這天, 係意大利佛羅倫斯, 算是最Hea 嘅一日!!
雖然, 參加咗個Food Tour,
但下午先集合,
黎咗佛羅倫斯咁多日, 終於可以係佛羅倫斯, 唔洗早起身啦!
但估都估唔到, 我就係參加咗這個food tour,
令我非常喜歡-----黑松露.
這天, 由午餐起, 晚餐 和宵夜. 我都是食着黑松露!!
黑松露, 陣味-----真係香到呢!
↓午餐去咗間售賣黑松露嘅專門店. 食咗相中件黑松露醬三文治....陣黑松露味, 香到不得了!! 很想買罐黑松露醬返加拿大. 點知, 原來這黑松露醬, Not for selling. 因黑松露醬 是即叫即整落三文治裡面. 但黑松露醬三文治就可以外賣. (其實, 黑松露醬三文治只有「食指」那麼長, 但已經賣$2.5 eur) 但好好味
↓黑松露專門店, 還有相中依隻黑松露, 成粒罐裝咁賣, 而且, 還有很多白黑松露, 以及松露油...
↓夜晚, Book 咗間餐廳食黑松露餐, 好好味呀!
↓宵夜, 再encore 食黑松露醬三文治, call 埋朋友一邊食黑松露醬三文治, 一邊飲埋酒.
---------------------------------------------------------------------
依日, 就係Join 咗個Day Tour. (都係依個tour, 令我喜歡黑松露!)
這個Tour, 就叫做Food Tour,
會比導遊帶住, 去食意大利佛羅倫斯人, 平時食開嘅local food
當中, 仲會行埋當地街市, 以及大街小巷, 食盡當地嘅地道食物!!
↓我哋係這條小巷去meet 紅衫哥哥,他是我嘅導友. 首先帶我哋去水果店, 原來, 意大利水果店有花賣, 啲花係用黎食, 唔係裝飾!!
↓之後, food tour 導遊哥哥, 帶我哋去飲咖啡. 意大利咖啡, 真是只有一小杯. 而且, 意大利人, 一入去咖啡店, 都是企係咖啡店嘅bar 枱飲咖啡. 因為咖啡店嘅企位收費係便宜啲. 坐係咖啡店飲咖啡會比企係bar枱飲咖啡貴一倍價錢. 但意大利人都好趕時間, 通常飲完即走! 而且, 我覺意大利人, 飲咖啡文化, 好似"park"藥丸咁, 一陣間就"park"完杯咖啡, 之後走人. 但意大利啲濃縮咖啡, 好香, 真係無苦嘅感覺.
↓導遊仲介紹咗貓屎咖啡比我飲. ....真係第一次見識貓屎咖啡, 我覺貓屎咖啡有點酸.
↓Food Tour (飲食團) 導友哥哥, 就係帶我去依間黑松露專門店.......關於黑松露嘅產品, 都有得賣.
↓間黑松露店, 好大. 產品有平,有貴!
↓依件黑松露醬三文治, 好好味!! 我不段encore 要食!!
↓Food Tour, 還帶我去pastry 店, 其實意大利人, 喜歡在早餐食甜, 例如, 蘋果批, 蛋糕.....連食麵包都要查nutella 醬(朱古力醬). 這些朱古力係這間pastry 店嘅出品
↓跟food tour 導遊哥哥, 一邊係大街小巷行, 一邊食, 從中經過啲物件, 原來都係關於意大利人嘅飲食, 第一張相, 係意大利遠古時, 賣酒嘅小門. 這小門真是隨街都有. 另一張相, 係意大利以前啲焗爐. 依家以成裝飾品
↓Food tour, 真是一邊食, 一邊行佛羅倫斯, 行行下, 去咗遠一條街, 好似旺角......有很多皮革產品. 但我無影相, 實在太多人.
↓而佛羅倫斯, 有一樣食物, 佛羅倫斯人午餐時, 通常都食, 就係牛肚包.(Lampredotto) 我都有食過, 我又唔覺有咩特別好味!! 但牛肚好爽口
↓Food tour, 仲去咗依間鋪頭, 係賣意大利乾貨. 有果醬, 番茄醬.
↓意大利實有酒, 一般親戚朋友見面, 啲welcome food and drink. 芝士拌蜜糖好好食!! 啲番茄橄欖醬多士. 好味!!
↓橄欖油, 醋, 意粉, 意大利米, 意大利菰.......所有乾貨, 買咗啲送比人
↓之後, 入佛羅倫斯街市.....都幾乾淨. 啲蔬菜好新鮮! 而且, 意大利都食內臟. 好多人買!!
↓街市好多火腿, 還有好多不同意大利粉
↓意大利好多不同款嘅菰. 而且, 意大利街市有好多火腿
↓意大利街市, 有現成pizza 賣. 其實意大利人, 前菜啲麵包, 其實係pizza 皮. 熱辣辣都幾好食.
↓pizza 皮,就係切一條條食, ......好少係街市, 見到有酒賣...但意大利街市, 真係間間鋪頭都有酒賣.
↓Food tour導遊哥哥, 帶我去街市一個熟食檔, 食當地啲人, 時常食嘅pasta. Basil tomato pasta. (無肉)
↓food tour 導遊哥哥, 帶我街市另一邊, 已經有灘位試食枱, 等緊我哋!! 黑醋撈士多啤梨和芝士....好好味!! 買咗樽黑醋
↓意大利火腿好好味, 我每日都買啲意大利返酒店, 當零食咁食, 簡單食火腿都配酒
↓這些意大利杏仁餅, 原來正統食法, 係點甜酒食!!
↓最後, Food tour哥哥, 帶我食意大利雪糕, 都幾滑
↓好多選擇, 食開心果味!! 食完雪糕, 同Food tour 導遊哥哥bye bye 啦!!
-------------------------------------------------------------------------------------
↓到晚餐, 去咗一間朋友介紹嘅餐, 依間餐廳, 真係咩都好好味!!! 我下次黎佛羅倫斯, 都會黎多次. 首先飲咗支白酒.
↓因為依間餐廳, 個前菜, 黑松露芝士+黑松露好油, 好好食. 前菜還有沙律, 沙律上面啲cheese 好香!!
↓晚餐還有意大利風乾火腿......及肉碎闊條意粉
↓黑松露片creamy 意粉(美味), 還有佛羅倫斯牛扒, 燒得好香!!
↓飲咗兩支紅酒. 甜品有 Tiramisu, 完全唔似我以往自己食嘅 Tiramisu. 好香好好食!!
↓甜品, 還有甜奶cream 配牛油餅及奶cream 士多啤梨 (啲cream 好好味)
↓食完飯, 又經這個佛羅倫斯嘅地標, 見食完仲未天黑, 去行街, 購物...又放咗好多個銀倆!!
↓行完街, 太陽伯伯都落山. 而自己對黑松露念念不忘.........所以, 再去食一次!!
↓一次過買咗成打, 黑松露醬三文治, 約朋友一齊食!
↓還買埋酒送黑松露醬三文治 (意大利啲鋪頭好夜先close, 而且, 隨街都有酒鋪, 不過入夜買酒, 一定要放入手袋or 包住) 今日, 連宵夜都食住黑松露...happy!!
