估唔到, 已經係八月尾, 有時夜晚仲涼涼哋, 而且, 個天係夜晚八點已經黑晒喇, 現在, 感覺似秋天多啲!! 估唔到今年, 無咩點熱過, 就已經到秋天感覺了!
↓有日食飯時, 見到個天, 呈現粉紫色, 幾靚喎!便馬上影下來0
--------------------------------------------------------
依個week 都算好充實(好聽啲就話充實,唔好聽咪話忙囉!), 近排, 時常都需要周處謄, 不過, 都算喇!! 終於, 都到咗星期五, 可以出下街, 舒服下!!
襯星期五有時間, 嗱嗱聲叫Brian 車我去買張ottoman (晾腳凳仔)!!因為, 我想在坐係梳化玩電腦時, 都可以攞張凳黎晾腳.....哈哈!
點解, 我突然間咁想買Ottoman 黎晾腳?? 其實, 係上個月, Brian 嘅其中之一份生日禮物, 就係依款凳, Brian 係依個月, 每日坐梳化時, 他對腳都晾係ottoman 上, 坐得幾嘆呀!! 我自己唔抵得咪要買張比自己囉!! 哈哈!
好彩, 食晚餐前買Ottoman咋!! 因為我哋一放工去到商店時, 都係買淨一張咋
!! .....幾搶手呀!! 買完凳, 就開開心心去食晚飯....求其去食粥咋!! 因為, 聽日要返媽咪屋企, 每次, 返媽咪度, 都大把野要食, 實要飲好多湯!! 所以, 今日都係食得清淡啲!! 準備個肚放媽咪啲湯!!↓我張Ottoman (晾腳凳), 把蓋打開,亦可以放雜物,yeah!0
↓左邊張凳係Brian上個月嘅生日禮物,右邊係新買架!! 現在,屋企就變成咁!!大家坐梳化時,便可以齊齊晾腳看電視 or 玩電腦,yeah!!0
111111111111
ReplyDeletethe Ottoman looks good and quite fit your home ...
[版主回覆09/06/2009 09:47:00]表叔公: ......當然喇!! 張Ottoman要適合我屋企原有嘅風格, 先會買喇!! 如果唔襯, 買咗都唔覺嘆架!! 哈哈!! 所以, 我係報紙見到有ottoman 做特價, 即時去買喇!!
你兩個洗唔洗咁歎
ReplyDelete[版主回覆09/06/2009 09:47:00]Kitty: 係咁嘆架喇!! 哈哈!! 係屋企最緊要舒服啲喇!!
你地兩個好識嘆呀!會唔會坐落左，唔想起身？我個張係lazy boy，坐低左，一路睇電視，一路上網，無必要都唔願郁
ReplyDelete[版主回覆09/06/2009 09:47:00]Mui: ~現在, 我咪係坐住梳化, 對腳晾係ottoman 上, 黎覆你message 囉!! 講真, 咁樣幾舒服架!! ~其實, 我有張單獨梳化(上面幅相, 你會見到), 係recliner chair黎架!! 噤個製個footrest就會彈出黎,(應該同你lazy boy 個張一樣) 個張單獨梳化仲舒服啲, 真係會坐落咗唔願起身.....哈哈!!
有時用下呢D野都幾舒服呀!~
ReplyDelete[版主回覆09/06/2009 09:47:00]小威威: 係架!! 係屋企最長時間, 最緊要舒服!!
Vicky: 我岩岩搬左屋，點知搬黎無耐個靚靚茶几就爛左啦，依家得番兩張茶几凳，唯有當係ottoman囉！ 好少見你影屋企既day time相，你個廳都好光猛喎
ReplyDelete[版主回覆09/10/2009 07:32:00]陶陶夫人: ~你舊年先搬完屋, 今年又搬? 祝你新地方會帶來好運比你!! ~0下!! 你話靚靚茶几就爛左, 你用得"靚靚"黎形容, 我相信你好鐘意張茶几喇!! 有時, 同你先生一齊買返張新茶几喇!! ~有時, 坐坐下梳化, 放對腳上Ottoman 都幾舒服架!! 雖然, 個感覺好似好懶, 但難得食完飯可以享受下!! 懶都照做!!哈哈!! ~多謝你讚我屋企光!! 我比較喜歡光猛, 感覺好舒服!!