June 17 ( Tuesday)
唔知點解,我同Brian 係依排都無咪胃口食野, 我煮肉, 都係得我一個食, Brian 又唔多夾, 所以, 今日, 我咪諗住整個湯囉!! 我本來諗住整啲普通湯, 但整整下見雪櫃好多西蘭花, 又有薯仔,蘑菇, 又有牛奶, and cream!! 不如就整creamy 湯喇!! 就係咁亂黎, 亂煲一餐, 個creamy soup就出現咗!! 我問Brian 好飲嗎!! 他話: "幾特別" 三個字就講完喇!! 哈哈!! 我覺個湯 味道一般喇!! 但我落咗太多料, 所以, 一個湯, 炒咗蝶叉燒荷蘭豆..加件烤麵包, 就一餐喇! 夠晒數!!
依個creamy 湯, 我係亂咁整架! 但味道又幾正常! 哈哈! 再加一個叉燒粒荷蘭豆!
前幾日, 我返咗屋企, 我媽咪當然要比啲野我帶走, 先開心!! 我成日都同媽咪講, 唔好煮野比我帶返自己屋企, 我自己會買野自己煮架喇!! 所以, 我媽就買咗一大堆未煮嘅野食比我, 有frozen 蝦, frozen 魚柳, 魚蛋, 魚片, 連豆苗菜都有一包!! 媽咪話比我自己煮!! ....仲有依排好多summer 水果當造, 我媽咪就比咗啲荔枝
and 芒果
比我!! 有時攞咁多野, 真係好重!! 但我明白, 媽咪都係關心我, 所以, 我攞重野都好感動架!!
今日, 就整咗個落重料嘅芒果布甸....啲芒果真係當造, 好甜架!!當我做芒果布甸時,自己都偷食咗啲芒果粒
....哈哈!! 襯芒果布甸放入去雪櫃雪時, 我順便"mic" 啲荔
枝皮, 除埋細核...."mic"剩啲荔枝肉, 我"mic" 咗兩碗荔枝肉!!再放入雪櫃雪, 到夜晚食完飯就可以享受冰凍荔枝肉喇!! 我自己通常都係咁樣食荔枝架!! 先苦("mic" 皮and 核)後甜嗎!!
我食完晚飯隔無耐, 我就問Brian 食唔食荔枝呀?? Brian 會問: 「係咪得無核荔枝呀?」我話:「係呀!! 無核荔枝!!」Brian 聽到會好開心咁嘅樣食荔枝架!! 哈哈!!
荔枝 and 芒果都係媽咪比我架!! 荔枝其實仲有一袋係雪櫃無影到!! 哈哈! 兩種水果都好多汁and 甜! 我見有咁多芒果, 緊係整芒果布甸食喇!! 依個芒果布甸, 我落足芒果粒架!! 哈哈!! 其實, 有芒果又荔枝, 都好濕熱....都係隔日食啲好喇!!! 哈哈!!
6月食下糖水潤下都好呀!~
ReplyDelete[版主回覆06/25/2008 02:58:00]小威威: 我依邊六月天氣一時時, 一時好熱, 一時就涼涼哋, 都唔知點適應!! 所以, 近排都無咩胃口!! 因此, 整啲湯and 甜品食下囉!
近排我都無乜胃口食野呢
ReplyDelete[版主回覆06/25/2008 03:03:00]心樂: 香港夏天天氣熱嗎!一熱就無咩胃口架喇!! 因為我都係咁!!
hehe~我都想食下糖水~Vicky~見妳都成日整甜品食播
ReplyDelete[版主回覆06/25/2008 14:31:00]迷迷 (micmic): 你係香港住, 出街買糖水食應該好方便, 我自己對整甜品有興趣, 所以, 間唔中會手痕, 屋企有材料就會整!! 哈哈!
睇左果標題嚇左一跳 以為係 '亂x湯' 睇清楚啲.. 原來係 '亂龍湯'
ReplyDelete哈哈哈
啲芒果幾靚呀~ 而家hk既芒果都開始尾升啦~~
都無之前咁平同靚啦!!!
[版主回覆06/25/2008 14:39:00]畫: ~ 我個blog topic 令你諗到啲咩呀!! 哈哈!! 我亂整一餐, 咪叫亂龍湯喇!! 哈哈!!! ~ 我媽咪唔知點解有成箱芒果, 又有啲係第啲阿太多媽咪,...媽咪見我返屋企就比咗袋我囉!! 乜香港啲芒果已經尾升喇!! 唔怪之得你之前整芒果芝士蛋糕喇!! 哈哈!! 我已經用以上啲芒果, 再加你個芒果芝士蛋糕食譜, 做咗芒果芝士蛋糕喇!! 但就無加鏡面!! 唔該你呀!! 我遲啲會post 芒果芝士蛋糕相出黎架喇!!
好明顯Brian係覺得d湯普普通通, 男人係咁架啦, 唔會講hurt你的說話, 所以咪講幾特別, 我諗Raymond都一樣係咁架......... 係喎.....荔枝都差不多食得喎........但我都未食呀......最好味就係夠甜喇~~~
ReplyDelete[版主回覆06/25/2008 14:48:00]細細粒: ~ 都無所謂喇!! 我煮咩Brian 都食咪得囉!! 我煮襯咩野, Brian 都食就算, 就算他講"幾特別" 三個字, 他都照食, 我認為好食架喇!! 哈哈!! ~ 啲荔枝, 真係好甜and 好細核, 仲好多汁, 我同Brian 已經消滅晒啲荔枝喇!! ~ 你今年就快啲整芒果布甸比Raymond 食喇!! 好容易整咋!! 而且, 你屋企又有芒果樹, 好方便!
天氣熱就無咩胃口食野架喇~~~
ReplyDelete[版主回覆06/25/2008 14:50:00]V&M: 近排又涼返喇!! 啲天氣都係一時涼一時熱, 都唔知想點!! 所以, 胃口仲唔好!!
你地係咪太熱冇胃口呀？我都同你地一樣，呢幾日熱到冇胃口呀，今日喺公司仲覺得好頭痛，有少少暈暈地，我諗真係一冷一熱，所以都有少少唔舒服．．．．不過，我返嚟食咗藥&瞓咗一陣，已經冇事喇！
ReplyDelete而家開始夏天，唔係落雨，就係好熱，好焗，都攪到冇咩胃口呀．．．．．
你又係整咗消暑甜品，我都有整呀，不過都係整老公鍾意食嘅涼粉咋．．．另外我就買咗西瓜啦，夏天都係想食凍嘢多d呀！
你媽媽俾你d芒果好靚呀，仲俾咁多你添，食唔食得晒呀？食唔晒俾兩個我丫，唔該！
[版主回覆06/25/2008 15:19:00]爆炸魔女: ~ 你係咪早排, 你仔仔考試, 所以,唔夠瞓呀??所以, 返工咪會頭暈囉!! 好彩, 食咗藥無故事!! 你都要take care 自己身體!! 而且, 而家香港咁熱, 你飲多啲水先得, 我係夏天都飲好多水架!! ~ 你而家公司冷氣係咪好勁架?? 如果勁, 就帶件外套喇!! 我都有依個習慣架!! 不過, 依家啲天氣真係怪怪哋, 一係就好熱, 一係就好大雨, 我知香港仲打風添!! 我前排依度有啲地區仲落冰雹添!! 好得人驚!! 仲差唔多日日都落雨, 一lunch time 就落大雨, 係heavy rain, 落雨落到啲窗, "達達" 咁聲, 落足幾個鐘就停, 依個星期都係咁!! ~ 我記得你先生喜歡食簡單甜品, 椰汁涼粉嗎!! 我父親節返屋企時, 我daddy 都比咗罐涼粉我....但我到而家都未食, 因為無咩胃口食野!! ...而我都好想買西瓜, 因為西瓜係我喜愛水果之一,但我要等雪櫃啲水果清晒先買, 你知我點解要食新鮮野架喇!! 不過, 你而家食依啲涼粉and 西瓜都好呀!! 因為清涼啲...食咗無咁熱! ~ 我媽咪屋企都唔知點解會有成箱芒果係度架! 好似我媽咪自己又買, 啲Auntie 又送啲芒果黎, 我媽咪比咗成袋我, 我媽咪屋企仲有好多芒果剩呀!! 啲妹差唔多日日要清啲!! 哈哈! 如果, 你住我屋企隔離, 我真係比啲芒果比你呀!! 哈哈!! 不過, 就係依袋芒果, 令我整咗好多芒果食品!! 哈哈!!
點解你唔blend下個湯等佢smooth D呢？
ReplyDelete[版主回覆06/25/2008 15:21:00]睛天娃娃: 我懶丫嗎!! 而且, 個湯都係亂整一餐,...哈哈!!
Vicky: ~你呢個忌湯咁都俾你誤打誤撞整到,你都得架啦 其實我都未整過忌廉湯架,我都想搵日整下,應該用 淡忌就ok囉呵?定係要用肥到死既heavy cream呀? ~你媽咪對你真係好鬼好,你知嘛,其實你咁樣可以慳 好多時間去買送架,仲有仲有,就係可以慳埋去揀送呢 個複習過程呀,你媽咪對你真係好,你真係要練好廚藝, 搵日返屋企,等你一手一腳落場整一餐俾你媽咪黎報答 佢啦~ ~見到你用kieet碗去整布旬呢...好靚,我諗你會食得好開心! 我同你一樣架,食生果前鍾意一早去皮去核,到晚上時,先 乾乾淨淨咁用叉食,好正架
ReplyDelete[版主回覆06/25/2008 15:54:00]陶陶夫人: ~ 講真, 如果叫我再整返, 我都唔知整唔整得返依個湯, 我真係亂黎架!!其實, 忌廉湯, 用牛奶and 淡忌廉都ok 架!! 無咁肥嗎!! 但就無咁香, 但我都係用牛油去炒香啲蘑菇, 西蘭花....先倒啲cream and milk 入煲, 再加薯容, 好似係咁!!! ~ 我真係唔怕係度講, 我mommy 真係好好架!! 成日都煮好多野比我, 又買定野食比我, 真係好take care 我, 返媽咪屋企一轉, , 我真係可以成星期唔洗出街買餸架!!放工打開雪櫃就有野煮, 有野食,好方便, 我諗我媽咪都係想我咁!!!! 有時一諗起媽咪就好感動架喇!! 所以, 我而家日日打返屋企同媽咪傾計架!!!
~ 原來你食水果習慣同我一樣架?? 我食蜜瓜, 西瓜都會切定, 食完飯就可以享受冰凍水果, 其實, 我由細到大都食好多比較新鮮嘅水果架!!! 因為我屋企有個親戚係做水果依啲生意架!! 所以, 有咩當造水果, or 新水果產品都會食到架!!!! 同你有親戚做海鮮店一樣!!
~ 我專登用依個kitty 碗去整芒果布甸架!!! 因為, 我對住kitty 碗食野真係好開心架!!!我以前好少入廚架!!所以, 就算買kitty野 都少買kitty 廚房用具架!!而家唔同喇!!我要kitty 廚房用具先特別留意!! ~ 我見你可以整到芒果布甸食, 我都好開心....我幾驚你買唔到芒果jelly 粉, 所以, 整唔到芒果布甸添! 後尾你都用第二個方法整到, 你好醒呀!!!