**Kitty 你下年唔好送禮物比我, 因為你平時已經幫我"班" 到好多免費samples and coupons.....我知你好花心機揾, 我收到你比我啲coupons and freeibes....我都覺係你送禮物比我架喇! 而家你仲送生日禮物比我, 我真係唔知點多謝你!! 但我好開心呀! 我仲已經用緊你啲禮物喇!!
1111111111111111
ReplyDelete[版主回覆10/18/2008 06:12:00]Kitty: 叻叻叻!! 又第一
一陣來過
ReplyDelete[版主回覆10/18/2008 06:13:00]Kitty: 歡迎路過!! 哈哈!!
1. 我唔覺得你語氣差啊, 你唔想我晒錢jeh. 2. 你o個日同我去完McDonald 行過Crabtree&Evelyn 話你呢只handcream 好用架麻. 我第2日就去左買給你,又咁arm 特價. 個姐姐仲話如果你唔鐘意只味可以去換架. 3. 你成日都話凍,咪買頸巾過你law. 4. 你做大嫂係大牌d架啦. 5. 其實我尋日個樣都好得,個頭札頭成只雞咁. 6. 你用3盒Vita 換我一盒,我抵d啦. 7. 好開心見到你個四眼樣啊. 呢篇留言仲長過我篇blog
ReplyDelete[版主回覆10/18/2008 06:24:00]Kitty: ~真係破咗你記錄喇!!! 你依個留言真係留得最長,最詳細... 而且, 無咩錯字! 勁呀!! 哈哈!! ~真係多謝你條頸巾and handcream....好有用呀!! 我已經用緊, 我好自私架!! 你送依份禮物, 我會收埋自己用, 唔會同啲妹share!! 因為,依份禮物係你送架嗎!! 你平時, 比我啲coupons or samples 我就會同啲妹share用!! 但依條頸巾and handcream 一定自己用!!!
~我已經用咗支handcream, 都無得換味喇!! 但我好喜歡依隻味, 好不流都想買依隻味黎用!!!
~Vita...我識做架喇!! 雖然,Brian 開始唔飲vita 喇!! 但我去supermarket都照買喇!!! ~而家,係blog 界裡面, 得你見過我四眼咋!!! 你幾榮幸!!哈哈!! 我一配完幅眼鏡, 啲工作量突然大增!! 有時直情帶眼鏡返工,想做幾耐都得!! 對眼唔會太攰!!真係配眼鏡配得合時!!!
你個blog友真係有你心呀~
ReplyDelete[版主回覆10/21/2008 03:21:00]睛天娃娃: 我都覺我依個blog友好有心!! 我真係好開心識到依啲blog 友!!! 寫blog 真係好大收獲!!
Reply 晴天娃娃: 佢都好有我心架,成日買維他比我. ( 又踩過界)
ReplyDelete[版主回覆10/21/2008 03:23:00]Kitty: 依篇網誌, 簡接都係講緊你, 所以, 都可以"踩過界"喇!!! 哈哈!!
Kitty真係好有你心呀 睇佢留咁多個message比你就知啦 預祝你生日快落先
ReplyDelete[版主回覆10/21/2008 03:26:00]Mui: ~多謝你嘅預祝!!! 我知你係你網誌上都有特登同我講生日快樂!! 你都好我心呀!! ~係囉!! Kitty 真係幫我做埋覆message 依個工作...哈哈!! 攪到我個blog 幾熱鬧呀!! 哈哈!!
To Mui: 鬼妹 生日快樂啊....not 落
ReplyDelete[版主回覆10/21/2008 03:28:00]Kitty: 我覺你寫blog 學緊中文字!! 哈哈!! 你依家啲中文,越黎越進步喇!! 識得捉人啲錯別字
哈哈．．．．你今年的生日未到就成日收到禮物，相信由今年開始，你的生日會過得更加更加開心呀！
ReplyDelete[版主回覆10/21/2008 03:32:00]爆炸魔女: ~係呀!! 你講得無錯呀!! 今年生日,真係特別收得多禮物....而且,我開始寫blog 之後, 我屋企個郵箱,都開始熱鬧起來!! 好鬼開心呀!! ~我都要多謝你啲禮物and 祝福!!
真係好多禮物噃～～
ReplyDelete[版主回覆10/21/2008 03:34:00]C&K(傻妹): 我其實, 無expect 係自己生日收咩禮物架!! 但我今年birthday 真係收到特別多禮物...好開心!!
HELLO,有空入來看看^^
ReplyDelete最新自家設計,新款秋 冬男,女長TEE,布袋,手袋,精品,有意登入 http://puipui.mallid.com/main.do?a=a1
[版主回覆10/21/2008 03:35:00]pui pui
Vicky: 又一個朋友送野俾你啦,你真係收禮物都收到手軟呀!真係好鬼 羡慕你呀! 係頸巾個色好靚呀,亦好襯你,仲有呀,你隻hand cream聽聞真係幾 好用架,我自己經大把hand cream,所以唔會買呢隻試啦! 你呢排原來忙成咁,唔怪得我都唔多見你既蹤影啦(我自己都係啦,仲話你),anyway,你呢個生日,真係好體會到真友誼呀!祝你地友情長存!!!
ReplyDelete[版主回覆10/21/2008 03:53:00]陶陶夫人: ~我自從寫blog 後, 真係好多人同我係生日時候同我講生日快樂!! 有啲仲送禮物比我!!! 我真係估唔到會咁!!! 我都好多謝你話...想寄野比我!! 你都對我好有心!! 我有機會去你個樹, 我一定揾你架!!! ~講返依份birthday gift!! 我覺兩份禮物都對我好有用!!! 首先, 我講下頸巾...因為我怕凍, 而家已經轉咗秋天, 真係一出街就好涼..依條頸巾收得好合時....我可以多條頸巾黎襯衫!! Yeah!! 哈!! 而支hand cream...我其實一早就想買, 但自己唔捨得買, 又估唔到我blog 友--Kitty 好識做!! 買黎送比我!!! 好感動呀!! 其實, Kitty 依個心意, and 舉動真係令我好開心!!! ~我依排, 比較夜先收工, 所以, 都無咩時間回blog 啲message!!! 我有陣時都係買外賣做dinner!! 連廚房都無咩點入!! 哈哈!! 而且, 入夜我就懶, 真係無機會覆blog, 但你好有心, 仲係我每一篇留message...你好"碰"我場呀!! 都好開心係blog 認識你!! ~好多謝你祝福!!!