June 9 (Sunday)
經過琴日去完wedding party, 我真係非常之攰, 我都唔係主角架喇!! 竟然, 攰到一"較" 瞓天光!!! 可想言之, F 伉儷有幾攰呢???
而我同Brian 個weekend 假期, 剩返一日, 我哋一朝早就起咗身!! 因為有個重任需要做! 就係要去買父親節禮物
一出街有理無理醫咗肚先, 去咗麥當當食早餐先, 食食下早餐
Brian 問: 喂!! 幾時係端午節呀??
我話: 係June 8 號囉!!
Brian 話: 今日咪係June 8號囉!!
我話: o下!! 今日June 8 號喇!! (攞住個包, 兩眼發大) 唔洗驚, 屋企有粽呀!
今晚可以食粽應 節呀!
Brian 話: 不如, 我哋今晚食好啲喇!! 唔好單食粽喇!!
我話: 好喇!! 買完父親節禮物去超市行個圈喇!!
就係咁, 我同Brian 去行shopping mall, 買父親節禮物先!! 揾到合適禮物, 睇岩款又無size, 又要去第二個mall 先有貨!! 我哋買兩份父親節禮物就行咗三個mall, 行完mall 仲要去超市行個圈買啲餸, 行到人都顛呀!! 好彩有渣車, 如果唔係都幾難抵擋差唔多40℃ 嘅高度
▼以下依啲購物袋就係我daddy and Brian's daddy嘅父親節禮物喇!!
▼我同Brian 去chinese 超市行, 買咗條游水魚, 小棠菜, 豉油雞, and 蒸咗隻粽!!
▼仲有買咗啲新鮮游水蝦, 臨煮時啲蝦仲識跳架!!! 我哋仲開咗個打邊爐嘅爐, 一邊食飯, 一邊淥啲蝦黎食, 哈哈!! 順便玩下打邊爐, 哈哈! 我哋個端午節, 就係咁度過喇! 其實, 我哋不流都無慶祝端午節架!! 係咁岩端午節係sunday, 揾籍口食好啲囉! 哈哈!
▼依張係Brian 影架!! 我"不"緊飯嗎!! 對手都濕淋淋, 自我寫blog 一段時間, Brian 有時會自動自覺同我影相架!!
用哩個方法黎煮蝦, 都幾好喎!!!
ReplyDelete[版主回覆06/13/2008 15:52:00]Bの家: 我同我男朋友好耐無打邊爐喇!! 所以, 咪用依個方法煮蝦, 順便玩下個邊爐囉!! 哈哈!!
哈哈, 不如將啲蝦搵花雕浸完成打邊爐, 實好正
ReplyDelete[版主回覆06/13/2008 15:56:00]通少: 都係一個好方法!! 我以前試過用酒浸雞翼!! 之後, 攞去打邊爐, 啲雞翼味道都好正架!! yummy!! 比你講一講, 我有想買蝦浸酒添!!哈哈!!
我都有買呢D紅虾,因為好少見佢特價!
ReplyDelete呢排咁熱,眞係辛苦晒你哋週圍揾禮物!你哋屋企人收到一定好開心!
セBrian 爸爸係呢度?我仲以為佢屋企人係west coast !
[版主回覆06/13/2008 16:09:00]高貓貓: ~ 我相信我哋係同一個超市買依啲紅蝦喇!! 哈哈! 因為我依啲紅蝦都係特價貨黎架!! 咁岩見特價咪買囉! 因為真係好少見到依哋生猛蝦!! ~ 其實, 周圍揾禮物都無所謂!! 最緊要係買到合式禮物!! 而且, 我哋有渣車, 好好多喇!! 不過, Brian 成日厭依邊mall and 食店 啲冷氣開得唔夠凍!! 有時我都覺架! 但我唔係好怕熱, 所以, 我無所謂!! 哈哈!! ~ 你真有記醒!! Brian爸爸係west coast 居住架! 所以, 早啲買禮物, 買完禮物之後個日( 即係星期一)就即刻寄禮物去west coast 喇!!
嘩...........你哋果邊有成40度咁熱呀???做節真係豐富喔~~~
ReplyDelete[版主回覆06/13/2008 16:23:00]V&M: ~ 會架!! 我依邊熱都會好熱, 冬天凍都會好凍!! 一啲都唔好住架!! 由於溫差大, 啲馬路好凹凸架!! 坐車都覺條路好"凳"!! ~ 我都好少慶祝端午節架!! 係咁岩依個端午節係sunday!! 就揾個籍口食好少少囉!! 哈哈!! ~ 都係多得你話我知,端午節係幾時!! 因為我身邊都有好多人唔知係幾時架!! 哈哈!
其實過咗都唔覺係端午節....所以話呢個節日係最唔係節日feel.....哈哈~~~~
ReplyDelete不過你哋咁攰都一早起身去買禮物, 證明你哋好孝順呢.....
雖然少少哋, 但2個人夠晒架啦, 我最鍾意食蝦......仲要係跳水嗰隻, 正吖~~~
[版主回覆06/13/2008 16:38:00]細細粒: ~ 我有時有啲chinese 節日, 過咗都唔知架!! 好好笑!! 係咁岩今年端午節係sunday!! Brian咪有籍口食好啲餸囉! 如果端午節係閒日, 我都無時間煮and 買新鮮餸喇!! 不過, 此於都係聖誕節, 新年啲節日, 啲氣氛先儂啲!! ~ 我哋咁早買禮物係有原因架!! 因為Brian's daddy係west coast住架!! 所以, 買完禮物第二日就要攞去寄架喇!! 如果唔係趕唔切喇! 我見Brian 行啲department store都係買父親野! 我當然唔過依個機會, 順便一齊揾父親節禮物囉!! ~ 我依餐雖然乜都少少哋, 但都係食唔晒呀!! 啲雞, 有啲要留第二日食!! 但啲蝦and 魚就清晒喇!! 因為新鮮嗎!! 就覺特別好食, 所以, 食得快啲!! 哈哈!! 我依邊唔係成日有新鮮蝦食, 係有季節性架!! 過咗依倫, 都唔知幾時會再有得賣!! 遲啲我想食蝦, 都係食frozen 蝦架喇!!
咦我今年都冇食過粽呀。你地呢餐過節飯真係好豐富喎！
ReplyDelete[版主回覆06/13/2008 16:46:00]pal: 我去襯restaurant 飲茶都會order 粽食架!! 算唔算成日都慶祝端午節架!! 哈哈! 其實, 我係依邊都唔係好知chinese 啲節日幾多號先係架! 有時真係過咗先知!! 哈哈!! 不過, 今年有朋友提我, 而且, 端午節係sunday!! 咪揾籍口應下節囉!!食好啲!! 如果端午節係閒日, 我都買唔到依啲新鮮餸喇!! 因為我一星期先去一次market!!
你買咗咩做父親節禮物, 你地真有孝心呀...
ReplyDelete講開端午節, 我都買咗幾隻粽返屋企, 但搞到我連續好幾晚都係食粽做晚餐. 而且仲要係 Starbucks 度 '攞' 咗好幾包糖, 用嚟食粽. 對於食公仔麵多過食飯既我, 食粽 is a treat to myself...
[版主回覆06/13/2008 17:03:00]異鄉‧異客 : ~ 我啲父親節都係買啲好日常daddy會用到嘅野!! 我都係出黎做野先開始買禮物比daddy咋!! 哈哈!! ~ 你咁慘架!! 平時食公仔麵做主糧架!! 你係咪好忙架?? 食太多公仔麵都無咩益架!! 你煮公仔麵時有無淥啲菜食下架?? 咁會對身體好啲!! ~ 0下!! 你幾日都食粽呀!! 你真係咁喜歡端午節呀!! 哈哈!! 食太多粽好濟架!! 你想treat 自己定係hurt 自己個胃呀!! 食完粽飲多啲茶喇!! 消滯呀!! ~ 我食粽多數點豉油架! 糖就食鹼水粽先點糖食!! 同埋我相信你唔係加拿大住!! 因為加拿大啲starbucks 啲糖係無一包包架! 多數係一 樽樽放係度, 等啲人自己倒落自己杯coffee 度架!!!
好豐富呀!~
ReplyDelete[版主回覆06/13/2008 17:05:00]小威威: 都係每樣小小咁食!! 我啲野都唔買多, 怕食唔晒!!
好多嘢食呀! 你同Brian食得晒嘛?
ReplyDelete我地通常每歺只會食一種肉類架咋~~~
[版主回覆06/13/2008 17:15:00]Bobo de Licious: ~ 我哋當然食唔晒喇!! 哈哈! 剩係食唔晒啲豉油雞!! 我留返第二日再食, 其餘啲野全部食晒呀!! 哈哈! 可能我哋太喜歡食海鮮喇!! 所以, 食新鮮海鮮特別開心!! 開心就食多架喇!! 學你咁講要豁出去嗎!! 哈哈! ~ 我哋依餐, 因為係應下節, 所以, 先煮多咗野!!其實, 我平時食野超簡單架! 一蝶肉,一蝶蔬菜就開飯! 有時我懶到食湯麵就算喇!! ~ 你平時又游水, 每日食一種肉類, 又周不時行公園, 好健康呀!! 相比之下!! 我好懶, 食完野, 就玩電腦, and 看電視架喇!!至多做下啲家務... 哈哈!!
40度咁熱 ?
ReplyDelete[版主回覆06/13/2008 17:16:00]心樂: 係架! 我依邊熱時, 都會好熱, 出街好似蒸爐咁!!
你哋今餐 兩個人食 真係好豐富呀~~
ReplyDelete加埋我雙筷都得呀 哈哈哈
[版主回覆06/19/2008 16:30:00]畫: ~ 哈哈!! 我哋係因為端午節揾籍口食得豐富啲, 其實都食唔晒!! ~ 有時我令願住你鄰居, 可以時時食你啲甜品蛋糕, 時時都有新口味, 唔介意做白老鼠!! 哈哈!
食得好D洗乜搵藉口架？ brian甘錫你想幾時食好D都得啦
ReplyDelete[版主回覆06/19/2008 16:33:00]睛天娃娃: ~ 你咁講, Brian 會驕傲架!!哈哈!!! ~ 有時我係屋企都唔煮咁多, 一蝶菜, 一蝶肉就算數架!! 係話有節日就煮多少少野!!
ReplyDeleteToday is 黑色星期五 , that’s why heavy rain!!! Hope u’ll be fine today^^
[版主回覆06/19/2008 16:37:00]MaGGie: 香港又heavy rain 喇!! 我依邊都係, 一時就好多陽光, 隔一陣就落超大雨, 之後, 有又太陽...如事者..落雨and 太陽, 所以, 成日都要攞住把傘周圍走, 落雨啲天氣真係好悶架!
你咁tired都煮咁多野真係服咗你啦! 而我一定唔似得你咁, 我一定好懶唔願煮
ReplyDelete[版主回覆06/19/2008 16:41:00]挑皮太太@美國: 買咗父親節禮物仲出街食咩...還掂屋企有啲野食, 就係屋企開飯, 都係出街買少少海鮮之嗎!! 而且海鮮就最容易整, 蒸一蒸, 原汁原味最yummy!!
o甘熱真係唔想出街呀
ReplyDelete[版主回覆06/19/2008 16:43:00]豬神村村長: 講真, 我唔係好怕熱架!! 我可以唔開冷氣sleep 都得!! 但我好怕晒黑, 係行mall 都ok 架!!
Vicky: ~你地都算好有考義,大熱天時要行成三間shop先買到心 頭好送俾老豆,真係好乖呀你地!咁你地係買左d咩呢? ~粽,我老公個阿麻都有包到俾我地,佢係台山人,所以有埋台山 粽,入面無綠豆,只有臘腸同豬肉,無咩料唔太好食,我都係鍾意食 綠豆粽多d!鹼水粽就甜d,似甜品,所以我好鍾意食 ~你地有魚有蝦有燒肉去做節,都算幾好啦,我都無特別去食好d呀 如果係HK可能就會既!
ReplyDelete[版主回覆06/19/2008 16:57:00]陶陶夫人: ~ 我哋咁岩睇中啲禮物無size, 啲sales 話第二間分店有, 話會ship 比我哋, 但依度啲sales 信半成都死, 因為一定唔會係指定日期比到我哋, 我哋令願叫分店hold 住, 我哋自己去攞仲安全, 而且, Brian 份father's day 禮物, 買完仲要寄架!! 所以, 一日裡面走遍成三個mall 囉!! 有啲mall 冷氣又唔夠, 又多人, 依日又成36,7 度, 真係買禮物, 買到好口渴呀!! 哈哈!!我買咗件恤衫比daddy 囉!! ~ 我屋企啲人食粽唔喜歡食有綠豆架!! 原來無綠豆係叫台山粽呀!! 咁我屋企喜歡食台山粽多啲!! 不過, 各人有唔同喜好, 我就無咩所謂,有綠豆粽, or 無綠豆粽都會照食!! ~ 其實, 我平時啲chinese 節日都唔會點慶祝架!!(除咗chinese new year),但由於依日端午節係星期日, 就有啲時間係廚房長啲時間, 所以, 就行超市, 煮好啲, 當慶祝囉! 係閒日我都唔會煮咁多野喇!!