其實我係msn都有個blog!但好似我仲意係yahoo寫blog多d. 頭先下午三點幾上msn竟然見到個hk既friend. 嘩!我好開心,我地傾咗一陣計. 無論傾咩topic,總之,有人同我傾計,我都會好開心! 但發覺自己係諗嘢同打字方面比較慢,人地打咗幾句, 我先打得一句! 又諗得慢,同我傾計都要好有耐性先得!(成個阿婆咁, 唔怪之得d妹都笑我老
) 而係琴晚無端端收到我其中一個妹既msn留言, 除咗問下我近況之外,仲講埋佢自己近況! 感覺好溫馨. 真係好想快d見到佢(3th sister)呀! 但唔知點解,我所有細妹都"吹"我結婚! 一見到我or msn 我就會講! 唔通佢地咁想去"飲". 定係想接花球呢?
我近排發咗神經唔知點解好仲意儲Msn emotion icons!貪佢地得意,哈哈!
<------即係類似依d! 我最細兩個妹最多依d嘢, 但要等到星期四佢地得閒(返屋企)先send到比我! 由上星期日等到星期四,都算耐! 咁啱今日我個hk's friend又同我msn. 佢又不經已send咗d msn emotion icons比我! 有意外收獲.
*依張相係我msn一部份嘅icon emotion.
0
我發覺而家msn係我個同d細妹,朋友接觸&聯繫既橋梁.我真係好少用口講嘢! 哈哈哈! 但好彩個個妹同埋我msn既朋友都好願意同我係msn傾計! 除msn外,仲有friendster,skype同埋各大email都係同我屋企人,朋友聯繫既途徑! 咁如果我無咗電腦,d人咪以為我咗失蹤?! 哈! 定係無人會覺我唔存在呢?
琴日又收到一個唔想知既消息, 我屋企架大牛龜(係一架家用車--van/jeep type, but我地成家人都咁稱乎依架車--做大牛龜)﹐又有故障! 二月尾個陣都有問題,依架大牛龜突然間係條馬路上成架車停咗!相當危險. 三月頭算話整好咗, 但到琴日(March21)都唔知又有咩malfunction啦! 一早都叫吳爸爸買多架新or換過一部. 但吳爸爸同吳媽咪就一尾係咁"拖". 加拿大用私家車係必須品. 因為加拿大交通十分不便. 唔似得好似hk咁交通方便,係hk私家車係奢侈品(luxury). 唔通吳爸爸係hk生活太多, 將hk嘅諗法套現咗係加拿大? 定係佢地有佢自己諗法????仲有自己相當guilty.唔知洗唔洗比返架甲蟲車屋企? 唔想d細妹為車而煩腦.
講真我屋企架大牛龜都比咗唔少回憶我! 係大牛龜陪我返夜校,係大牛龜陪我入London Ontario(大學)好多次!個陣時係大學逢星期五一放學就會係自己個宿舍個窗望架大牛龜幾時到! 吳爸爸一到我大學宿舍樓下就會按大牛龜一下按"bi"一聲! 吳爸爸就會開大牛龜個窗同我say "hi琪琪". 我就會係窗道大聲講:"得啦! 我落黎離啦!" 上咗大牛龜道, 我就會好開心, 因可以見到吳爸爸,吳媽咪, 仲可以返屋企. 坐係大牛龜要坐成兩個幾,三個鐘先到屋企, 中途會同吳爸爸,媽咪傾計, 吳爸爸就好仲意係highway中途間麥當勞停下,休息下. 其實吳爸爸伯我肚餓,叫咗好多野食都岩我食. (個陣時好好架,吳爸爸,媽咪身體好,咩都食得!)返到屋企架大牛龜,同吳爸爸已經勞動咗5小時!仲未計埋星期日嘅回程! 係weekend大牛龜足足陪咗我好多個鐘! 籍此,真係多謝晒吳爸爸,吳媽咪同大牛龜,同我度過咗我係大學最唔慣既時份!
除咗大學,我係冰天雪地楂依架車同媽咪買鞋,去超級市場.....個陣時楂依架車仲有d驚險場面! 就係我衝火車signal. 係加拿大有d馬路會有火車軌. 一有火車要經過條馬路就會落"習"唔比馬路車過. 我果陣時見個火車"習"着燈(即個"習"就黎向下落).我仲衝咗過去! 衝緊先驚,衝完仲驚!!!!因坐我旁邊個朋友,驚到半死! "噢"咗!!!唔識出聲! 自此之後我都唔會咁做! 如果我個陣時架車行慢d,實比個火車"習" 壓死!!!相當危險!!!!!!!!!!!! 真係以後都唔試.唔好學我呀! 我而家都唔敢諗添.
