出下街

March 2,2013 (Saturday)


早排, 喜歡坐在家.  除了日常生活, 要外出.  (例如去超級市場.) 其他周末嘅時間, 就是在自己家裡面. 不願外出...又可能天氣實在太凍, 唔願 郁.........   

靜了一陣子, 這個星期, 終於有返個心, 出街行下!! 好彩, 我隔離果個人,又肯配合我, 冰天雪地, 都車我周圍去癲下.

一出街, 當然去啲自己鐘意嘅鋪頭行下啦!! 唔買都睇下和掂下都好....不過, 最後, 就會好唔覺意買到野!!

就係......買咗個Hello kitty 裝清潔液嘅樽. 返屋企!!


↓就係買咗, 依個裝清潔液嘅Hello kitty樽, 估唔到一個Hello kitty樽,  間鋪頭, 會幫我包裝到咁靚比我, 有埋絲帶

↓個樽, 仲係按一按, Hello kitty 對手便會張開 (留意: 橙色箭咀指住嘅地方, Hello kitty 對手張開了!!)....哈哈~~所以, 按清潔液時, Hello kitty 對手便會張開

去開街, 就去埋商場行, 行下行下又買到野.. 哈哈~~

不過, 我買啲野, 都唔係話值錢野. 但買咗之後, 會令自己會開心一陣子. 而且, 我買啲野, 多數都係, 日日都可以用住. 都算實用吖!!!


↓買咗兩支hello kitty潤唇膏和兩塊table mat

有個心,出下街, 當然係街, 食埋個lunch啦!!  我哋去咗一間食麵包為主嘅餐廳, 食lunch.

原本諗住, 食完個lunch, 買多杯咖啡, 坐係餐廳多一陣, 用ipad 睇下報紙. 嘆一嘆.

但依間麵包店, 超級多人. 我就黎食完, 我面前嘅食物時, 店內已經有其他食客, 企晒我張檯隔離. 下意識, 要我讓座!! (唔好聽一句:食完仲唔走!)

我感覺, 現在多倫多生活, 已經比以前, 忙碌咗好多啦!! 人口方面, 真係多咗好多人!! 以前都唔見多倫多有咁多人. 啲人唔知係邊度, 突然間走出黎.

定係多倫多, 跟本.....一路都係咁多人. 只係我現在先發覺到呢?



↓食咗沙律三文治餐, 依間餐廳好特別, 每個餐附送一個蘋果架!! 哈哈~~ 我坐咗係餐廳火爐位食lunch!! 感覺暖笠笠 

↓室內好多人, 但室外就無人咁濟, 其實,我身後是一個戶外溜冰場, 係商場附設嘅一個設施. 但凍到咁....(-10℃), 無咩人!!

 

食完lunch, 去咗超級市場入貨, 我已經去西人超級市場, 但仍是好多人, 啲人真係唔理前面有無人, 所以, 係超級市場, 比啲購物車, 左碰下, 右撞下, 買餐餸. 真係咩精神都竊走晒. 好驚!!


雖則, 我話街外, 人好多, 但在人群中, 又唔見太多亞洲人. 原來今日, 我同Brian去嘅地方, 我哋算是少數民族黎架啦!!


都係坐係自己屋企, 舒服得多!!!


↓晚餐, Brian 整咗炒麵配白菜食!!