March 15,2015 (Sunday)
星期日, 好舒服. 可以瞓餐飽.
之後, 慢慢諗去邊樹食lunch.
其實, 我同Brian都幾懶, 又唔鐘意等位, 所以, 食黎食去, 都係去food court 食!!
仲要去同一個商場裡面嘅food court.
但好彩food court 夠多選擇.
今次, 我揀咗食海南雞飯, Brian 食咗燒鴨飯.
兩個餐,都係第一次係依個food court食, 但兩樣都出奇地好味!!
未食完, 面前啲飯, 我哋就已經打算, 下個星期日, 再食多次. 哈哈~
↓我嘅海南雞飯(啲雞, 無骨㗎!) Brian 食燒鴨飯+凍奶茶
↓食完lunch, 就係甜品時間, 食咗日式crepe, (內裡有芝士蛋糕, 綠茶雪糕, and 士多啤梨), 之後, 唔少得去買零食. 而家, 我啲零食, 比Brian 媽食得最多. 因為她食得快過我. 有時, 我想食時, Brian 媽已經食咗落肚.
-------------------------------------------------------
鏡頭一轉, 就到星期日晚餐.
星期日嘅晚餐,通常都係同埋Brian 父母出街食!!
這天, Brian 爸, 突然醒起, 二十幾年前, 曾經幫襯過一間上海餐館.
得知, 這間上海餐館, 到現在還營業.
咁就走去, 這間上海菜館, 食飯啦!!
去到間上海餐館, 啲裝修和環境, 真係有八十年代feel.
但啲嘢食........就keep 唔到二十幾年前嘅水準!!
每蝶菜上枱, 我哋又驚, 又喜......
驚係啲菜式完全唔似樣.
喜係, 我哋竟然每蝶菜上到枱, 各人都對望, 還一邊.....苦笑呀!!
↓小籠包 (個皮好厚), 另一蝶油淋淋嘅餸---原來係炒鱔鰗
↓上海粗炒 和菜飯(味道又ok 喎, 但很油)
↓魚頭煲 (啲湯好似出面啲小肥羊湯包, 之後, 放啲魚頭和豆腐入湯, 就係魚頭煲), 仲食咗炸銀絲卷 (好油呀!)
↓還有糖糟排骨 (有啲凍冰冰, 同埋好油淋淋), 還有粢飯 (好馬馬)
星期日,出街食咗兩餐.
午餐就食到好歡喜
但晚餐就食到驚........
