定驚

August 31,2012 (Friday)


整個八月, 真係好恐佈, 一連串家居問題, 需要整理. 真係驚都黎唔切驚, 因為真係忙到一頭煙!  咩都....硬住頭皮頂硬上!!! 

而我在這一個八月, 就好像打咗份清潔工咁. 日日都要周屋抹, 執屋和吸塵.

某程度, 我覺得,屋企有啲咩突發事, 女士會比較鎮定. 整個八月, 我旁邊果個男士, 真係驚足全個月.

可能, 我在這個八月, 周屋騰, 騰到人都驚!! 我聲都唔出多聲.  最好笑, 係我旁邊果位男士, 仲以為我, 驚到唔多出聲!!!   (其實, 我這個八月, 都黎唔切驚.....我係攰到, 無咩點出聲咋! 哈哈~ 不過, 啲男士係咁,成日以為自己驚嘅野, 女士也會一樣驚的)

所以, 屋企啲工程完結之後. 我旁邊果個位男士, 立刻買咗一堆禮物仔, 黎比我"定驚"喎!! 

↓定驚禮物: Hello Kitty 毛巾和兩隻Hello Kitty & Momiji crossover Mascot

↓自己好少會買擺切. 因為我都係實際型, 但Brian 就喜歡擺切, 時常見到Hello kitty 公仔或者擺切都叫我買. 今次, 就買咗兩隻關於Hello Kitty嘅擺切作定驚禮物.  現在就放在電視前面. 哈哈~~



↓原本, 我旁邊個位男士, 想買多份Hello kitty Golf 的Accessories比我作定驚禮物!! 但好彩比我stop咗!! 因為實際打Golf時, 個球棍保護套, 都無咩用架!! 影張相留念, 算數.

還有, 我旁邊個位男士, 好多時, 只在周末, 才會入廚房的. 

這天, 雖是閒日, 但屋企的工程終完結, 所以, 為了慶祝, 我旁邊個位男士, 自己出街買餸, 仲整埋比我食, 作為一餐---定驚飯.

飯後, 還有甜品...哈哈~



↓晚餐: 菜膽腐乳雞煲和近來好喜歡飲的雪梨汁. 甜品:咖啡店飲品和冬甩

 

 

工程

August 29,2012 (Wednesday)


人總會經過一些打擊的

由於月頭天花版流水, 令到天花版裂縫處處.  現在月尾, 便開始天花版維修工程.

不知道,我身旁那位男士, 是否生長環境太過順意, 他對家中有工程進行, 完全沒有一點防避心. 

什麼工程, 無輪維修工人, 幾小心. 也會有大量灰塵. 所以, 我在工程前一天, 我便已經用膠袋封了衣櫃的邊, 而且把全屋的床單攞出黎, 作遮蓋家俱之用. 減輕清洗功夫.

幸好, 這個工程只是維持兩天, 便大工告成. 維修工人也非常交帶. 真是下下主動地和我講工程進度. 跟得非常足.  而且手工不錯!! 真是很價值得表揚.

而我和Brian, 在工程進行的兩天, 仍可在家居住, 但要特別早起身輪流入廁所梳洗, 因班維修工人, 8am 便拍門了. 真係非常準時到達. 

但這兩天工程, 我真是兩天內, 都忙於抹抹洗洗, 又要額外吸塵. 就好像晚上, 打咗份清潔工咁.  真的很攰.

總之, 有工程,....就係會好煩啦!!

↓天花版維修工人, 每天入我屋的第一件事, 就是鋪堆布係我間屋, 作他們搬搬抬抬儀器的通道.

↓都幾多儀器放咗入屋....




↓我見啲維修工人, 都好小心, 盡可能保護, 我家居的一切.......而且, 維修都幾辛苦, 啲維修工人做一陣野, 已經流到全身汗. 要一支一支水咁飲..... 所以, 我特登開到屋企嘅冷氣, 開到大一大, 比啲維修工人可以涼住做維修.

↓連我家門口, 都墊咗啲膠袋, 以免"整烏棗"走廊地毯

↓Lunch time, 總會回家跟進維修, 另一方面, 又等待其他家品維修工人黎我居所整野, 但原來下午, 我大廈又維修電壓器, 所以, 只開後準電. 等電梯,都等咗好耐....

這兩天, 除了天花版作維修, 還有洗衣機維修和抽風扇維修. 不知為何, 不同類型的家品會同時間有問題.  但所有維修工人, 都是這兩天有時間. 真是什麼事, 都好似約埋一齊咁.

不過,都好.....都是忙足兩天, 居所的一切, 終可回復正常.

↓剛巧, 我家的洗衣機, 洗完衫啲水, 唔識走, 又咁啱, 洗衣機維修員, 在這日子,有時間黎維修....所以, 我跟進天花版工程時, 順道等洗衣機維修員來維修.....還有, 上個月的抽風扇......也咁"橋", 在這時候, 要按上.....因此, 兩天工程裡, 超級繁忙呢.

↓還有, 家中的慳電燈膽, 無啦啦亂了, 不段閃......要買過新啦!!  雖然, 短短兩日, 但真係一次過整理家居好多野. 連燈膽都換埋.....真係估唔到自己一下子, 可以整理咁多野!

 

他和廚房談戀愛

August 26,2012 (Sunday)


也許人生, 會隨着不同時間嘅轉變, 便會進入不同階段吧!!

以前一到周末, 便想着, 去那間食店--吃飯, 去那兒--行街. 點都要編排一切節目熱鬧精彩, 才算是享受周末.

現在的我, 只想周末, 坐在自己家, 真係比以前, 心歸好多.

由於心歸, 在家時間多了. 我旁邊那位男士. 便好有興致----入廚房, 煮返兩味

某程度, 我覺...我身邊個位男士, 自少已經有數名工人照顧, 也有僱用司機在身邊, 但現在能夠自己獨立生活, 已經是一件喜訊. 還要入廚房, 真是一個大步進.

不過, 很多時,做什麼, 都是互相影響.

我身旁那位男士, 看見他自己的爸爸,  專心下廚. 便間接令到我身旁的男士, 深深喜歡了---入廚.

所以, 我覺家庭影響, 都好大影響力. 長大之後, 成為什麼人. 家庭背景, 有着莫大的關鍵.

現在的周末, 我身旁的男士, 就好像和廚房談戀愛.  按時按候便自動自覺入廚房. 

以前, 我會給身旁的男士投訴, 為何要投資某一些高檔廚具!!  現在, 輪到他自己入廚, 他便明白個中原因了. 現在, 他喜歡入廚, 還帶幫了我可以放心買廚具.

有得食, 也可以放心買廚具.  反而, 他喜愛入廚之後, 我有額外收獲!! 哈哈~~


↓這個周末, 全天候都是, 我旁邊那位男士下廚. 

↓梅菜肉餅和腐乳菜膽雞翼煲

↓周末另外一餐晚餐

↓有麻婆豆腐煲和鹵肉

↓還有下午茶, 飲品有瓶裝綠茶. 還有開心果Cream bun & bacon caramel 冬甩

↓現在, 這位男士很喜歡去超級市場購物, 去超級市場時間,還耐過我!!

行街

August 25,2012 (Saturday)


計計下,原來自己好耐無行商場啦!!

上個月由溫哥華返黎多倫多之後, 好像很多家居問題要處理. 有時間,都只想坐在自己家休息.

這天, Brian 說要買餸, 便通道去行一行商場先. 雖然沒有東西想買, 但行一行, 觀察下周圍嘅人物和事物. 從而擴闊自己一些靈感. 

有時,就是看到街上, 行人的衣着打扮, 便會令我聯想到自己衣櫃裡的衫, 原來把自己的衣服, 只是轉下顏色配塔, 也會好好睇.  所以, 上街觀察周圍事物. 我覺得對自己日常生活好有用.   雖然, 有些觀察, 未必會即時用得着, 但觀察過後,腦海會存在一些概念. 要用時, 便會用得着!!

講咗咁多其他野, 又講返行街先................雖我口邊常說, 去商場,沒有東西想買. 但又會有東西吸引着我.......今天竟看Hello kitty 水杯,正在做特價呀!!!!!

其實, 我事前已經好忍得手, 沒有購買這個水杯. 現在, 終等到特價了. 而且, 還是半價呢,  當然啦, 加拿大這邊的Hello kitty 物品選擇, 不是太多.  現在, 有半價, 當然買下來.

沒有預期, 但得到自己喜愛. 真係好歡喜.

係架啦!! 我買一隻水杯. 已經好開心!! 有時, 都覺自己太容易開心啦!!




↓我的新水杯, ......一隻小小水杯, 竟然用個大紙袋裝住. 但紙袋上的字,又幾有意思

太耐無在這個戶外商場行, 原來這個商場, 整咗啲小綽頭.....

商場提供觀光火車仔比小朋友坐. 這烈火車仔會在商場循環行駛. 咁就可以吸引小朋友去依個商場, 而小朋友啲媽咪, 就可以安心shopping啦!



↓戶外商場, 提供小火車給小朋友坐.

 

最後, 去咖啡店嘆杯咖啡和嘆嘆陽光.  飲完咖啡, 望望隻錶, 原來已經4pm. 但我哋一點東西都無落肚. 但又無餓嘅感覺喎!!

好奇怪, 我哋兩個真係唔餓, 之後, 買完餸. 返屋企先煮飯. 晚餐個餐飯, 先係我哋第一餐.哈哈~

周末就有依樣好. 可以生活得好隨意, 鐘意點就點.


↓天氣還是好熱....但Brian 都肯和我坐在咖啡店的露天座位嘆咖啡....Yeah!

露天座位

August 24,2012 (Friday)


等待周末的來臨, 就好像很漫長. 最開心是星期五. 終於等到你啦!!

現在仍是充滿陽光的八月---令我聯想起啤酒和附設露天座位的餐廳.

幸好現在仍是日光時間長, 等埋Brian放工. 仍是陽光普照. 放抵工事包之後, 便馬上找有露天座位的餐廳吃晚飯. 兼飲飲冰凍啤酒.

但我想享受陽光之餘, 其他人也一樣想!! 因此, 很多附設有露天座位的餐廳都爆棚. 反而餐廳的空內位,就唔洗等. 外國生活的人, 真係無論幾大塵的露天座位, 都是很受歡迎.   

好不容易才找到一間附設露天座位的餐廳. 只係等15 mins就有位坐.

不過, 錯有錯着啦!! 找到一間樓上鋪的餐廳. (其實,都黎過依間餐廳好多次). 但高高在上, 坐在露天座位, 好像吸啖氣都無咁焗. 又可以遠望到街景, 真係飲飲食食都舒服啲.

我唔介意曬太陽嘅人!! 我覺曬太陽好舒服架!! 夏天, 我是最喜歡坐露天座位食飯, 但唔知係我識啲人錫身定係怕熱. 我身邊啲人, 好害怕被太陽曬. 一出到有太陽曬嘅地方. 差唔多渣咗成支防曬咁濟.  可能,我無咩保護意識. 我真係曬完先算. 曬到熱, 咪飲下凍飲囉!!

而且, 下個月便是九月了, 秋天來臨啦!! 我依邊秋天, 真係話涼, 就好涼. 而家溫度許可, 出到街就享受返夠本!



↓今日最渴望飲冰凍啤酒, 一坐抵,便馬上叫黎飲.

↓一人一張相, 坐係附設露天座位的餐廳

↓叫待應姐姐幫我啲影合照, 影完相先發覺, 今年自己曬黑咗好多, 唔緊要啦!! 嘻....影完相.......Brian 就上網了. 周街都要玩電話, 唔知有咩好玩.

↓唔知係咪人多,啲食物等咗好耐. 食物味道都ok嘅. Brian食Grilled chicken pesto Fettucini, 我食chicken buger with avocado salsa and Bacon.

Wings party

August 23,2012 (Thursday)


每一年, 我居住幢大廈, 都會舉行一個大食會.  今年個大食會主題名為「Wings Party」. 叫得Wings party, 今年的大食會, 真的有很多雞翼供應!! 味道都ok 架! 真是食Wings 食到飽.

而我每年都參加大廈舉辦的Party, 因為可以了解更多自己居所嘅管理方針和未來大計. 也可以了解自己的鄰居.

住了這幢大廈超過十年以上, 有時都唔知自己隔離左右, 或者上上下下, 究竟住了啲咩人.

其實, 我平時, 塔電梯,都會撞口撞面一些住戶, 大家都會傾兩句.  對某些住客, 都有點認識.  但在大廈舉辦的大食會, 就當然會遇上更多其他住戶.

幸運地, 大廈裡, 很多住客, 都很有善, 主動坐埋黎, 和我交談. 有的住客, 和我一樣. 每天在大廈出出入入, 但我們被此, 十年來也撞不到一次面. 都係值着依次大食會, 才知道大家存在.

不過, Brian 時常都話我, 是一位, "比較容易野人傾計的人" . 很多時, 都是別人主動和我傾談先. 再逐漸現變成一人一句, 講講講........ 

而今次, 遇見一班住戶, 他們全是以Dr. 乜乜乜,  來稱呼自己. 真是估不到, 這幢大廈, 居住了咁多博士生和醫生!!  有的鄰居還和我是同校畢業呢!! 真係世界真係小小小....哈哈~

依類型大食會, 都是但求大家傾傾計,聯誼下. 但其實, 傾完之後都唔知之後仲會唔會再見到面.  但凡事都了解多啲. 住都住得安心啲.


↓Wings Party 的雞翼, 還有pizza

Wing party 完結之後, 我和Brian 去了飲咖啡.

其實, 一下過接觸太多人, 不段講, 也不段接收. 原來都會幾疲倦.

一杯好好的咖啡, 可讓讓神!!  也通道同Brian 一齊再總結Wing Party 的有趣事!! 哈哈~~


↓咖啡



題外話, 
外國人也很流行請maid打理家頭細務的.

上磅

August 21,2012 (Tuesday)

自從, 把自己生活的一點一滴, 記存在yahoo blog之後. 現在, 我每天, 都會上這個網站!!

這天, 好驚喜, 竟然係yahoo blog 頭頁. 見到自己個「嘜頭」. 我所寫文章. 竟可以上到磅!!

其實, 我完全唔覺自己寫的東西, 有什麼吸引之處. 我還時時打錯字或者用錯字呢. 但可能咁啱, 我所寫的東西, 係貼近Yahoo blog 的主題吧!!  Yahoo blog 便隨機貼我的網誌上磅.

完全沒有期待, 自己寫的東西, 會給人看上眼.  就算無人留言, 我都會照寫blog的. 因我比較喜歡用文字表達自己心情. 

但上到磅, 內心都是開心, 好像得到了一點鼓勵.

多謝大家支持!!



↓我在yahoo blog 頭頁, 見到自己個樣呀!!

 

↓我所寫的遊記, 給Yahoo blog 被選中. (箭咀指住的方,便是我的"嘜頭")

↓這張相片, 就是上Yahoo blog 頭頁的相片