返屋企..父親節

June 14 (Saturday)
      我返襯媽咪屋企

house4-1.gif image by vickyngkiki
, 多數都係同屋企人食野架喇!! 一早同Brian 起身, 大家梳洗下,就同埋TT 仔仔返去媽咪度, 近排啲妹放緊暑假, 有啲仲畢業, 係度待緊業!! 所以, 我屋企依排就特別多人, 有啲熱鬧!! 哈哈!! 出襯街食野都要十人檯先坐得晒!! 哈哈!!

      星期六 個晏就去咗茶樓飲茶, 之後, 同Brian 渣車, 返番自己屋企, 因為留咗啲高山茶葉唔記得囉!! 一來一回, 順便去酒房買埋支白酒, 返到媽咪屋企又食dinner 喇!! 今餐dinner, 我覺好豐富, 差唔多又係食海鮮為主, 連炒菜都落啲魚柳去炒!! 比我自己就一次過炒唔到咁多野食! 咁多功夫嘅飯餸係媽咪先可以係短時間內整到!  食完dinner, 睇陣電視, 又開檯喇!! 今次, 我贏咗少少呀!! Yeah!! 都係得五妹從滂指點!! 哈哈!!  希望我個腦對麻雀會繼續醒目啲喇!

arrow-orange.gif image by vickyngkiki
Dinner, 有凍蟹, 有游水蝦, 茄汁蝦, 蒸魚, 九杞湯, 魚柳炒菜, 豆豉炒魚頭....食完dinner, 無幾耐就開咗檯喇!


June 15 (Sunday)
     今年比較特別, 我哋五姐妹有機會同Daddy 慶祝父親節, 平時, 父親節, 我daddy 多數係香港, 只係送都係送啲卡, or fax or email. 但今次, 剛巧daddy 仲係加拿大, 就一定同daddy 慶祝喇!! 依日我一早起身就同Daddy 講父親節快樂喇!! 我哋五姐妹, 將收埋嘅禮物, 通通一次過攞出黎, 放係Daddy 面前!! 我買咗件恤衫比daddy, 有個妹買咗銀包, 仲有啲妹買咗運動衫.  收完禮物仲去飲茶!! 今次, 飲茶又係去返母親節個間restaurant, 因為啲點心比較別緻嗎!! 雖然, daddy 話貴, 叫我哋去第二間, 但父親節開心嗎!! 就唔緊要喇!! 而且, 一早已經book 定位咯!! 今次, 父親節都係Brian 埋單!!

     飲完茶, 我daddy and 媽咪專登, 好主動話去食意大利雪糕
ice-cream-gelatiW.png image by vickyngkiki
!!其實, 就係想請返我哋食野,,,,哈哈!! 我哋成家人成10 個人就走咗去食雪糕, 一人一杯, 雪糕店都無咁多位比我哋坐, 我哋企係雪糕店門口食, 但食得好開心, 差唔多大家都order 唔同味道, 大家可以試下唔同口味雪糕喇!! 哈哈!! 由於, 食雪糕 "痴淋淋" 都無影相!!  今個父親節都玩得幾開心喇!!

arrow-orange.gif image by vickyngkiki
飲茶點心...金華火腿批, 豉汁鮮腐竹


arrow-orange.gif image by vickyngkiki
芒果龍蝦卷, 叉燒包, xo 醬做一般茶樓嘅介醬, foie gras餃( 整到好似隻天鵝型)


arrow-orange.gif image by vickyngkiki
蔥油餅, 煙肉蝦卷, 另外果個唔記得叫咩...蝦咩咩棗(定係龍蝦棗)


arrow-orange.gif image by vickyngkiki
五妹話隻天鵝(foie gras 餃)有啲似隻龜, 要我食之前要影張相留念, 仲有飽魚批,五穀南瓜魚柳炒飯, 其實, 仲有好多點心, 但無影到相, 因為我已經係咁食


arrow-orange.gif image by vickyngkiki
苦瓜肉片炒河, 甜品有咖啡千層糕, 薑容煎堆


arrow-orange.gif image by vickyngkiki
蛋白撻, and 一張全家福...知唔知邊個係我呀?? 哈哈!


Posted by at

11 comments:

  1. Mimy19 June 2008 at 12:00

    呢間茶樓D點心真係幾特別窩...你daddy一定好開心唶
    [版主回覆06/21/2008 03:24:00]睛天娃娃:   我daddy比較喜歡chinese 野食, 所以, 父親節當然帶他去食特別點心喇!! 我都係希望daddy 開心!! 哈哈!

    ReplyDelete
  2. kami19 June 2008 at 15:57

    好開心可以一家人一齊慶祝father's day! d野食真係幾特別下woo! yummy!
    [版主回覆06/21/2008 04:09:00]挑皮太太@美國:   咁岩今年父親節daddy 係加拿大!! 通常父親節daddy都係香港, 今次難得daddy 係加拿大, 緊係食好啲慶祝喇!!

    ReplyDelete
  3. ღ V M ღ19 June 2008 at 18:38

    你哋返媽咪度dinner一定好豐富既~~~父親節嘛餐茶貴d都無所謂喇~~~
    [版主回覆06/21/2008 04:13:00]V&M:   ~ 係呀!! 一weekend,我屋企比較齊人, 所以, 我媽咪煮野食都煮多啲!! 哈哈!!   ~ 父親節食幾多當然無所謂喇!! 大家開心咪得囉!! 我見你父親節都食好多日本野, 好豐富架!

    ReplyDelete
  4. Chris Cheung19 June 2008 at 21:13

    上排右二？D點到心好精致喎！一家人一齊食飯好開心呀！你地總共五姊妹？
    [版主回覆06/21/2008 04:21:00]pal:   ~ 正確,  我係上排右二, 你估岩咗, 但無獎!! 哈哈!!    ~ 父親節就帶daddy 食好啲喇!! 我daddy 遍愛chinese food, 所以, 帶daddy 食特別啲嘅restaurant!!    ~ 你好叻, 估到我哋係五姐妹...哈哈!! 你估中兩樣野!! 哈哈!!  

    ReplyDelete
  5. 怡威19 June 2008 at 21:58

    我都係估上排右二
    [版主回覆06/21/2008 04:23:00]小威威:   你都估中咗...我好容易認得出, 哈哈!!

    ReplyDelete
  6. Elaine19 June 2008 at 23:16

    Hello~~ vicky
    你幅全家幅咁細, 我睇得唔清楚呀~~ 有無大d呀~~ 原來我從無見過你d細妹的, 哈哈!! 不過你地幾姊妹都幾似樣喎!!
    真開心, 可以一家咁齊人去飲茶食飯, 好難得的, 我都好難, 因我家太多人了, 都無咩情況下可以齊人, 要到我們幾兄弟姊妹結婚時才齊人, 哈哈~~
     
    [版主回覆06/24/2008 02:34:00]Elanie:   ~ 我見到你依個message,話我張全家福唔清楚...我都即刻msn 比你...send 張大啲比你!! 見係你咋!! 哈哈!! 不過, 最開心可以係msn 同你短聚!!    ~ 我近排好懶, 又有啲野做, 所以, 無咩係你blog 留言, 但我有睇架!! 哈哈!!   ~ 我daddy 好仲意一家人group埋一齊, 由其事係weekend, 如果我哋有一個妹去咗街唔返屋企食, 我daddy 會好angry架!! 講野都少啲!! 所以, 我daddy 返黎加拿大, 我哋成班人都盡量留係屋企架!!   我哋五姐妹好似樣呀!! 其實, 有啲人話我哋五姐妹好似樣, 但有啲人就話我哋五姐妹一啲都唔似, 每人有一個樣...哈哈!! 不過, 唔緊要喇!! 哈哈!! 我哋都係五姐妹, 一見面就嘈到顛!!!   ~ 咁你結婚時, 咪可以見齊你啲阿哥and 家姐囉!!

    ReplyDelete
  7. 細細粒19 June 2008 at 23:19

    每之見你哋一家人咁開心就覺得好好, 齊齊整整&好開心呀
    呢間茶樓好正架, D食物平時我哋都無食到, 所以見到都流晒口水, 好想食~~
    梗係見到你啦, 唔係好細張唧........
    [版主回覆06/24/2008 02:50:00]細細粒:   ~ 我daddy 好仲意一家人坐埋一齊食飯架!! 我哋同他食完飯之後, 出街, 他都唔開心架!!! 總之, 我哋留係屋企唔出街, 他就最開心...但而家邊有人可以成日坐係屋企?? 但我daddy 仲意咁樣, 我哋五姐妹謂有盡量配合!! 哈哈!!   ~ 依間restaurant 係比較多花神, 啲點心比較特別!! 所以, 都係有啲特別節日先去...如果父親節都係食啲普通restaurant 就無新意喇!! 而且, 我daddy 遍向食chinese food, 所以, 就帶daddy 黎依間食, 乜真係令你喉水呀!!唔好意思呀!!哈!   ~ 我全家福張相, 專登整細細張...因為我費事比人見得我屋企人嘅樣咁清楚喇!! 哈哈!! 但你眼力都幾好, 認到我喎!

    ReplyDelete
  8. Beauty Sandy20 June 2008 at 06:53

    hi hi ~ ~ 我返嚟喇 !!  好豐富好心的父親節, 我今個星期日先補慶祝, 因為 daddy 有事之前返咗鄉下 !!
    [版主回覆06/24/2008 04:45:00]new beauty sandy:   ~ 我知你返咗黎香港喇!! 我有間唔中走去你個blog 巡下架!! 但就無留言, 我極之懶, ...哈哈!!   ~ 你哋一家人都好錫daddy, 見你哋一家人出親去食野, 都係食正野!! 你daddy 上次生日都有個麻雀蛋糕, 好有心思!! 所以, 你哋幾時食父親節dinner 都無所謂喇!! 你哋一家人開心咪得囉!

    ReplyDelete
  9. 陶陶20 June 2008 at 09:29

    Vicky: ~行程都好豐富丫!最正既係,你地有成十個人出動,好熱鬧呢? 係呢?點解次次都係Brian俾錢既(我知可能係佢搵錢最多)? 咁你d妹既男朋友有無請過你地食飯呀? ~呢間酒樓d野食同display真係好有心思,唔怪得知咁貴,但都好 丫,成碼係有好既食物先,如果換著我呢邊,就只會換黎又貴又 唔好食既下場啦! ~你唔係有個妹係HK架咩?今次都返埋黎呀?另外,你爸爸都好知 你地既心意,特登同你地去食下雪糕,大家開心
    [版主回覆06/24/2008 05:15:00]陶陶夫人:   ~ 因為依日係父親節嗎!! 而且, Daddy 比較喜歡食chinese food, 所以, 父親節多數都係飲茶架喇!! 但由於父親節, 飲茶時就叫多啲野食, 豐富啲囉!...而且, 會揀間特色啲restaurant 去!咁父親節就慶祝得特別啲!!  至於, 埋單問題, 通常都係Brian 埋單多, 如果Brian 唔係我身邊, 就我埋單多, 因為我啲妹仲細, 有兩個都係剛剛大學畢業, 工都未揾到, 而且, 仲有一個妹仲讀緊書, 邊好意思叫啲妹比錢埋單呀!! 就係咁囉!! 不過, 唔理邊個埋單, 食得開心, Daddy又開心,就得喇!!哈哈!   ~ 其實, 依間restaurant, 係有啲西化嘅chinese restaurant, 全間restaurant 啲客以外籍人士幫襯居多!! 所以, 啲點心presentaion做得別緻啲, 餐具都比較特別架!!       ~ 我都曾經去過你美國(你居住個樹)旅行, 但就好少話食chinese food, 因為去美國緊係試美國啲野食喇!! 不過, 以我想像中美國啲野食都幾貴!! 但啲美國人好似好捨得食架!! 我有時見你係美國食好多日本野, 而且, 都幾特緻呀!! 都唔差吖!!   ~ 你真係有記醒, 我真係有個妹係香港工作, 而家返咗黎加拿大喇!! 而家,係加拿大揾工喇!! 而且, 我依個妹嘅男朋友都係加拿大, 所以,...就返黎加拿大囉!!   ~ 個日食雪糕食得好開心,...一人一杯,...就係因為咁,我哋無一個人有手影食雪糕相!!哈哈!! 總言之, 依日父親節好開心喇!! 哈哈!           

    ReplyDelete
  10. Happy Girl20 June 2008 at 09:51

    Happy Father's day.  What a big family ! It seems that 4 sisters have boy friends already.  So happy la !
    Many good food and play mahjong, really so enjoyable !
    [版主回覆06/24/2008 05:21:00]happy girl:   ~ 多謝你祝福!!   ~ 你真係心水清喇!! 我屋企有五姐妹,有四個已經有男朋友喇!! 哈哈!! 你觀察力真係好!!    ~ 我每次返媽咪屋企, 媽咪都會煮份外多野食架!! 哈哈!! 食完飯節目多數都係麻雀囉!! 其實, 我parents 好喜歡玩麻雀架!! 我就剛剛學無幾耐...不過, 成家人娛樂下, 好開心架!! 哈哈! 

    ReplyDelete
  11. Nancy22 June 2008 at 02:59

    父親節果餐好豐富啊~~
    我樓下間酒樓啲點心嚟嚟去去都係果啲!!!
    你呢間都幾多款啊~~~
     
    [版主回覆06/24/2008 05:28:00]畫:  ~ 我哋係父親節專登去離屋企遠少少嘅地方飲茶, 咁樣先隆重其事嘅父親節嗎!! 哈哈!!  ~ 我哋專登揀依間restaurant 架! 一來daddy 喜歡chinese 野, 二來啲點心夠特別嗎!! 總之, 食得開心就得..哈哈!   ~你樓下間restaurant 啲點心來來去去都係個幾款...但你整啲甜品咁多款,一定唔會悶喇!! 哈哈!

    ReplyDelete

Subscribe to: Post Comments (Atom)