意大利之旅---Siena一日遊

June 14,2015


這天, Join 咗一個Day Tour.

遊覽佛羅倫斯鄰近嘅城鎮---Siena.

這個城鎮Siena. 位於山上. 

我未去個Siena 之前, 感覺這個城鎮, 好奇怪. 點解啲前人,會無端端係山上建咗成個鎮出黎. 沿途又無其他建築物. 總言之, 這個Siena 城鎮, 就好像自成一角咁.

但這個自成一角城鎮. 在公元唔知咩世紀時, 已經開發優良灌溉技術 (類似, 排水, 種值農作物,嗰一啲技術), 建築方面, 建設咗當年防禦功能非常良好圍牆.

由於地理位置, Siena 做咗羅馬貿易商之間嘅中轉站 (因為Siena, 就係羅馬和佛羅倫斯中間)

因此, Siena 有過一段繁榮歷史.  所以在當年, Siena城鎮內已經有市政廳, 很美大教堂, 以及大學, 專讀法律和醫學. 而且, 擁有銀行. (是最古老的銀行之一個地方). 還有廣場 (現今商場). 好繁華!

雖然, 這天Siena 之旅, 係下雨天. 但都係這個城鎮行咗成日時間. 都幾值得行. 真係估唔到山上嘅城鎮, 好似市區一樣.


↓黎到依度就係Siena 入口, 初頭見到依個入口,我真係有點驚訝, 又話以前好繁榮, 但個入口好似細細個咁. 個入口, 就好像一間屋門咁. 但大啲啲.

 



↓嘩, 但進入咗Siena 個入口之後, 就真係眼前一亮, 兩旁都係很美嘅建築物, 而且, 是上居下鋪個隻建築. 

 

↓見到賣風乾嘅ham 鋪頭. 成隻豬腿, 甚至成隻豬, 片火腿賣.

↓我即時買黎食, 好美味嘅風乾火腿. 之後, 我自己再買咗成大袋風乾火腿當零食咁食. 好美味呀!

 









除咗火腿,

Siena 嘅意大利雪糕 (Gelato)都非常好吃, 這間雪糕店, 還連續獲獎嘅雪糕店. 


講真, 我係意大利咁多日, 真係依一間位於Siena 城鎮裡面嘅gelato 係最好食. 而且, 係最滑溜嘅gelato.

後尾望返中文報紙, 原來當時, 香港以前唱歌組合Cookies, 其中一位成員. 是在這鎮結婚. 她幫襯嘅雪糕店, 我都有幫襯. 真是好巧合. 估都估唔到, 香港人會去到咁遠嘅地方, 舉行婚禮.



↓這間是位於Siena 城鎮裡面嘅最多人幫襯嘅gelato 店. 啲gelato 真係又滑又香. 怪不得每年都獲獎, 以及咩時段都大排長籠, 我都排咗隊好耐下, 先買到杯意大利雪糕

 


↓這間, 我覺好好味嘅gelato店, 裡面嘅gelato都好多口味選擇!!

↓食咗開心果味, 榛子味, 薰衣草藍莓味, 草莓味, 紅酒味, 及香賓味....意大利gelato. 全都非常滑溜, 其中香賓味gelato, 食落去有香賓氣泡嘅感覺 very interesting.

 


↓這個城鎮Siena, 好大, 真係行到去邊, 兩旁都有屋.  其中有一間城中最高嘅屋, (都有八層樓咁高) 是當時貴族嘅居所.  這居所, 係依家開放, 比人爬上去頂層, 比遊人企在高處, 遠望整個Siena 嘅景色. 我開始爬啦!!

 


↓就係依座貴族居所, 依家變museum. 我就無行museum. 只係爬到最高層, 遠望Siena 景色!! 講真, 爬到去最高層, 都唔容易!!

 


↓由於, 這座building, 係遠古時興建, 當時每一級樓梯高度, 起得唔夠統一.  有些會大級啲, 有些會細級啲. 甚至高低不一至.  而且, 樓梯傾斜度又好斜下. 所以, 我覺似爬樓梯, 多過行樓梯

 


↓真係, 喺咁爬到上頂層!! 不過, 爬到上頂層, 導遊先話我知, 原來當年啲廚房, 是位於頂樓, 因為遠古人,覺廚房係最容易火觸地方, 如果廚房火觸, 都是燒咗頂層部份, 下層仲住得人喎. 但啲僕人, 就要日日行足八層樓煮飯. 

 









↓終於, 爬到頂層, 望到Siena 大部分嘅景色

↓爬到上頂層, 當然一人一張相.

↓午餐, 係Siena 食飯.  叫咗兩支酒. 當地酒, 都唔錯!!

 


↓意大利, 視意大利粉是前菜. 所以, 前菜食咗白汁意粉 and 肉醬寬條麵, 相當yummy

 


↓午餐嘅主菜, 燒牛扒, 燒排骨, 到橄欖抆牛仔肉

 


↓之後, 再繼續行Siena, 這一個Siena 嘅市中心, 名為 Piazza del Campo (Campo Square)廣場, ......建築好繁華.

 


↓這座是Siena, 以羅馬式建築嘅大教堂. 叫做Duomo di Siena. 係天主教堂

 


↓Siena ---市中心嘅廣場Piazza del Campo (Campo Square), 鄰近就是市政廳. 平時有灘檔擺賣,吸引遊人, 但這天落雨, 灘檔都收檔. 但可以見到整個廣場. 依個市, 有咩慶祝, 依個廣場, 就是慶祝場地 

-------------------------------------------------------------------


行完Siena,

返去佛羅倫斯, 食晚餐.

食多餐佛羅倫斯, 最出名燒牛排.

因為, 這天是最後一晚係佛羅倫斯,

聽朝飛去羅馬啦!!

↓這天, 去這間餐廳好特別. 餐廳中央是放生牛排嘅地方,(有玻璃隔住), 相中個位阿哥, 一接到人客order, 就成條牛排攞出黎斬, 我見佢, 真係手起刀落, 切完件牛排, 放落個磅, 真係同我order 嘅磅數嘅數目一樣.  這位阿哥, 仲比件生牛排, 比我影相!! 

 



↓食飯, 當然order 酒啦!! 因為好抵飲.

 


↓頭盤, 佛羅倫斯嘅多士併盤, 有意大利風乾火腿, 番茄, 黃頭, 火腿肥肉及雞肝配多士, 還有哈蜜瓜配風乾火腿....太好嘅配塔啦!

 


↓前菜, 還有沙律 (啲菜好新鮮!!), 前菜仲有意大利粉 (好美味!)

 


↓主菜, 出場啦!! 切牛排阿哥又出場, 依件燒牛排, 真係好美味!! 

 


↓甜品, 意大利杏仁餅配甜酒, 還有, 像雪糕咁滑嘅 Tiramisu. 

 




這晚, 我自己仲同Brian 走出街, 夜遊佛羅倫斯, 仲食多個牛肚包 及 一包朱古力. 先返酒店, 半夜先執行李.  真係好似玩到, 最後一刻. 

Bye Bye, Italy, Florence