Hello kitty 賀禮信封

June  2 (Monday)
      嘩!! 見唔見到呀! hello kitty

hk-69.gif image by vickyngkiki
賀禮信封呀!! 我自己就覺好cute 喇!! 我星期日同Brian and 屋企人一齊行chinese 商場, 我見到有依個信封賣, 就忍唔住即刻買喇!! 因為我黎緊依個星期六June7, 要參加婚禮. 其實, 依個婚禮係Brian 個大學(男)同學結婚, Brian 要做best man at wedding party!!   

        
edge-angle-heart.gif picture by vickyngkiki


       講真, 我同Brian 依個(男) friend 食就食過飯, 但一啲都唔熟架!!  我連新娘個樣都咪見過!! 但張結婚邀請卡, 話邀請埋我!! 所以, 我咪去囉!!  由接新娘, 玩新娘, 去教堂, 到夜晚飲宴, 我都要跟埋Brian....因為依個新娘哥結婚的地方離我屋企好遠架 !! 要渣成個幾鐘頭先去到, 仲要開埋GPS, 真係好大陣仗!!  其實, 我剩係想參加夜晚婚禮, 就算, 但唔通叫Brian 係晚宴時份又渣成個鐘頭車pick up我咩!! 最方便, 我就係跟足Brian 全個過程囉!

         
edge-angle-heart.gif picture by vickyngkiki


       係June 1 夜晚, Brian 同班婚禮啲人開咗簡單會議, 講下婚禮啲run down 嘅野!! 咦!! 剩係結婚依日都幾多野搞喎!! 如果第時, 我同Brain 可能好秘密結咗婚就算喇!! 唔洗煩, 哈哈!!  近排, 又唔知做咩, 好多野做, 每日都有啲特別野要做!! 又要book 時間剪髮, 去洗衣店攞西裝!! ....好多好多野!! 都無時間煮啲特別野喇!!

arrow-orange.gif image by vickyngkiki
個kitty
hk14.gif image by vickyngkiki
賀禮信封係咪好cute呢?? 我會入啲有禮金入去!! .....我買完依張hello kitty賀禮信封, 我先後悔無買多幾個依啲賀禮信封, 因為我黎緊都會參加多幾個婚禮架嗎!!  不過, 我媽咪見我買依個賀禮信封, 又話我買啲細路野喇!! 我同我媽咪講, 我第時派利事會用kitty 利事封架!!  實有人認得我喇!!哈哈!!


Posted by at

11 comments:

  1. Mimy4 June 2008 at 10:57

    原來你同我一樣都係kitty粉絲
    [版主回覆06/06/2008 04:52:00]睛天娃娃:   又唔覺你喜歡kitty, 我好少聽到你講kitty 喎!! 哈哈!! 不過,我好開心, 識多個興味相同嘅blog 友!!

    ReplyDelete
  2. ღ V M ღ4 June 2008 at 18:29

    woo.........好靚呀~~~結婚梗係多野搞喇,仲好忙碌添啵~~~
    [版主回覆06/06/2008 04:56:00]V&M:   ~ 我都覺依個賀禮信封好靚!! 我下次經過,都要買個幾個, 因為我啲朋友又就黎結婚喇!!!   ~ 我都覺結婚好忙,好多野要搞!! 但依啲忙, 係開心嘅忙, 唔會有壓力!!! 我見你為結婚都作好多準備吖!!

    ReplyDelete
  3. 怡威4 June 2008 at 22:15

    hello kitty 好得意呀!~
    結婚係大事的... 可以的話!~ 多人一齊慶祝都幾好呀!~
    [版主回覆06/10/2008 06:16:00]小威威:   我都覺結婚係大事!!但我好怕大搞!! 但朋友結婚我一定參加!! 我遲啲會買多幾個hello kitty 賀禮信封,送比有需要嘅朋友!!

    ReplyDelete
  4. WongTak Hei4 June 2008 at 22:20

    Hi~Nice to meet U!!~
    嘩!!~又幾靚喎!~
    [版主回覆06/10/2008 06:18:00]我喜歡hello kitty 嗎!! 所以, 見到kitty 野會忍唔到走去買架喇!! 哈哈!!

    ReplyDelete
  5. 細細粒5 June 2008 at 06:20

    呢款我記得見過呀, 我有個舊同事都係好鍾意吉蒂既, 佢之前都買過嚟送禮架, 而且又有紅色款.......我估到時佢都會送呢個畀我啩......哈哈~~~
    唔好靜雞雞結婚啦..........高高興興搞個婚禮都幾好呀......
    [版主回覆06/10/2008 14:32:00]細細粒:   ~ 你同事都喜歡kitty 架!! 仲會咁"橋"買埋一個kitty 賀禮信封....﹐不過,我稔依啲賀禮信封都唔係太多款,來來去去都係果幾隻!! 哈哈!! 我相信你同事會送依個賀禮信封比你!! 哈哈!   ~ 我真係好怕結婚要大搞, 實正太多野要follow 喇!! 我追求簡簡單單!! 就算喇!! 有得比我選擇, 當然唔喜歡要大搞喇!!

    ReplyDelete
  6. mic5 June 2008 at 08:04

    個利事封真係幾可愛喎~喜歡hello kitty既人一定喜歡~^^
    [版主回覆06/10/2008 14:55:00]迷迷(micmic)   我相信我朋友未必太喜歡kitty 架!! 但我喜歡kitty 嗎!! 唔理得咁多架喇!! 哈哈

    ReplyDelete
  7. Emily5 June 2008 at 18:20

    好得意呀
    [版主回覆06/10/2008 14:58:00]心樂:   我都係見得意, 我先買...哈哈!!而且, 自己實在太喜歡kitty 喇!!

    ReplyDelete
  8. 冰冰Tracy Ice5 June 2008 at 19:44

    好漂亮ah~~vicky！看到都开心！
    [版主回覆06/10/2008 14:59:00]歐冰冰@比樂太太:  

    ReplyDelete
  9. kami5 June 2008 at 20:50

    結婚真係好開心, 我明日都有位米國朋友嫁啦...我都好登佢開心....
    [版主回覆06/10/2008 15:05:00]桃皮太太@美國:   依排緊係好日子,都有幾多人結婚喎!!

    ReplyDelete
  10. 陶陶6 June 2008 at 12:33

    Vicky: ~結婚係要搞好多野架,所以當年做我伴娘既friend話, 見我結婚有咁多野要搞,佢第時都係旅行結婚算啦喎, 諗法同你差唔多!不過如果俾我再揀多次,都真係旅行 結婚算啦,又化算又唔使煩呢! ~你知嘛,其實有另一個blog友叫做 凌太 ,佢都係kitty fans黎架,佢又係勁鍾意kitty,而且佢好好彩,仲可以係發行kitty既公司入面做bedding dept.添,真係可以話係日對夜對呀!
    [版主回覆06/10/2008 15:30:00]陶陶夫人:  ~ 我同Brian 都好怕煩啲人黎架!!! 我今次見住朋友結婚, 雖然已經唔係話太大型, 因為朋友係香港已經擺過酒, 係依邊加拿大擺酒,主要都係請朋友,同事!! 雖然, 話唔係太大型婚禮, 但我覺我朋友好忙, 好多細節要follow, 如果有得比我and Brian 選擇, 我哋唔介意簡簡單單結婚就算喇!! 好似你啲伴娘咁講....去旅行仲化算!!   ~ 係咩, 凌太係kitty fans 黎架!! 她就好喇!! 與工作於娛樂, 我如果打份工係關於kitty, 就好開心喇!! 日日見住喎!! 哈哈! 凌太做bedding, 她啲床上用品, 一定好多kitty 喇!! 等我得閒去凌太個樹睇下有無kitty觸影先。。哈哈!

    ReplyDelete
  11. 細細粒10 June 2008 at 00:31

    如果有得揀, 可能都係旅行結婚好........不過有時唔到我揀, 雖然我媽咪贊成我旅行結婚, 不過Raymond媽咪得佢一粒仔, 加上其他親戚都有擺酒, 好自然佢哋要搞架..........反正我屋企個個都求求其其咁, 不如今次一次過搞正式D, 等佢哋都有個回憶都好~~~~
    [版主回覆06/11/2008 05:44:00]細細粒:   ~ 學你話齋,好多野唔倫到我哋選擇, 旅行結婚, 我相信好多人都喜歡架喇!! 但都係要過屋企人個關!!...大搞婚禮!!   ~ 我覺你大搞婚禮, 好似都幾enjoy, 咩都自己黎, 又去揾攝影場地, 又去買啲結婚裝飾品!比我同Brian 真係咩都唔想理呀!!而且, 我哋而家生活同結咗婚無分別, 所以, 搞婚禮, 好似多此一舉囉!!

    ReplyDelete

Subscribe to: Post Comments (Atom)