近排香港發生嘅事, 好憂慮.
一有空閒, 便左讀右讀大大少少文章.
移民加拿大20年以上, 回港次數, 五隻手指可以計得晒.
唔返去香港, 唔代表, 我不關心香港.
反而, 我更想香港更加好.
願香港步向更美好
-------------------------------
遊記, 進展比較慢.
不過, 都會繼續寫.
這次旅行, 主要目的係"北極光". 所以, 去了加拿大阿爾伯塔省,其中一個城市----Ford McMurray
但這兒, 以油沙作為經濟命脈.
真係一行出街, 都感覺到"火舞黃沙"嘅感覺.
難得黎到, 油沙所在地. 就當然去一去參觀「油沙博物館.」
好老實, 我平時無咩必要,係唔會去博物館.
但去旅行, 就會例外. 哈哈~~
↓入到油沙博物館---帶頂安全帽先. 因為油沙工作嘅人, 是在沙泥埋工作. 安全帽, 是不可少. 而我哋去油站入油, 以及電視新聞成日講, "一加侖嘅油". 就係用依個油桶作儲存.
↓去博物館, 實講點解會有油& 沙係地底. 就係因為咩咩地質, 所以, 就......營成油&沙囉, 之後, 演變為石油. 當時有博物館工作人員講解. 她好有心機講.
↓石油需要提煉,鑽取,掘割......工序好多啦!! 總之, 油沙, 石油就屬於重工業. 連工作車嘅車轆都非常巨大.
↓油沙車, Totally, 五層樓咁高. 步行好多級樓梯, 先去到駕駛油沙車嘅控制台.
↓油沙車太巨, 唔知由邊度影, 有小型模型, 了解清楚
室內油沙博物館, 好多所參觀嘅事物, 都係比較學術性.
而且, 室內-----很多油沙嘅工具, 都需要縮細版本, 才放入室內. 唔夠真實.
真正油沙車, 係點...........
去咗個戶外油沙園, 就可以真正睇到.
↓依架就係油沙車, 巨到唔知點影. (影到盡, 都係影到其中一part)
↓好大好大. 好高好高嘅油沙車, 我拍埋去油沙車旁. 我變到細細粒
↓我哋今次就係依班人一齊去......都入到入個剷裡面. 我諗單一個剷嘅面積, 都大個香港啲劏房
↓油沙工業, 最後製成品----石油. 利潤很大. 但鑽取及提煉時,會唔覺意產生大量氣體, 講真啲氣體好難聞. 旁邊嘅河流, 已經被油沙污染, 係唔可以接近和使用.
↓參觀完油沙工業, 就返酒店, 係某處馬路旁見到啲特別石. 所以, 影下相
↓一齊同路旁邊, 啲特別石像影下相
↓行咗成日, 去食晚餐啦!!! 開酒, 頭盤炸魷魚
↓依個省以牛扒馳名, 所以, 日日食, 食足六日. 哈哈~~ 而有人, 事先知道打後日日食牛扒, 所以, 見有海鮮pasta 就叫黎食. 但我覺最幸福, 是住係溫哥華, 因為溫哥華真係好多食物選擇, 依個省啲食物, 選擇不及溫哥華多元化. (我不自覺寵懷了)
