June 11 (Wednesday)
我近排好想食雞翼, 本想出去Kfc 買, 但出襯街就覺得好熱!! 都無晒衝動入Kfc 買野食, 但返到屋企就好想食雞翼喎!! 所以,咪自己整囉!! 我入到廚房, 真係好求其醃咗啲雞翼!! 用啲豉油, 薑, 鹽and 黑胡椒粉....醃下, 之後, 攞去平底鑊用細火煎, 煎嘅途中我走去洗菜, 都無咩點理啲雞翼!! 點知完成出黎個效果又唔差!! Brian 都話好味, 仲叫我下次整返添!! 但我真係唔係好記得自己落幾多份量嘅醃料, 下次整返可能唔同味架喇!! 哈哈!! 我成日都係咁, 煮餸煮得好求其, 整唔返原本味道!! 就算copy 人哋啲食譜, 我有時會加自己意見!! 所以, 次次煮同一樣野都唔同味!! 哈哈!!
↓煎雞翼, 未食飯就食晒喇!!哈哈! 依蝶雞翼變咗餐前小食!!
今日, Brian 放咗工, 仲買咗啲ice-cream 返屋企, 因為, 近排超市特價, Brian 咪幫我入啲貨囉!! 由其事而家係夏天! 真係要飯後食少少雪糕先開心!! 其實, Brian 買雪糕係pre-慶祝我哋12號, 因為我哋每個12 號都慶祝相識記念日架!!
↓雪糕呀!!! 多謝Brian 幫我入貨!!
而我前日(June 10)經開書店, 就入咗去行!! 我又入咗本食譜書喇!! 依本係Pasta 書, 專教人整pasta 架! 成本書都教整不同Pasta, 見到就忍唔住買喇!! 而家屋企個書架多咗好多食譜書,...我簡唔中就打開黎睇, 我最喜歡企係度,而自己個身"埃"住牆看書 or 看報紙, 係咪好奇怪呢!! 但慣咗!! 哈哈!! 但讀教科書, (返學個啲)就一定要坐定定讀先入腦!! 哈哈!!
↓依本就係Pasta 食譜書喇!! 依幾日係咁睇, 如果, 我讀書時有咁嘅興趣讀書, 我就攞獎學金喇! 哈!!
我已經介左好耐無食雪糕了
ReplyDelete[版主回覆06/19/2008 16:59:00]心樂: 你真係好健康呀!! 連雪糕都介埋!! 我一定忍唔住!
D雪糕好似好正~...............有Brian係度~唔怕冇野食
ReplyDelete[版主回覆06/19/2008 17:06:00]迷迷(micmic) 我係雪糕fans黎架!! Brian 見雪糕有特價就會放工之後, 幫我入貨架喇!! 我有雪糕食就得架喇!! 哈!! 有時Brian 都好怕我食唔飽架!! 但邊有可能丫!! 我成日開雪櫃羅野食架!!
i like chicken wing
ReplyDelete[版主回覆06/19/2008 17:08:00]大寶: 我都係呀! chicken wing 好香口. 真係好難話食厭!! 哈!
雪糕正呀,夏天咁熱喺屋企開冷氣食雪糕,一流呀~~~
ReplyDelete[版主回覆06/19/2008 17:09:00]V&M: 開冷氣食雪糕, 加埋西瓜仲一流呀!! 哈哈!!
讀書睇既書同食譜爭好遠~~~
ReplyDelete果啲咁悶~~ 呢啲又有靚圖睇 吸引多~~~
哈哈哈
近排同事啲飯盒都成有兩三隻雞翼係到 攪到我都好想食~~
[版主回覆06/19/2008 17:17:00]畫: ~ 如果返學啲書有圖我都讀唔入腦喇!! 都係迫自己記住, 考完試就咩都唔記得喇!!哈哈! 反而成本小說, 成本都係字我又記得, 仲要睇幾次先心息!!哈哈!! 有興趣此於唔同啲!! ~ 我帶lunch, 都好少帶雞翼, 我通常帶sandwiches 架!! 你啲同事忍你食雞翼呀!! 你有無放工買啲返屋企煮止下癮呀?? 你揾日帶返六隻雞翼威比你啲同事睇喇!!哈哈!!
Vicky: ~我都鍾意食炸野(我諗好多人都鍾意),但就鍾意食炸雞脾多d! 如果係整雞翼既,我大多數會整老水雞翼,健康d又唔使煩,所有 料放落個煲到炆d雞翼就ok啦!薯仔炆雞翼又係好易整架,你有 無整過呀? ~你o個本書既相好靚,構圖簡潔,咁你快d學好整俾Brian食啦!
ReplyDelete[版主回覆06/19/2008 17:31:00]陶陶夫人: ~ 間唔中都會買雞翼食架!! 但唔知點解我附近啲超市好少有雞翼賣架!!有時我都買雞脾炸黎食, 係咁岩依日見到超市有雞翼賣, 咪整黎食, 但整炸雞都要講心情, 因為炸野好麻煩架!! 我都好似你咁, 整下薯仔紋雞翼, 或者用oven 焗雞食, 方便丫嗎!! 而且, 健康啲呢!! ~ 本cook book 我都係見特價就買返屋企, 我都係貪啲steps 簡潔, 唔太復雜, 而且, 啲紙質and 啲圖畫好好先買!! 哈哈!! 我依家去coffee shop 都帶住依本書黎讀!! 仲work hard 過返學啲人!! 其實, 我買cook book 都係攞下啲靈感, 概念...有時行超市,...我個腦會click 到啲野...就會跟住食譜又加自己少少意見整野食..哈哈!! 所以, Brian 都成日做我白老鼠!哈!
我都係勁鐘意刨食譜...讀書有一半甘好心機我諗我一早係phd喇..哈哈
ReplyDelete[版主回覆06/19/2008 17:34:00]睛天娃娃: 我都係咁話!! 我讀書時有睇食譜咁有心機, 咁就好喇!! 但無計丫!! 食譜真係好addictive 架!!!哈
我覺得加拿大的KFC真係麻麻地，Toronto有冇Church Chicken呢？我覺得呢間好好食架！
ReplyDelete[版主回覆06/20/2008 13:38:00]pal: 加拿大啲kfc 都係一間間好食, 即刻炸出黎個啲都好juicy架!! 我依邊都有Crunch chicken sandwiches!! 我都覺幾好食!! 有時都會痴起條癮, 都想食返個架!!!
唔好竟思，我係指一間叫Church Chicken的炸雞店，好Juicy好味架！雪糕我怕肥所以好少食。
ReplyDelete[版主回覆06/20/2008 16:52:00]pal: ~ 唔知有無Church chicken 炸雞店!!! 我諗無掛!!!哈哈!! ~ 你係男士, 唔洗好似女仔減肥喇!! 哈哈!! 香港男士都要on diet 架! 我係雪糕lover....我令願行多啲路, 都要食雪糕!
哈，我比較貪靚姐，想keep住身型再加上我唔算好鐘意食雪糕，咁冇理由為雪糕變肥仔嘛。
ReplyDelete[版主回覆06/21/2008 02:43:00]pal: ~ 香港啲人個個都好skinny!! 連男士都係, 我返香港, 啲人一定話我大舊!! 哈哈!! ~ 好彩你唔喜歡食雪糕, 如果唔係忍得好辛苦架!! 哈哈!!有時我覺keep fit 除咗話靚之外, 其實, keep fit 都可以順便keep 健康啲架!!