July 13, 2014(Sunday)
世界杯final----只是一個籍口.
其實, 一大班人只想聚在一齊, 飲下啤酒, 一齊he he ha ha.
這次的聚, 中午時份由Brian 屋企進行. 我同Brian 都為這次聚會, 準備咗一點. 但都唔夠Brian 爸準備得咁足, 因他為這次聚會, 連餐具都置咗好多新元素.
不過,今年世界杯final. 十幾人一齊睇. 氣氛真係唔同啲. 嗰鼓又緊張入球, 但又入唔到嗰種肉緊樣. 見到都好笑.
最後, 德國係最後時段, 得到最後入球. Happy ending啦.
↓這年世界杯聚會, 係Brian屋企聚, Brian爸為這次聚會準備了, 很多對新拖鞋比朋友着
↓還有當中盛食物餐具, 都是Brian 爸新買
↓世界杯就開場, 所有聚會嘅Auntie & Uncle 以及他們嘅仔女都到啦!! 由於世界杯開場, 又係我哋食lunch 嘅時間, 所以, 大家係場前, 就食啲嘢先 (啲嘢食係我同Brian 買)
↓開場啦!!! 一邊食, 一邊飲, 一邊睇世界杯. 到咗中場, 球員休息, 我哋又食 (最多人食係炸雞)
↓還有pizza and hot chicken wings
↓世界完場都開始執下嘢. 因為要準備另一餐
由於, 我身處加拿大, 所以世界杯完場, 我哋都係4pm.
但一大班人難得聚, 邊會捨得走.
傾下講下. 到夜晚, 又話去打邊爐.
黎到溫哥華依邊, 識嘅人都是喜歡飲酒.
當然, 這班好酒嘅朋友, 點會放過, 一邊打邊爐, 一邊飲酒嘅機會.
由世界杯開始, 到晚餐嘅打邊爐, 都是在飲酒. 真係飲酒多過飲水.
聽落去好似飲好多酒. 但一個月得一次. 每次十多人, 都唔會飲醉嘅.
真係多謝世界杯, 令我全日都he he ha ha.
↓世界杯之後嘅晚餐, 去咗打邊爐, 還飲了許多日本sake
July 12, 2014 (Saturday)
Brian 的正日生日, 難得在星期六. 他都唔知幾高興.
他和我說, 他對上一次撞正周末生日, 都已經是六年前嘅事
原來, 他有數住㗎. 哈哈~~~
不過, 他嘅成長背景影響, 令他比較注重----「慶祝 」. 所以, 他對自己生日. 好重視㗎.
Brian一早已經講定, 他生日時, 應去邊度玩, 邊度食. 真係未生日已經好興奮㗎啦!!
由於, 他生日在星期六, 所以, 星期五一放工嗰晚, 已經好有「慶祝」mode.
星期五一放工, 食完晚飯. 就走咗出街, 食甜品....
↓食甜品嘅地方, 都好舒服. 成個公園餐廳咁
↓Brian 生日前夕, 去咗cake 店. 食cheese cake 飲下嘢.
---------------------------------------------------------------
到星期六, Brian 的正日生日. 就真係全天係咁慶祝.
首先去咗一間, 室內和室外, 好有環境嘅餐廳食brunch.
說實話, 坐係間環境舒服嘅餐廳食. 真係食得食到舒服好多. 雖然依一餐食得比較長時間, 但全個過程, 都係好享受嘅!!
咁生日, 當然係盡情享受啦!!
↓依間餐廳, Brian 好鐘意. 因為依間餐廳位置高, 可以望到溫哥華全景. 但依間餐廳, 就算預早book 都未必坐到窗邊位. 估唔到, 當天可以坐到窗口位,真係令Brian 更開心.
↓Brian 生日嗎!! 食lunch 時, 已經開酒飲下. 不過, 坐係舒服環境食, 真係額外舒服
↓而Brian 生日當天, 當然影張合照啦!!
↓Brian 的生日午餐, 當然好豐富, 有酒, 有餐廳嘅餐前麵包, 頭盤有沙律
↓頭盤有湯, 還有希臘沙律, Brian 當天生日lunch, 食咗三文魚egg benedict
↓我就食咗三文魚漢堡包, Brian媽就食咗all breakfast 配corn bread
↓而Brian 爸話, 生日要食麵, 所以叫了一大蝶意粉, 點都要Brian 食啲.哈哈~~ (估唔到平時好西化嘅Brian 爸, 係Brian 生日時, 又會突然中式化咗!!)
食完birthday lunch.
Brian 話要去行下街, 當天他生日, 當然是他話事啦!! 食完lunch, 就即刻渣車過橋,去咗Downtown 行街.
其實, 係某程度, 我覺係Brian "就"我. 因為他話要行街嘅地方, 全部都係我鐘意行嘅地方黎㗎!!
↓過橋去downtown 行街.
↓去溫哥華downtown, 實去日本區行個圈先. 順道買好有沫茶味道嘅雪糕.
↓Brian 生日話要去行街, 其實都係"就"我! 我買了一啲日式零食及一件hello kitty 物品.
生日, 點可以少咗蛋糕.
今年, 我訂咗意大利雪糕蛋糕, 同Brian 慶祝生日.
這個雪糕蛋糕, 真係啱晒時候. 因為Brian 生日當天, 係溫哥華最熱的一天. 有成32℃. 其實, 我唔怕熱, 而且係多倫多居住過, 以前42℃都試過.
但32℃對溫哥華黎講, 好熱㗎啦!! 因為溫哥華嘅夏天, 平圴都只有25℃-27℃. 好少超過30℃.
不過, 就係炎熱天, 令到個雪糕蛋糕, 成為搶手貨. 哈哈~~
↓唱生日歌, 切蛋糕, 係生日指定動作. 今年訂咗意大利雪糕蛋糕, 當中有黑芝蔴, 椰子和綠茶味, 三種夾埋一齊, 又幾夾. 而且當日又熱, 這個意大利雪糕蛋糕, 成為好受歡迎嘅生日禮物!! 哈哈~
到Brian 生日嘅晚餐, 壽星哥----一早話要食日本燒. 所以, 一早訂咗位.
其實, 日本燒幾好食!! 又好玩.
但當日有啲熱, 所以一邊燒, 一邊飲咗好多冰凍啤酒. 不過, 都幾盡興!!!
↓日本餐廳, ("牛角")食Brian 生日晚餐, 冰凍啤酒當天不能少
↓Cheer: Happy birthaday........這間"牛角", 啲小食都唔錯!! 有炸雞件, 好香口
↓頭盤食咗麻醬沙律, 三文魚炸飯團
↓仲有啲日本豆(好鐘意食!!), 之後, 就開始燒呀燒...
↓啲肉質幾好, 而且調味唔錯!!
↓燒到咩火都出黎, 同時, 其他熟食都黎晒. 有鐵窩飯, 啲飯好香.
↓還燒咗啲, 醃得好好味道嘅牛肉. 而Brian 爸話, 生日要食麵, 所以, 最後仲食咗碗拉麵.
真係難得生日在星期六, 先可以一次過食和玩咁多. 這天後, 我肚皮都脹大了. 但就好好玩. Brian 生日快樂.
我知就算係Brian 生日, 他許願時, 也會把自己許願嘅quota留給我. 所以, 我祝願你每日都健康, 順利, 平安.
July 7,2014 (Monday)
由於, 這份新工作, 給我的工作量. 令我應接不及. 每天都產生恐懼感, 什至錯敗感. 由開始到而家, 睡覺時, 惡夢沒有停止過
說實話, 工作了兩個月, 我竟感覺工作了兩年.
日積月慮, 我身體響了點警號. 有點毛病出現了. 醫生也看了一次.
現在, Brian 大為緊張, 他也開了綠燈給我. 勸我隨時離開工作崗位. 因為我沒有工作, 沒有收入. 在生活上. 都不會有大問題. 最緊要是身體健康.
因此, 現正考慮, 我是否需要離職.
但當想到, 沒有工作, 齋坐的日子. 又是否我想要.
不過, 我現在對工作, 產生強烈恐懼感. 我知, 如果我停止這份工作. 我真是再沒有力氣, 再找新工作了.
可是, 在每星期, 看見Brian 努力工作, 有時候看到他的倦容. 但他口中, 仍說想找多份part-time工作. 我不工作, 又是否好自私.
內心矛盾又出現了.
-------------------------------------------------------------
這星期, 又是Brian 返七天工作的日子
在周末, 我沒有工作, 但Brian 在周末工作, 我是慣常地, 跟他外出.
他有他工作, 我有我在咖啡店等他.
但我在這周末, 真是攰到不得了.
無法在周末外出, 無法跟着Brian.
雖然, 在家休息, 但狀態仍是不太好. 感覺仍是放鬆不到.
雖在家, 但在周末到時到候, 便出外食飯. 有時, 飯局上遇到一些熟人, 會好突然問我發生了什麼事. 為何我的樣子, 會與平時有所不同. 倦容盡現外. 還好像有點不像樣.
說實話, 我也不懂點樣回答.
可幸的是, 我還有胃口進食. 吃完主菜, 還會提議吃甜品
↓由星期五起, 已經出外食飯. 去了茶餐廳食. 咖哩飯, 牛腩麵, 還有鹽酥雞
↓星期六, 同Brian 去了吃早餐, Brian 還買了點零食給我
↓星期六下午, 我食了粥, 腸粉+ 雞翼. Brian 就食沙爹車仔麵
↓星期六晚餐, 出去食, 食咗鹵水鴨, 滑蛋蝦
↓星期日, Brian's Auntie 個女生日, 出去食晚餐. 飲品有啤酒, 檸檬蜜糖. 頭盤poutine +蛋
↓頭盤, 還有火腿,芝士盤, 主菜有牛扒配鴨油炸嘅薯條
↓主菜有意大利雲吞配鴨油薯條.
↓主菜, 雞胸....甜品, 有布丁, 和朱古力蛋糕
