December 14, 2009 (Monday) 都要嗱嗱臨, "的"起心肝寫blog, 如果再懶唔寫, 啲野會變舊聞外, ....... 我黎緊個weekend 就去旅行, (對我黎講係旅行, 對Brian 黎講係返屋企), 所以, 趁現在有啲時間許可, 便馬上記錄自己啲野, 如果, 我唔記低, 真係怕會唔記得架!! 哈哈.....
近幾排連續收到各方嘅人送嘅聖誕禮物, 差唔多每日都有驚喜, 上星期星期四(Dec 10), 係公司寫子臺, 收到張字條, 話有包裹收, 去到攞時, 見到袋大物體, 望真啲, 原來係朱古力黎架, 仲係Truffles 黎架!! 真係好sweet 聖誕禮物!!!
↓就係依袋Truffles 朱古力
到Dec 11, 等電梯其間, 又見到比較有計傾嘅鄰居, 大家住樓上樓下, 但就成日同一時間等電梯, 同一時間去郵箱攞信件, 久而久之, 大家便有計傾下囉. 由於, 她是印度人, 所以, 便送上印度食品作聖誕禮物......都係一點心意.
其實, 我現在還未真正去印度食店, 食過一餐, 所以, 印度食品對我黎講係新奇野. 哈哈!!
↓咖哩薯仔角 (幾好味)
↓印度甜品 (我唔識欣賞, 只食了兩口, 因為好甜, 似食砂糖)
Dec 11 傍晚, 如常食完晚飯, 打電話返娘家, 同阿媽傾下計, 在電話筒得知, 我收到一個從香港寄黎嘅大包裹, 我阿媽形容個包裹有半個新奇事
橙嘅箱頭咁大. 我聽到都嚇親.
當我在Dec 12 (Saturday) 攞到箱包裹時, 都僧大咗眼, 我都未試過收過咁大箱郵件架, 而且, 都幾重下添!!
個寄件係我識咗好耐嘅香港好友, 熟到以姐妹相稱咁濟, 依個寄件人得知我喜歡Hello kitty, 見到得意嘅Hello Kitty 野, 便續啲續啲買下, 一次過寄過黎加拿大. ...... 不流都知, 寄件人係大忙人黎架!! 又返工, 又進修, 但仲係百忙中, 都抽時間買野比我, 仲去埋郵局, 山長水遠寄大包小包嘅聖誕禮物比我, 真係要好有心, 才有依個舉動. 真係.....教我如何不感動呢??!!! 係寒冷嘅冬天下, 得知有人記掛我, 真係寧舍溫暖, 開心.
包裹裡, 太多大包細包了, 真係擦咗好耐, 研究好耐, 享受好耐............哈哈!!
↓就係依箱包裹.......影相影唔出好大盒, 但真係好重.
↓一大堆大大小小嘅禮物.....有衫, 毛巾, 煲, 製蛋糕用品, 廚房用具 .....林林總總, 好多好多......
