洗車

March 23,2013 (Saturday)


一朝起身,見到有太陽喎!! 好晒呀!! 但唔好比個太陽呃到. 因仍然是單位數的溫度.

但難得陽光普照, 就帶咗,我個仔(車), 去洗白白.

雖然, 唔係成日用車, 但係我依邊嘅冬天,落雪比例多, 所以, 道路上通常會有好多化學鹽和沙. 助溶解雪和防滑. 因此, 同阿仔出一次街, 車身已經佔滿沙塵和化學鹽. 好不整潔.

而且, 我啲卡, 儲埋好多積分, 變相洗車係免費.

這個星期六, 就帶阿仔(車)入機洗, 沖完個涼, 靚仔晒.

↓入機---洗車..........可能,依日陽光普照, 洗車機大排長籠呀!! 唔知係咪好多人要洗車, 架洗車機, 比平時, 好快就洗完. 感覺架洗車機, 洗得有啲求其, 不過, 好過無. 我個仔(車), 洗完, 個look 都生猛晒.

原來, 陽光爛燦, 都吸引幾多人出街. 

估唔到洗車,要排隊, 去買個早餐食. 都要排長籠. 真係排到出街. 

↓食咗麥當當早餐

↓黃昏係food court 食野, 但去咗個唔多選擇嘅food court 食, 但依個food court 有個落地玻璃, 望景一流. (我食咗冬陰公雞肉湯河, Brian 食韓式飯盒). 

依家習慣星期六去教堂, 望彌撒.


去完教堂,就會去埋教堂附近嘅超級市場, 我覺依間超級市場啲野好貴,但Brian 只喜歡去依間.  

不過,依個社會都係物以類聚..... 貴啲超級市場,啲超級市場客, 真係守規矩啲.  地方光猛和乾淨啲, 啲貨品唔洗點揀,都好新鮮.  

所以, 我覺Brian 買餐餸, 係會貴咗啲!! 但而家佢係廚房個大廚. 因此, 買咩餸, 佢話事啦!! 


↓去完超級市場,去咗咖啡店, 飲杯咖啡和打書釘

↓周末, 時間多啲, Brian 煮咗左公雞(茄汁+辣椒),還有麻婆豆腐.

--------------------------------------------------------------

March 24,2013 (Sunday)


而星期天, 唔願出街. 全日在家休息. 洗下衫, 執下野, 又好似無咗一日.
 
但唔知我係咪額頭寫住"鐘意出街"...依幾隻字.

我坐在家, 但好多人都以為我去咗"wet". 真係奇怪?? 我會有依個image係人哋個腦.

我就算出街, 都係買一星期所需. 完全唔係"wet".

不過, 比我"wet", 我都唔識點"wet".....哈哈~~


↓Brian整brunch, ---西多士,煙肉,蛋,薯餅........晚餐,想食清啲, 食咗炒麵!