中秋

September 8, 2014 (Monday)


幾快呀!! 踏入九月啦!!

舊年依個時間, 仲係度發顛pack 箱.

時間真係好快, 過埋中秋就搬黎溫哥華一周年啦!!

而今年, 中秋正日, 雖然係閒日. 無得放假.

但夜晚可以出街食飯慶祝. 又行下公園, 食下月餅.

雖然, 好簡單, 但大家都好投入慶祝, 都覺好好玩!!

而臨近中秋, 真係明顯涼咗, 真係入秋啦!!

所以, 去咗一間煲湯好好飲, 好足料嘅酒家, 食中秋節飯.


↓訂咗個胡椒豬肚湯 (好胡椒味, 好暖身) ......而啲湯渣好大蝶. 好足料. 一人飲三大碗湯

 


↓中秋節飯, 食咗薑蔥炒蟹,  好脆bob bob 燒肉

 


↓叉燒炒蛋 (都唔明點解啲酒家, 點可以炒得啲蛋, 咁滑嘟嘟), 還有鮮魷炒白菜

 




中秋, 當然賞下月. 

其實, 中秋節個朝早, 天氣馬馬哋, 以為今年望唔到個月光.

點知越夜越好天, 食完中秋節晚飯, 仲好清楚望到個月光

所以, Brian 就提議去公園行. 賞下月

點知,去到公園............一個人都無, 仲黑麻麻, 感覺好危險!!

Brian 爸, 仲話我& Brian. 「你估依度係維園, 邊有人會賞月, 快啲上車,返歸啦!!」 

所以, 就返歸囉!! 

不過, 今年個月亮係super moon, 所以特別光and 大. 

因此, 返到歸都係自己個花園, 同月亮影相. 



↓今年個月亮, 真係好光& 好大粒.  我, Brian, Brian媽, Brian 爸都係前花園, 擺pose同月亮影相, 簡單影月亮相, 要就位就角度, set 相機光暗, 都玩咗一輪, 都幾好開心.  而我表演手拋月亮. 哈~

 


↓今年買咗奶皇月餅, 要放係焗爐, 焗一焗先好味道....... 還有買咗榴蓮月餅, 所以, 一定要走出花園食, 因為Brian 爸好怕榴蓮陣味.  但就係喺花園食, 所以感覺好特別. 

↓今年, 買咗依啲月餅, 最喜歡榴蓮冰皮月餅 & 奶皇月餅.

-------------------------------------------------------------------------


而迎月嗰日, 有個Auntie 係香港飛返黎溫哥華.

所以, 出咗去打邊爐.  順便聚一聚.


↓依家天氣涼涼哋好舒服, 打邊爐就最啱.

 



↓係溫哥華打邊爐一定食鮮魚, 仲有今次試咗牛丸, 好爽, 好彈牙. 飯後, 餐廳食薑汁熱豆腐花. 好鐘意. (依間打邊爐店, Brian 屋企幫襯咗20年, 每次食, 同啲伙記, 好似朋友傾計, 而飲品, 甜品,.....唔洗問就會送上, Happy~~)