不平凡的星期一

August 31, 2009 (Monday)

    平時,我座大廈有咩裝飾(年年都有野裝飾), 圍繞大廈附近有咩大舉動!!! 大廈管理處都會掂張紙通知我哋啲住客!!! 講真, 真係周圍掂, 謊死我哋見唔到!! 每個月,仲攝張紙入每一戶, 講下未來一個月, 大廈有咩事!! ......連游泳池幾點消毒都講一餐!! 但我都照睇架.....可能我無聊喇!! 乜都睇一餐!! 哈哈!

   星期一早上, Brian一起身望出窗, 見到大廈正門,有啲野攪, 有啲橙色雪糕筒欄住晒個正門!! 好似好驚訝, Brian仲問我知唔知發生咩事!! 因為, 平時係我係最"八"大廈啲通告....(原來, 我係Brian心目中係咁"八"架??)

   講真,我都唔知咩事!! 早倫真係無依個通知....哈哈!! 不過, 望望下似換條新燈柱囉!!

  
↓星期一, 一起身, 就係望技工, 換燈柱!!..........一條燈柱, 話咁快就比啲技工, 整到瞓低咗, 第二條燈柱, 話咁快就上位!!!0

=========================================================     其實, 我好鐘意去Ikea 架!! 我間唔中都迫Brian 同我去行架!! 但Brian 都唔願同我行, 因為, 我係Ikea 會有少少失控架!! 成日自己行咗去第二樹睇野, 所以, 每次去Ikea .....Brian 都好似同我捉迷藏咁架!!

    但今日一放工, Brian 就提議去Ikea 食dinner!! 嘩!! 我真係無聽錯, "去Ikea.....呀!"....其實, 係Brian 有個電話交易係Ikea 附近, 就順理成章, .....去Ikea Cafeteria 食個dinner!!

   Yeah.......係Ikea Cafeteria食完dinner, 仲可以係Ikea 行多陣, 真係令到依個星期一變得好精彩添!! 哈哈!!
  
    不過, 話時話, 我都係第一次係Ikea Cafeteria 食dinner 咋!! 係Ikea 食dinner, 感覺好似以前讀大學住宿舍, 係宿舍飯堂攞住個tray, 排隊等野食咁!! ....哈哈!!
 
   原來Ikea cafeteria 係逢星期一and 星期二, 啲meat ball dinner 減價架!! 抵得黎,味道仲唔錯架!

   但係, 我攞唔到Ikea 本 2010 catalogue 呀!! 因為, 我去個間Ikea, 要下星期先運到本catalogue 黎喎, ....有啲美中不足添!!

↓Brian 食meat ball dinner, 我食chicken dinner, 食完dinner 仲去食ikea 雪糕, 原來係Ikea 食dinner 加埋甜品都唔太貴, 我要得閒扭下Brian 同我去先得!! 0

回家+夜市

August 30, 2009 (Sunday)

   我Daddy and 媽咪嘅由香港返咗黎加拿大喇!! 大家無見兩個幾月了!! 所以, 今個weekend 大家聚埋一齊!!

    有時, 我覺得我Daddy 對我哋好有要求架! 想我哋會點點點........但其實, 咁樣會令到我哋好多壓力, 令到我哋更加怕Daddy架! 有時, 我覺啲妹好慘架!   因為Daddy 一返黎, 我啲妹要收拾心情!! .....唔係收拾心情開學or 開工, 係收拾時間一放工便要馬上回家! 放工之後, 有節目就代表反叛!! 我唔係話遍幫啲妹, 但我覺有啲妹真係幾乖架!! 只不過, Daddy 期望過大!! 令我哋無所適從! 所以, 我有時,同完daddy 講電話會好唔開心! 好想喊架!!

   講返依個weekend, 我哋個個人, 包刮我們嘅另一半, 都返咗屋企飲茶, 食飯!! 現在,越黎越多人返媽咪度食飯了,  所以, 張餐臺越黎越迫, 夾餸爬飯都會撞到隔離果個....真係想叫媽咪買張大啲嘅餐臺開飯!! 講開餐臺, 原來, 我香港屋企張餐臺係大過加拿大個張好多架! 如果可以調換, 我相信, 現時返屋企食飯, 夾餸會舒服啲!! 哈哈! 不過, 我Daddy 唔會係加拿大買大餐臺架喇!! 因為, 佢想我哋返香港食飯多啲!! 哈哈!

   飯後, 我們都是坐係屋企打下機, 打下牙較!!  但講真, 長時間坐係屋企真係有啲悶,  所以, 晚飯後, 我便提議, 一家人去行夜市(這個weekend某商場攪嘅節目)去襯熱鬧! 我仲迫埋Daddy and 媽咪去夜市行!! 大家齊齊出街, 齊齊反叛, 咁樣出街法, 起碼Daddy 都唔會鬧我哋嗎!! 哈哈!

   其實, 夜市都係賣啲小食, 精品, 感覺似農曆新年維園個啲花市. 我哋去到夜市都係食食食......但由於, 我哋比較夜去, 好多灘檔已經close咗!! 所以, 最後去了24 hrs 啲咖啡店坐下, 飲下咖啡, 食件餅!! 咁又幾好玩!! 哈!!

↓在家食飯.....飯後,玩對打遊戲機

opop

↓去夜市----食咗小丸子, 荳沙魚餅 (由於, 賣荳沙魚餅個姐姐, 係媽咪啲朋友........所以, 我哋買3送3囉!!哈哈!!)

opo

↓夜市----蒙古烤肉串and 生蠔...yummy

↓大家齊齊....去飲咖啡.

↓飲茶

   每次媽咪回港, 實買許多禮物比我哋!! 我已經事先講明, 什麼都唔需要,.....但到最後仍然有禮物收到!!! 今次, 媽咪除咗買咗啲返工衫比我, 仲竟然買了hello kitty 衫給我!! 我初頭聽到都有啲驚...hello kitty 衫, 我係鐘意hello kitty..., 但Brian 唔係好喜歡我着hello kitty 衫架!! 但Brian 見到hello kitty 衫啲logo, 原來係細細隻, 唔係全件(前後左右)都Hello kitty, 佢又話接受到喎!! 好彩, Brian接受咋!! 如果, 唔係....媽咪買比我啲hello kitty衫就入咗冷宮喇!!

   原來細細隻Hello kitty logo 嘅衫....Brian 肯比我着架, 我早知就係舊年十一月返香港時, 買多啲喇!! 現在, 感覺有啲唔抵添!!  因為, 舊年I.T. 賣啲Hello kitty 衫都唔錯架!! 好fashionable 架!!相信現在已經買唔返!!

  而早輪, 我有個香港朋友去了東歐旅行, 又咁岩知道我parents 係香港, 所以, 就托了我媽咪帶東歐手信給我!! 所以, 今次我返媽咪屋企, 都滿載而歸添!! 哈...

↓東歐手信.....牛奶糖and Mozart 滋石公仔

↓返工衫, hello kitty 衫, 環保袋.......都係媽咪買比我嘅手信

Ottoman 晾腳凳

August 28, 2009 (Friday)

  估唔到, 已經係八月尾, 有時夜晚仲涼涼哋, 而且, 個天係夜晚八點已經黑晒喇, 現在, 感覺似秋天多啲!! 估唔到今年, 無咩點熱過, 就已經到秋天感覺了!
↓有日食飯時, 見到個天, 呈現粉紫色, 幾靚喎!便馬上影下來0

--------------------------------------------------------
    依個week 都算好充實(好聽啲就話充實,唔好聽咪話忙囉!), 近排, 時常都需要周處謄, 不過, 都算喇!! 終於, 都到咗星期五, 可以出下街, 舒服下!!

    襯星期五有時間, 嗱嗱聲叫Brian 車我去買張ottoman (晾腳凳仔)!!因為, 我想在坐係梳化玩電腦時, 都可以攞張凳黎晾腳.....哈哈!

    點解, 我突然間咁想買Ottoman 黎晾腳??     其實, 係上個月, Brian 嘅其中之一份生日禮物, 就係依款凳, Brian 係依個月, 每日坐梳化時, 他對腳都晾係ottoman 上, 坐得幾嘆呀!! 我自己唔抵得咪要買張比自己囉!!  哈哈!

     好彩, 食晚餐前買Ottoman咋!! 因為我哋一放工去到商店時, 都係買淨一張咋!! .....幾搶手呀!! 買完凳, 就開開心心去食晚飯....求其去食粥咋!! 因為, 聽日要返媽咪屋企, 每次, 返媽咪度, 都大把野要食, 實要飲好多湯!! 所以, 今日都係食得清淡啲!! 準備個肚放媽咪啲湯!!

↓我張Ottoman (晾腳凳), 把蓋打開,亦可以放雜物,yeah!0

↓左邊張凳係Brian上個月嘅生日禮物,右邊係新買架!! 現在,屋企就變成咁!!大家坐梳化時,便可以齊齊晾腳看電視 or 玩電腦,yeah!!0

烈火上身

August 23, 2009 (Sunday)

    早倫, 看了烈火雄心3, 時常係節目裡頭聽到以下依一句對白....
 「泵車, 細搶, EMA 救護車 A561......」

    所以, 我現在, 聽到有消防車 and 救護車嘅 bee bu 聲!! 我個腦海都會好自然有依句出現!! 哈哈!!

    星期日在我煮早餐期間, 我又聽到bee bu聲喇!! 今次, 啲bee bu 聲好近好近!! 行去窗口睇, 原來對面間餐廳叫車!!! 咁我八掛, 咪走去望囉!!

↓消防車and 救護車 (雖然,影到細細粒, 但我部相機已經zoom到最盡架喇!!)0

     其實, 我睇咗一陣都唔知發生咩事架!! 但應該唔係大單野喇!! 間餐廳又無煙, 啲食客又可以企係門口, 但我就係無無料料, 睇咗好耐.......    攪到早餐啲薯條焗過龍添!!啲boiling egg 又熟過頭!!  成個早餐都失色晒!!  唔知Brian係咪等得耐, 又無話唔好食, 我食了一半時,他已經完成了我準備比佢嘅早餐了!!

↓早餐-----蛋沙律三文治and 薯條0