榮升做業主

August 05,2016 (Friday)


我做咗業主啦!! (三月, 已經鑰匙交收)

之後, 再去買傢俬.  五月尾, 已經入咗伙

現在, 當然開心無限啦!!

終於可以有自己地方.

咩都舒服咗好多!!

日日都享受緊!!

其實, 今次做業主, 個感覺好似黎得好突然.

因曾幾何時, 我都好有心去睇樓, 好有心思和時間去觀察,.....竟然咩結果都無.

但當你唔上心, 就竟然咩都會湧上黎.

首次, 置業, 都係睇咗層樓 ----十分鐘, 就落offer.





↓終於, 擁有一個我同Brian 嘅地方. 好開心!!

 



↓當時,仲凍....着住件大褸去迎接自己嘅物業.

 


↓間屋唔需要點裝修, 因為前手業主, 兩年前先裝修過全間屋, 仲好新淨, 真係買了啲傢俬, 就搬得入去

↓原本都無諗住買依款梳化, 點知,我同Brian 一睇就鐘意, 行唔夠十分鐘傢俬鋪, 就買咗套梳化.

 

↓最鐘意梳化, 旁邊個pan 可以移動, 移動至座位前, 咁就可以晾高對腳

 



↓就係咁, 平時就晾高對腳, 坐梳化.




我哋置傢俬, 都係買住, 梳化, 餐枱, and 張床先, 其他嘢 , 真係搬到入去, 發覺有咩需要先買囉!! 真係搬咗入去, 個個周末都出去"添lee添露". 雖然好頻撲咁, 但一手一腳, 自己build up 我和Brian 嘅天地. 點都係開心


↓這張餐枱, 我見到, 就鐘意, 就係喜歡餐枱, 係玻璃, 內有好似雨水嘅球點, 張餐枱意大利設計師設計, 名為"雨水玻璃", 總之, 就喜歡.

 


↓到睡房, 係好傳統嘅加拿大傢俬店買, 就咁成set 買......最開心睡房旁邊, 有多間房仔(加拿大人稱為; 太陽房), 我用咗依間太陽房嘅空間黎做化妝房.

 



↓整咗張化妝枱, 鏡可以接埋, 就可以即時當書枱

 

↓廚房, 仲有一小角落, 放張bar 枱, 食早餐. 還有露台, 買咗bbq 爐, 可以燒嘢食!!

 




總之, 好感恩, 我可以同Brian  擁有我們嘅小天地,  雖然, 我哋開始, 要加入供樓嘅行例. 但我哋覺得每日, 都好舒服. 完全值得供.

多謝上天帶領一個舒服嘅天地比我和Brian.  兩睡房+太陽房+兩個full 洗手間+露台嘅單位. 比我哋.

真係估唔到會住係依個社區, 其實, 自我黎溫哥華之後, 我日日都經過依個社區, 但都無諗過會入去住.  

但而家, 日日都行入去依個社區, 就算係出面工作幾攰....返自己屋企, 有種好舒服嘅感覺. 精神都好咗.