March 17,2013 (Sunday)
天氣仍是好凍, 零下-10℃.
但無損我出街嘅雅緻. 雖然, 有我仲有啲肚痛, 但到周末, 都想出去行下街. 感覺出下街, 個腦唔會記住痛!!
係房着了幾個字衫, (幾個字=時間). 包實自己行出街. 雖然,着衫需時, 但一落到街, 就有鋪頭行, 我都覺好方便. 以前, 初初黎加拿大, 都無諗過出街, 係可以用步行形式的. 而家....我零下20℃都照行落去商場. 哈哈~~
我成個冬天, 都係同Brian 咁行法!! 講真, 完全無諗過凍冰冰, 都同Brian 咁行法!! 以前行一陣就話攰. 而家, 可以行足好幾小時, 都唔覺攰. 還好似越行越鐘意.
而依邊啲商場, 開暖氣好勁, 一行商場, 就全身熱晒. 之後, 再行返屋企, 就已經唔係話太凍啦!
係今次行商場, 我有啲收獲, 就係買咗個Hello Kitty 化妝頭貼. 我等咗個頭貼好耐啦!! 門市有, 即刻買.哈哈~
↓就係買咗依個Hello kitty 化妝頭貼. 化妝時, 貼住啲頭髮, 唔會變形, 但又可以方便化妝....而家, Brian 行商場, 好留意Hello kitty產品. 有啲特別野出, 就問我要唔要. 今次佢提我買到依個頭貼.. happy~~ (而且,好好用)
↓周末另一日, 行書店, 見到有支iPad 手寫筆賣, 外型似依邊小朋友用嘅顏色筆, 見幾得意和啱用, 就買咗返屋企. 而家用支手寫筆, 黎覆blog 用!!
↓由於, 行街時有啲肚痛, Brian 話去買杯熱薑茶. 可以暖胃(又幾work!!). 之後,去完Church, 買咗杯荔枝QQ, 當甜品 (因好多椰果和珍珠)
諗返以前, 居住Suburb (城市外圍區域), 通常以住宅為主. 無咩商業建築物. 真係無咩街好行. 雖然, 一切生活所需係會有. 但日常生活都好依靠「車」. 才能到達購物地方.
試想下, 一棟30層嘅大廈, 不是向高空而建, 而是一間間, 平房式而興建, 住在當中一個單位. 要出街時, 便要經過所有平房, 才能出到大街或者市集. 單是經過所有平房, 渣車都可能要5-6分鐘先離開到堆平房.
所以, 以前上街, 有點不方便. 下下要渣住架車. 精神狀況好. 渣車都無問題. 但相反, 就好麻煩啦!!
而家, 居住在市中心, 去邊都可以用腳行到. 而且, 交通又方便. 商業林立. 一落街, 就有鋪頭. 感覺好有安穩.
相比以前居住嘅環境, 我現在會份外珍惜, 步行嘅可貴.
↓這個周末所食的Breakfast. (全是Brian 整的)
↓這些食物, 便是我們近日吃的dinner. 粥是我整. 其他都是Brian 弄的. 有檸檬雞翼, 炒白菜. 粥就係皮蛋菜肉粥
↓再煲菜肉皮蛋粥, 涼伴芽菜(Jo 姐姐教的), 還有腐乳生菜雞翼煲
Vicky,午安。祝您週六有愉快的一天。
ReplyDeleteHello kitty 化妝頭貼好靚呀~想拎來影相用~去D化妝品店睇下有冇先~
ReplyDelete[版主回覆04/08/2013 11:33:07]素會員.
-個頭貼, 我係sephora 買㗎! 而依個頭貼好好用. 一化𤕸就用.
帶個頭貼影返幅相嘛， 實好得意。
ReplyDelete1K 隔條街都開咗間 CHATIME， 未幫襯過添。
Vicky 你個肚仔好返啲未？
[版主回覆04/08/2013 11:41:09]Angela
-哈哈, 帶個頭貼化妝就ok, 但如果帶個頭貼, 黎影相, 仲post 埋上黎.可能會嚇親人. 哈哈.
-我覺Chatime 啲bubble tea 沖得幾好飲, 又可以加涼粉. 好特別.
-你好有我心, 我肚痛係因為period 黎咗呀! 所以, 過咗就唔痛lu.
iPad 手寫筆好得意呀，好似小朋友用的咁呀
ReplyDelete[版主回覆04/08/2013 11:46:18]Ophelia
-支手寫筆, 設計好特別, 見咁得意, 就買下來. 不過, 支筆好好用. 我依家都用緊.
呢d化妝頭貼好用...不過我d冇你呢個咁cute
ReplyDelete[版主回覆04/08/2013 11:50:58]Mrs. Cook 小花媽
-我不流都有用開化妝頭貼,以前啲頭貼, 款式真係唔多. 所以見到依pack 頭貼咁得意, 即刻買下來. 而家化妝就用佢.
Do you and brian own a car now?
ReplyDelete[版主回覆04/08/2013 11:55:23]HM
-有呀! 我哋都有車, 此終加拿大地方太大, 唔係道道都可以坐公共交通工具就到達. 而且, 加拿大天氣又凍, 有時凍得濟都要揸車. 所以就算住巿中心都要有架車旁身.
Kitty貼同手寫筆都好吸引呀。
ReplyDelete多比機你男友大顯身手，以後你唔洗煮。
[版主回覆04/08/2013 12:04:47]Ka,
-個化妝頭貼, 我係sephora 買. 雖然我不流都有用開頭貼,但依個hello kitty 頭貼,好特別, 顔色又鮮, 一出就走去買. 至於支手寫筆, 都係貪得意, 買黎用. 依家, 用用下, 又幾好用. 總之, 出下街, 就會唔覺意買到嘢!
-我男友巳經霸佔咗個廚房, 日日煮, 佢一有興趣就好沉迷. 其實, 煮飯都唔係一件苦差, 反而, 我倆覺煮飯, 會帶來成功感. 他如果罷工, 我都唔介意煮
3月中都零下10度呀?
ReplyDeleteBrian整早餐時點解冇妳鐘意食既乳酪呀?
[版主回覆04/08/2013 12:08:49]Oli,
-而家四月都係零下一, 兩度呀! 我仲'咩' 住件大褸先出到街. 今年個冬天好似唔想走.
-Brian 啲早餐太重量級啦! 食埋乳酪太飽啦! 而且這個星期肚痛, 要停一停乳酪
Vicky,午安。祝您週日愉快開心。
ReplyDelete咁你而家去街真係好方便喎，返工放工都應該方便得多喇，good la!!
ReplyDelete[版主回覆04/08/2013 12:11:55]儍瓜.菲
-我太愛方便啦! 而家咁生活先舒服. 如果唔方便, 我頂唔順.
咁凍仲飲荔枝QQ
ReplyDelete支筆好得意呀,哈哈
[版主回覆04/09/2013 08:49:44]Luxueux Yvonne:
~杯凍飲, 都係買完帶返屋企飲. 都費時一邊行街,一邊飲. 因為天氣實在太凍啦!!
~支手寫筆, 我都好鐘意, 外形特別, 而且, 都幾好用. 我依家日日用住.
living in downtown Toronto is very good ! Very convenient !
ReplyDeleteI also like to live in apartment in city instead of living in house in Toronto.
I think HK people is easy to adapt to city life. During my stay in Toronto, I felt that I lived
in Toronto with HK style. in other words, may be I could not really adapt to the real Canadian life/society. I did not like to drive too !
[版主回覆04/09/2013 09:59:14]Happy Girl:
~依家, 多倫多已經唔同咗!!Suburb地區, 都已經好多人口和好多店鋪. 但仲唔可以步行去購物.
~其實, 鐘唔鐘意果個國家,除咗方便之外, 我覺都係關於際遇問題, 咁岩我揾到一達自己覺方便嘅地方. 所以留低咗. 所以, 我都覺自己都好彩. 係加拿大住了二十年, 都有十幾年嘅方便.
~而我其實唔恐俱渣車嘅,我就算係香港, 都會考車牌. 但如果日日生活上, 就算攰. 都要渣車, 咁就好辛苦. 而家可以選擇性渣車,生活上舒服好多!!
你地d早餐和晚餐真係不錯! 腐乳生菜雞翼煲
ReplyDelete[版主回覆04/09/2013 10:32:52]zaza:
~凍天, 留係屋企時間比較多, 所以, 比較多時間, 整野食.
~個腐乳雞翼煲, 我自己都好鐘意食, 撈飯一流架!!
個頭貼好得意HAHA...你帶出黎影下相嘛:P
ReplyDelete[版主回覆04/09/2013 10:32:52]Farming Cherrie
~個頭貼, 化妝時用, 就ok!! 如果帶住黎影相,我驚會嚇親人. 哈哈~~
~不過, 個頭貼, 真係好好用.
個Hello kitty 頭貼好CUTE啊, 唔知呢度有無得賣 哩
ReplyDelete[版主回覆04/09/2013 10:32:56]Jo姐姐:
~個Hello kitty頭貼, 我係Sephora 買架!!
~我知美國嘅Sephora 都有購架!! 如果你鐘意都可以去買返個. 我覺個頭貼都幾好用架!!
零下-10℃.好難頂喎,有年我去溫哥華一落機就凍病左邊度都唔使去喇！
ReplyDelete[版主回覆04/09/2013 10:32:59]Flora:
~我仲以為澳洲嘅冬天,都會好凍添!!
~其實, 溫哥華係加拿大黎講, 溫哥華嘅冬天已經算係加拿大最溫暖嘅地方架啦!!
~你上次去溫哥華, 病咗, 咁咪無咩地方去過囉!! 不如你試下, 溫哥華夏天時份去溫哥華行下. 好舒服好多架!
個頭貼好可愛，又見得人，比起我地呢度嗰ｄ，長方形－塊太單調了．
ReplyDelete我住呢度好方便，所以我搬咗幾次都係同一屋苑． 方便程度係：上星期同溫哥華個friend 一路whatsapp, 一路落街買下午茶, 買完返到屋企，先話佢知並whatsapp下午茶餐張相比佢. 令佢羡慕到不得了.
你都好叻, 搜羅到咁多hello kitty 嘢, 支筆好正啊！
[版主回覆04/09/2013 10:39:25]Alice:
~係依家啲頭貼越出越新穎, 我都係貪得意, 買黎用. 舊有啲頭貼, 都放埋一邊.
~我都係好彩, 可以揾到一個方便嘅地方居住. 可以選擇性渣車. 解決生活所需. 咁樣生活無被其他打擾. 精信都舒服啲. 因此, 生活環境都好重要. 你居住嘅地方好方便.
~買野有咩叻吖!! 支手寫筆, 都係見到特別, 就貪得意買下來, 我而家日日, 好好用.
個頭貼好用又靚!
ReplyDelete[版主回覆04/10/2013 00:56:05]Mabel
-咁先夠實用, 所以一見到便即時買下來
好like Brian & Vicky 嘅私房菜，yummy!
ReplyDelete[版主回覆04/10/2013 00:59:29]Dolphine
-多謝, 我依家都少咗入廚啦!
-係Brian 依家鐘意煮飯, 越煮越上癮.
Brian愈來愈pro...你可以專心寫blog, 哈哈哈！
ReplyDelete[版主回覆04/10/2013 01:01:04]Mrs. Wu
-哈哈,... 咁又係.... 但我同Brian 每日都分工合作, 他煮, 我洗碗.
-20度....真係凍到唔願郁...!!
ReplyDeleteBrian 好體貼, 留意埋 hello kitty , 買給妳..!!
[版主回覆04/10/2013 01:03:49]冬日Winter
-今年到而家都感覺係冬天. 真想轉季.
-其實, 依邊唔係太多hello kitty 嘢, 但我又鐘意, 所以Brian 閒時會幫下眼, 留意下
Hello Kitty蝴蝶結頭貼好正呀！
ReplyDelete而家Brian咁留意Hello Kitty，多對眼幫你搜尋Kitty，真係好呀！
[版主回覆04/10/2013 06:55:41]ccKitty:
~個Hello kitty 蝴蝶頭貼,都係喺Sephora 買. 依家Sephora 會定期出啲Hello kitty 化妝用品, 我都買唔少!!哈哈~~
~Brian 真係留意多咗Hello kitty產品, 有時都會帶我去行. 但我依邊極少Hello kitty 廚具用品. 大部分Hello kitty產品都係玩具為主. 所以, 通常去行商場, 好多時都係睇下. 無咩點買!! 哈哈~~但Brian 肯留意, 幫下眼, 我都好開心!
你宜家仲有冇肚仔痛~??
ReplyDelete我呢..有時會覺得頭暈頭痛咁..但係一行街..就好似冇事...SHOPPING真係好神奇丫~~哈哈哈~~
[版主回覆04/12/2013 11:38:28]涼粉子,
-你真有心, 我period 黎, 所以肚痛, 依家黎完m 個肚冇痛啦!
-周圍shop下, 就算唔買嘢, 啲乜痛麥痛, 真係會舒緩啲. 所以Shop 多d 真係人都醒神d. 哈