Vicky 在溫生活: February 2010

Closing

February 28, 2010 (Sunday)

   嘩!!! 最後一日冬季奧運, 又咁岩係美國同加拿大ice hockey 大比併, 贏就有金牌.

   而 Ice hockey 不流都係比美國贏晒架喇!! 前兩屆冬奧嘅ice hockey 都係比美國攞咗個金牌架喇!!

   但今次溫哥華舉辦冬奧, 加拿大人情緒特別高漲啲, 而加拿大啲運動員又好博命比賽!! 所以, 今次, 冬季奧運, 加拿大攞嘅金牌數量, 已經多過美國. 以加拿大黎講, 冬季奧運有咁嘅成績, 真係好威水架喇!!

    到最後, 加拿大ice hockey 真係發揮水準, 打破歷史贏咗美國, 加拿大取到 ice hockey金牌. 加拿大人對hockey 不流都好熱愛, 仲贏咗美國喎!! 所以, 加拿大贏到依面金, 更加有特別意義喇!! 所以, 贏咗hockey 金之後, 幾多人自發性, 上街慶祝呀!!! 我居住downtown, 係自己居住個單位, 聽到幾多歡呼聲呀!! 啲車又係咁響按.......雖然, 係好嘈, 但我好鐘意依啲喜悅聲!!!

     啲自發性上街慶祝嘅人越夜越多, 警察仲封咗成幾條街, 比市民癲!!! 我見到加拿大打破舍命贏取ice hockey 金牌, 我都好高興, 高興到喊添!! (我係咁架喇!! 好容易流眼淚)

↓係電視影到啲市民贏咗 Ice hockey 金牌啲喜悅0

↓最後, 張相, 見到Eaton centre 門口條十字路口, 迫到幾勢利........全部都慶祝加拿大贏到Hockey 金牌!!0

最後, 加拿大獎牌磅排行第三, 總共有26 面獎牌, 如果只計金牌, 加拿大係第一位, 有14 金.0

三妹's birthday

February 28, 2010 (Sunday)

    自農曆新年之後, 等到年十四, 我先返娘家!!! 比着以前, 實比人鬧都似!! 而且, 我自己仲私自book 咗機票去溫哥華, 之後, 先同屋企人講, 名意上話去溫哥華睇冬奧開幕禮, 其實自己個心, 有啲想出去行下架!!!

   但出奇地, 我今次咁做, 我父母一句聲都無話我之餘, 仲無將啲嬲氣, 投射係我啲妹身上. 我都唔知感謝上天幫忙, 定係感謝我父母個心終於開通咗呢??

   我屋企一家七口, 計埋我們的另一半, 真係好多人架!! 大時大節, 最好正日要到齊, 係限定時間一齊到齊, 的確好難架! 由其是現在揾食都幾耕難! 況且到齊之後, 就唔可以再出街街, 出街就等同作反.   所以, 我話搬離娘家住, 雖到周末就回娘家, 其實, 我啲行為已經係家中嘅壞份子喇!!

---------------------------------------------------------------
   講返依個周末, 回娘家, 適逢係三妹生日,我身邊果個比較偏錫我個三妹, 所以, 早早買定生日禮物比三妹, 因為驚遲買無貨, 到時唔知點算嗎!! 而且, 生日喎!! 當然出去食餐好架喇!! 我哋去咗食越,泰, 日式自助餐!! 唔好以為咩都有得食, 啲食物水準會差, (因我食之前有咁諗), 但全部食物都幾好食, 真係唔差!!! 唔打唔撞食到好野, 真係好開心架!!!

   飯後, 就同屋企人打牌. 我屋企人好鐘意同我打牌架! 因為我唔識打嗎!! 成日唔覺意打牌比人食, 成個魚腩咁!! 試過幾次, 我打一隻牌, 三家一齊食湖, 都唔好話唔可怕! 所以, 我每次坐台打牌, 我屋企人仲開心過我!! 哈哈!! 今次, 打到半晚三點呀!! 打到人都呆咗!

↓一早買定嘅三妹生日禮物.....仲刻埋名架!!

opo

↓三妹話要同我哋影相

opo

↓三妹份生日禮物係一個電話套.....三妹開完份禮物已經即刻用

opo

↓食自助餐時,我懶影相, 影咗蝶魚生, and 啲雪糕 (黑色啲雪糕係芝麻雪糕, 好yummy)

opo

↓三妹男朋友帶咗附麻雀黎打!!!

opo

情人節禮物

February 25, 2010 (Thursday)
    到而家先講情人節禮物, 好似有啲遲!! 但依條手鏈, 我身邊果個真係一早訂定, 但等到而家先到.   所以, 我份禮物等到而家先有!!

    但我又唔介意而家先收禮物. 可能, 今年情人節又重疊埋年初一, 所以, 自己個腦, 無咩強烈情人節嘅感覺. 而且, 依段時期又飛咗去溫哥華, 所以, 農曆新年係溫哥華嘅歡樂已經蓋過咗情人節啲氣氛啦!! 但我一早買咗禮物比Brian ! 早啲收, 早啲用嗎!! 而我份禮物.......要等size 嗎!! 唔知點解次次想買這品牌啲fashion 首飾, 都係無我個size. 要就等新shipping,......總之, 就係要等啦!!

   唔好只係講情人節吖, 其實,大家間唔中有小禮物比大家! 啲小禮物唔需要係重型禮物, 總之,大家開心就得!! 試過, Brian 放工買咗盒棉花糖比我, 雖然, 糖唔值幾多錢, 但我收到,我已經好開心! 因為他知道我想食就買...份心意已經大過份禮物.

↓我份情人節禮物 0

冬季奧運撈飯

February 25, 2010 (Thursday) 一返黎多倫多嘅第一個工作天, 就落起大雪來!! 幸好, 係坐公共交通返工, 唔洗渣車, 唔洗用多倍精神渣車......但條西褲又比地上啲化學鹽, 染白晒!!

最近, 每日都離唔開睇冬奧, 捕係部電視, 日日睇, 連重播都照睇多次, 連飯都冷得煮, 係放工時, 經超市, 就咁買啲現成食物, 焗一陣就開飯....而且, 又有ice hockey (Women and Men), Bobsleigh and Alpine skiing 比賽, 進入白熱化階段, 點都要買啲finger food 黎趁下個比賽啦!!! 所以, 依幾日都無飯到肚, 睇電視都飽, 哈哈!!

↓落雪........落到個天都檬晒0