June 18(Wednesday)
Brian 一放工, 就話要出街喇!! 因為要趕住去買digital camera比Brian's Daddy!! 但就要渣車遠少少嘅地方買先有平!! 沿途仲經過, 希臘街, 連街名都有希臘文翻譯名添!!我專登影比大家睇!!! 哈哈!! (下圖↓↓) 依個希臘街, 有好多希臘食鋪架!! 而且, 裝飾都ok架!!! 每一年美食節, 都係依條希臘街攪架!!!
加拿大,真係多唔同民族, 唐人街又有, 韓國街又有, 意大利區又有....以前讀書時仲識到俄國人,土耳其人添!! 我有一倫仲同個土耳其同學通信添!! 加拿大真係咩人都有!!哈哈!!
▼希臘街名
買完digital camera, 我同Brian 係車上計計下, 返到屋企都無咩時間煮飯架喇!! 所以, 沿途返屋企見到有間kfc, 就買咗盒雞做dinner, 咁我又慳咗一日唔洗煮飯喇!! 哈哈!! 雖然, 買咗十件雞, 但我哋都食唔晒!! 都唔知點解近排我哋兩個都無咩胃口!! 可能, 天氣一時涼一時熱, 影響到胃口喇!! 比着以前, 我同Brian 一齊share 十件雞, 真係話咁快就食完喇!! 哈哈!! .....剩返啲雞件, 我就留起咗...放係雪櫃, 聽日再食過喇!
▼晚餐食KFC 雞.....係加拿大Kfc 又叫做PFK架!! 知唔知點解??唔洗驚, 我唔係買咗翻板雞!!....你哋想唔想知點解?? 其實, PFK係法文寫法黎架!! (Poulet Frit Kentucky, Poulet 解作chicken 呀!) 加拿大係用英文 and 法文雙語! 有一個省係用法文做主要言語!
▼依個就係Brian 買比他daddy 的禮物!! 我對影相一啲都無研究架!! 我對依部體型比較大size嘅digital camera 都唔知點用好!??
我前日都有食kfc雞呀(飲紅酒嗰晚呢), 但我覺得差咗, d雞無味不特止, 雞皮又炸得過籠....所以食得2件咁大把....佢媽媽買咗好少, 但都食剩個雞皇飯....唔知搞乜呢~~~~大家就住就住嗎? hehe
ReplyDelete原來加國有咁多人種架, 你唔講我都唔知呢, 仲有咁多唔同街....好特別呀........咁你有無學法文架? 多唔多用呢?
呢d單鏡相機通常都係畀d專業人士玩, 我哋呢d梗係玩吓傻瓜機就夠啦~~~~輕身又方便, 控制都易d
[版主回覆06/25/2008 16:19:00]細細粒: ~ 用紅酒黎送雞都幾好呀!!我以前同Brian 都試過咁食架!! 咁啲炸雞比較膿味, 襯紅酒都ok...哈哈!! 我依邊啲kfc 都係一時時好味,....有時會炸得好食, 有時就馬馬囉!! 但好肯定香港啲kfc menu 選擇多過我加拿大依邊, 因為, 我哋無corn and 海皇飯同蘑菇飯架!! ~ 見你都好多時同Raymond 媽咪食飯, 而且, Raymond 媽咪仲次次準備好多野食, 都幾錫你吖!! ~ 加拿大真係好多人種架!有時, 我聽到啲人講話佢哋原居地嘅國家名, 我都唔知係邊度架!! 我依度讀書, 一定要讀法文架!! 但我十幾歲先黎, 我遲人十幾年先起步, 一定學得唔好喇!! 我讀初級咋!!而且, 唔係時時用!! 好多都唔記得!! 我只可以用單字答人!! 我有時要問返我啲細妹轉頭啲法文點解添!! 哈哈!! 但Brian 法文都ok..因為他好細個已經係香港學開架喇!! 所以, 看法文說明書都ok!! ~ 我對相機無研究, 對我黎講, 影相方便, 容易就得架喇!! 哈哈! Brian's daddy 部相機, 如果有人比我, 我都唔知點用!! 哈哈!!
我地食KFC最多都係會每人食到三件架咋~ 你地買10件甘多間係食唔晒啦...hahaa
ReplyDelete[版主回覆06/25/2008 16:24:00]睛天娃娃: 哈哈! 我最顛一次過食五件雞, 好顛架!! 而家, 唔得喇!! 食兩件已經夠喇!! 所以, 依盒kfc仲剩好多係雪櫃!! 最後, 一盒雞食兩餐!! 都幾抵!! 哈!
Vicky: ~原來Brian daddy鍾意玩攝影架?Brian都好識揀, 揀部Canon 既EOS系相機俾佢,部機有咁多function, 佢實有排玩啦! ~唔知加國係咪呢?我美國呢邊既KFC既辣雞係一d 都唔辣架,以前係HK食,一翻開層皮,就會見到好多辣 椒粉,但呢邊,真係一d都唔辣,你諗下,連我呢個唔食得 辣既人都唔覺得辣,就知佢幾無料到呢
ReplyDelete[版主回覆06/25/2008 16:37:00]陶陶夫人: ~ 我都唔知Brian's daddy 喜歡影相架! 我只知Uncle成日講話影快門相, 係跳舞時要影相喎!! 依部係正機黎架??Brian 都有同我講解過依部相機一陣, 但我真係唔係好記得有咩Function!! 我對影相機無研究架!! 我影相只要方便, 容易就得架喇!!你同我講相機有啲對牛彈琴嘅感覺, right?? ~ 我哋依邊kfc 餐牌選擇唔多!! 連辣雞都無...曾經出過一輪辣雞, 但我都未試就已經賣完喇!! 所以, 未試過呀!! 但聽啲妹講, 啲辣雞, 都唔係好辣!! (有個妹唔係食得太辣, 都食到!!) 但依度kfc 好興有chicken wrap....都幾好食!!
KFC我就麻麻地喇,佢哋既薯蓉就最LIKE既~~~
ReplyDelete[版主回覆06/27/2008 05:11:00]V &M: 我好喜歡食kfc 架!! 因為啲炸雞脆book book 囉!! Kfc 啲薯容我就馬馬哋...但如果Brian 買, 我都會食囉!! 哈哈!!
係啦、我都要影番的哩度得意既野貼係個Ｂｌｏｇ比你睇下。
ReplyDelete[版主回覆06/27/2008 05:12:00]為食貓: 好呀!! 你都影下美國啲景色放係blog,...做個記錄都唔錯架!!
哈，隔左一陣冇黎探你就update左咁多篇post啦。女仔用相機多數要輕便同外型靚就得？
ReplyDelete