新開咖啡店

June 22 (Sunday)

       我屋企對面馬路, 係商業大廈
house-hall.gif image by vickyngkiki
, 商業大廈樓下, 成日都開食店
house-Shop-2-icon.gif image by vickyngkiki
, 但係間間食店都做唔長架! ....緊係喇!! 一星期, 只有五天工作天,  最多六日, 而且, 啲人一放工就走人, 都做唔到晚市, ..啲人放工仲留係公司啲地方咩, 所以, 係商業大廈開食店, 一係就好好食, 一係就平, 如果, 係普通野! 啲人都去第二度食喇!! 留係公司附近做咩喎!!   所以, 我屋企對面個間食店, 成日做唔長, 都唔知轉手幾多次!!

                        
edge-butterfly-3.gif picture by vickyngkiki


       前兩日經過,  見到開咖啡店
house-Coffee-Shop-icon.gif image by vickyngkiki
, 依間咖啡店係走平民路線, 而且,依邊啲人係早餐時, 都好流行飲依隻牌子咖啡架!! 而且, 依間咖啡店裝修特別舒服and 光猛!! 我相信, lunch time, 夜晚都吸引到人去飲下野, 食下三文治
food-sandwiches-5.gif image by vickyngkiki
, 傾下計!!

                        
edge-butterfly-3.gif picture by vickyngkiki


       我係星期日,朝早同Brian 出過一陣街行行商場, 行啲廚房用品店, 因為我用開把剪熟肉嘅交剪
equip-Scissors-icon.gif image by vickyngkiki
比我破壞咗!!!   其實, 我有兩把剪刀, 一把剪生肉, 一把剪熟嘅肉!! 但周圍行無合心水交剪, .......之後,  我全日同Brian 都係屋企, 最多都係出街買份報紙, 哈哈!!.....我見屋企對面開咗咖啡店, 做咩唔試下!! 所以, 我哋咪食完dinner 就去落樓下, 過條馬路
house-traffic.gif image by vickyngkiki
, 去嘆杯咖啡囉!! 我仲order 咗件cookies 食添!! 哈哈!! 唔知係咪星期日夜晚, 間咖啡店, 唔係太多人!! 所以, 我可以影到
咖啡店嘅裝飾格局比大家睇!! 由於咖啡店斜對面係酒店架!! 我係咖啡店飲咖啡時, 我見到飛機師黎買咖啡呀!....飛機師啲制服好型呀!! 見到飛機師, 我又同Brian 講起飛機依個話題喇!! 哈哈!

↓我家對面的咖啡店....我order咗杯熱茶and 一塊cookies...塊曲奇又幾好味, 好香脆!

Posted by at

9 comments:

  1. Mui26 June 2008 at 07:26

    我見到我最鐘意個款cookie呀
    [版主回覆07/01/2008 04:24:00]Mui:  似乎我哋taste 幾岩...哈哈!! 我都係好喜歡食依隻cookies 架!! 係subway sandwhices shop 都有依隻cookies 賣架!! 味道一樣好味!!你都試下丫! 哈哈!!

    ReplyDelete
  2. 細細粒26 June 2008 at 08:20

    咁就啱晒你哋2個啦.......可以夜晚晚又去飲嘢....睇落呢度都幾大喎....不過d椅唔夠舒服唧.........其餘都唔錯啦~
    [版主回覆07/01/2008 04:32:00]細細粒:   ~ 就係咁囉!! 一開咗, 食完飯行去飲咖啡都得, 哈哈! 因為依間咖啡店通常都開24 hrs 架!! 去食宵夜都得!!   ~ 其實, 我依日係坐緊梳化凳架!! 圍住牆係梳化凳(我無影到), 係中間先紅色凳,但都幾好坐...哈哈!!依間裝飾啲環境唔錯架!! 幾舒服!   ~ 你同Raymond 多唔多時飲咖啡架? 我本來去飲咖啡都無咪特別野同Brian 傾, 但坐坐下就自自然然有野係咁講, 可能我多野講喇!!! 哈哈!!  

    ReplyDelete
  3. 陶陶26 June 2008 at 12:15

    Vicky: 我覺得開係商業區既店,真係只可以做到星期一至五既客, 其他既時間,真係拍蚊架!好彩家陣開既係cafe,起碼d人收 左工都可以落去傾陣計或開OT時落去提提神丫! 照你咁講,咁呢間係咪連所店黎架?
    [版主回覆07/01/2008 04:38:00]陶陶夫人:   ~ 係呀!!依間咖啡店係連鎖店, 好似starbucks 咁, 周圍都係, 但依間咖啡店係加拿大牌子囉!!哈哈!! 而且, 依間咖啡店通常開 24 小時架!! 所以, 我半夜三間想食下野, 飲咖啡都去得!! 哈哈!! 我都希望依間會做得長喇!! 哈哈!! 而且, 依間coffee 比較平...食物都係, 一定做到好多返工人 and OT 人嘅生意!!!   ~ 其實. 依間咖啡店係美國都有架!! 但唔太流行囉!!

    ReplyDelete
  4. Mimy26 June 2008 at 12:59

    我地呢邊都有Tim Horton's不過就唔係好popular囉
    [版主回覆07/01/2008 04:41:00]睛天娃娃:   依邊Tim horton 真係好多地方都有!! 我都知美國有Tim hortons 架!! 但就唔太流行!! 可能文化有啲唔同喇!! 而且, 美國真係比較多咖啡店架!! 好難競爭到一個定位!!

    ReplyDelete
  5. ღ V M ღ26 June 2008 at 18:36

    你哋果邊既生活就好嘆,夜晚落樓下嘆返咖啡~~~
    [版主回覆07/01/2008 04:44:00]V&M:   依間咖啡店係連鎖店黎架!! 最出名係開24小時, 所以, 幾夜都可以飲到咖啡....乘機嘆下!!

    ReplyDelete
  6. 怡威26 June 2008 at 22:47

    希望新店唔好咁快"執"啦!~
    [版主回覆07/01/2008 04:46:00]小威威:   我都希望呀!! 因為依間連鎖咖啡店, 專係開24小時, 所以, 我幾時口痕都可以過對面買野食或者飲野!! 哈哈!

    ReplyDelete
  7. Emily27 June 2008 at 00:33

    你住個邊好嘆啵
    [版主回覆07/01/2008 04:49:00]心樂:   飲咖啡就嘆喇!! 其實, 我依邊生活無香港甘多元化架!! 飲咖啡算係一個好特別娛樂!!

    ReplyDelete
  8. Nancy27 June 2008 at 07:56

    得閒就去間咖啡 hea 吓 整番杯野飲都唔錯呀~~~
    [版主回覆07/01/2008 04:50:00]畫:   會架喇!! 我口痕就會走過去...當娛樂都好!! 哈哈!!

    ReplyDelete
  9. 細Win12 August 2008 at 00:22

    間咖啡店又係tim hortons？而家生意做得長唔長久呀？我反而鍾意呢d咁既生活，少人，i love it！
    [版主回覆08/13/2008 03:21:00]細win:   我完全同你相反, 我係比較喜歡熱鬧架!! 我覺少人好冷清, 無咩新氣....

    ReplyDelete

Subscribe to: Post Comments (Atom)