特價餐

May 11, 2010 (Tuesday)  
  我盡量限定自己and 我隔離果個, 係閒日唔出街食, 盡量自己煮食, 起碼健康一點嗎!! 但近排, 完全出晒界啦!! 買外賣食之餘, 仲走出街食.

  不過, 有時好難避免. 外出嘅食物實在太吸引啦!! 哈哈~~ 有時, 放得遲已經超肚餓, 不如係街攪掂, 就算啦!!

↓茶餐廳食物......我食鹵肉撈米線, Brian食白汁魚柳飯

0

↓餐飲 (熱檸茶and 凍檸蜜)0

  早幾日, 又撞啱有間Pizza 店, 做Pizza 特價, 其實, 特價Pizza係同慈善團體聯手攪架!! 每賣一個特價Pizza, 就會分Pizza 開支比慈善機構幫助有需要嘅小朋友. 講真, 我唔係專登話買Pizza做善事, 只係覺個特價Pizza 好抵, 我哋兩個, 就一人買兩個返歸囉!!!

  而且, 我又知某大型咖啡店做半價, 但只限每日3-5pm先有半價 , 我仲提早買定特價凍咖啡, 放在雪櫃, 等待食特價Pizza 時一起嘆!! 哈哈~~

↓又特價pizza and 特價凍咖啡,仲唔係名符其實, 食特價餐啦!!  而一次過買四個pizza, 真係食足四餐都得啦!! 杯凍咖啡好飲呀!! (Vanilla bean blended frappucino)0

  但我慳唔到幾多, 因為見慳咗少少, 買完Pizza 又行咗去買Beer and popcorn, 留待看球賽時, 一邊看一邊食!! 現在, Standley Cup (Hockey)打緊入圍賽, 好鬼緊張架!! 希望加拿大今年會捧杯啦!! 我繼續坐係電視邊支持架.....

↓Popcorn and beer 再加pizza+冰咖啡, 睇hockey 比賽. 0