Leftover & surprise wrap

June 19 (Thursday)

    今日下晏, 同Brian 閒談咗一陣, 原來, Brian 係lunch time 好喜歡去starbucks 買Lemonade飲, 有時...會買埋件朱古力香蕉蛋糕食架!!  我見屋企有一大堆熟香蕉
veg-banana-1.gif image by vickyngkiki
, 唔好晒, 就整咗
cooking-Spatula.gif image by vickyngkiki
朱古力香蕉蛋糕出黎.......其實, 我都係用香蕉蛋糕方法整, 只係加埋啲朱古力粒, 都係好隨意整咋!! 諗住做晚餐後嘅小食囉!

arrow-triangle_pink_b.gif image by vickyngkiki
朱古力香蕉蛋糕....Brian 用三個字形容依個蛋糕: 「有啲淋!!」因為, 焗依個蛋糕中段時, 我唔記得係中間"刮"一刀, 所以, 無爆開感覺! 而且, 我落太多香蕉, 所以, 個蛋糕真係唔夠實! 通常唔係好成功作品都係我lunch time 的食物!  


     整完蛋糕, 我就整咗個芒果蝦沙律
veg-salad.png image by vickyngkiki
出黎再配琴日食剩啲Kfc 雞
kfc.gif image by vickyngkiki
, 諗住咁就一餐喇! 雖然, 依一餐真係非常簡單, 只係用屋企啲 leftover 野食, 黎整餐飯食, 其實, 我都係唔想晒野咋!!! ....咁個雪櫃又有多啲位喇!!有時見雪櫃
cook-refrig.gif image by vickyngkiki
太多野, 我會好汶架!!! 哈哈!!

    點知, Brain 放工攞住個袋仔
cook-PaperBag-icon.gif image by vickyngkiki
返屋企, 原來, Brian 係kfc 買咗兩個新嘅chicken toasted wrap
food-tacos.png image by vickyngkiki
返黎...因為我琴日話想食, Brian 放工坐地鐵返屋企時, 見經開kfc, 就買咗兩個chicken toasted wrap 外賣返黎, 今日, dinner 突然間變得更加豐富!! 哈哈!!多謝, Brian 依個surprise!!! 

arrow-triangle_pink_b.gif image by vickyngkiki
整咗個芒果蝦沙律, and 加啲琴日食剩啲雞件, 做dinner, 但Brian 今日加餸呀!! 買咗個toasted chicken wrap 返黎!! ...個wrap 都幾好食吖!!!今餐dinner 無端端轉得好豐富!! Brian 對個芒果蝦沙律好有興趣, 主動食多啲!! 哈哈!!


arrow-triangle_pink_b.gif image by vickyngkiki
Toasted chicken wrap, 唔係好大件, 可以當小食咁食!!
 

Posted by at

8 comments:

  1. 怡威24 June 2008 at 05:19

    朱古力香焦蛋糕... 我都未食過!~
    [版主回覆06/25/2008 16:39:00]小威威:   我依邊starbuck 有朱古力香蕉蛋糕賣架!! 唔知香港有無, 你經開買返件喇!

    ReplyDelete
  2. Anonymous24 June 2008 at 08:11

    移綺~~~我前日買左成箱芒果﹐諗緊點食!  你個沙律幾好喎!  我都整先!  多謝你俾靈感我!    個chicken wrap好似好好味!  Brian對你真係好﹐成日買嘢俾你食!  (定佢覺得你太瘦﹐想你肥D呢!?  )
    [版主回覆06/25/2008 16:54:00]Bobo de Licious:   ~ 點解依排啲人會成箱成箱芒果咁買架?? 我媽咪有係買咗, 之後, 有啲Auntie又送啲芒果比我媽咪!! 整到我媽咪屋企好多芒果, 所以, 我媽咪比咗成袋芒果比我攞返自己屋企!! 就係因為芒果, 我依排整咗好多芒果食品!! 依個沙律係其中一個......我都係以前出街食泰國野, 見到有mango salad...我都係靈機一觸整咗依個芒果蝦沙律出黎!! 你唔洗多謝我比靈感你!! 我都無做到啲咩...突然間有人多謝我, 我覺好特別呀!! 哈哈!!   ~ 個chicken wrap 係kfc 新出架!! 份量唔係好大架! 如果行行街想食snack 依個chicken toasted wrap 就最岩!!    ~ 我見到有新產品出, 都會同Brian 講, Brian 見放工經開kfc 咪買比我囉!! 我相信Brian 唔係想我肥, 係想滿足我胃食念頭, Brian 唔想我得閒就提佢kfc 有新產品出!! 哈哈!!

    ReplyDelete
  3. Mimy24 June 2008 at 12:14

    個芒果蝦沙律好正甘呀...搞到我鬼甘肚餓
    [版主回覆06/25/2008 16:57:00]睛天娃娃:   因為我雪櫃係近排有好多芒果...所以, 盡量諗啲野食, 係可以清啲芒果!! 整到你餓, 真係唔好意思,. 你得閒都整啲丫!!

    ReplyDelete
  4. melmel24 June 2008 at 13:44

    我又係買咗成箱芒果,走去yahoo search 吓芒甸食譜,點知又番黎你個blog   !
    [版主回覆06/25/2008 17:02:00]高貓貓:   ~ 係yahoo search 見到我呀!!  咁你整唔整到芒果布甸呀?? 我係V's 食譜篇都有芒果布甸食譜架!!   ~ 依排好流行買成箱芒果呀!我媽咪又係買成箱芒果! 不過,而家啲芒果真係好甜, 好多汁, 好好食!!  

    ReplyDelete
  5. 細細粒25 June 2008 at 06:30

    一見到個蛋糕真係好多料呀........咁睇都幾難睇到淋唔淋.......不過你咁講就會知道喇~~~
    我仲諗緊咩係Toasted chicken wrap呢..........原來係呢個....但中文唔知叫咩呢.....香港以前食時覺得唔夠熱, d雞又唔夠脆, 所以我麻麻呢...
    Brian永遠都會記住你講既嘢, 呢點係非常好架, 但Raymond就相反啦, 我講既永遠唔上心, 有時我仲要再講多次佢先知.......激c啦....
    [版主回覆06/26/2008 14:20:00]細細粒:   ~ 整蛋糕依日, 屋企有大量班點香蕉,如果唔食就唔得架喇!! 所以, 依個蛋糕仲落足香蕉料囉!! 初頭食, 真係有啲淋,但第二日放係雪櫃攞出黎食, 又幾好食, 哈哈!!   ~ 我依個chicken wrap 係外賣, 攞到返屋企又幾好食, 仲暖暖哋, 味道都ok...有時香港kfc 有啲野, 我依邊未必有架!! 香港kfc 有蘑菇飯, 但依邊就無囉!! 哈哈!!   ~ 咁Raymond 可能有第二方面好呢!! 有時一對人係埋一齊, 大家乜都要上心...你上心咗, Raymond 都會同你同一軌道架!!  仲有呀!! 唔好記住啲唔好嘅野,唔會鬥氣嗎!! ....大家一齊從好嘅出發點諗大家, 咁先愉快架嗎!!!

    ReplyDelete
  6. ღ V M ღ25 June 2008 at 18:25

    VICKY你成日都整咁多好味既野食,你真係好叻呀~~~
    [版主回覆06/26/2008 14:24:00]V&M:   其實, 我煮野唔叻架!! 但我唔煮, 就無得食, 要出街食架喇! 街外啲野又唔係太健康and 貴, 所以, 我咪自己每日整啲野食囉!! 整整下有啲上癮架!! 哈哈!! 你第時結咗婚都可能會成日煮飯架!! 哈哈!!

    ReplyDelete
  7. 陶陶26 June 2008 at 10:25

    Vicky: ~你真係好鍾意一見d香蕉熟就去整香蕉cake呢!你今次仲一整整3個, 其實你地食唔食得晒架?我家陣減緊肥,進行緊第四日,見到呢個蛋糕, 真係搞到我流口水! ~我因為要食個減肥餐,而餐中又有沙律喎,但你提醒左我,芒果大蝦沙 律真係一個好好既提意!事關我尋日就整左個大蝦Green salad,但我諗, 如果好似你咁加d芒果應該會好味好多!而且加陣芒果當造,實在係最 佳之選,但你地唔好食咁多啦,好濕熱呢! ~你講得岩,KFC真係又出wrap,但我諗係你o個邊先係咁,因為我呢邊好 似好少呢dwrap,可能我無咩留意,但我知香港既麥記就有囉!但都只係食 過一次咁大把!
    [版主回覆06/27/2008 15:58:00]陶陶夫人:  ~ 我有成五隻熟香蕉....唔通兩日內食晒咩!!! 我令願攞黎整蛋糕當早餐, 或者lunch 食!! 我帶lunch 架!! 我會帶香蕉蛋糕當lunch 架!! 而且 整完啲蛋糕入得雪櫃一, 兩日...所以, 做咗三條都食得晒!!!而且, Brian 又成日提住starbucks 啲朱古力香蕉蛋糕好食, 我自己咪試下整囉!! 其實, 我依個蛋糕唔係太合乎我心意, ....鬆軟程度達唔到我要求.....所以, 你唔洗流太多喉水...因為依個朱古力香蕉蛋糕得個樣咋!!!! 哈哈!
     ~ 你真係比早兩年肥咗咩??? 其實, 你係咪某部分地方肥咗咋!!! 講真, 我望你啲相都唔太肥...但減下都好, 調理下身體...對健康都會好啲! 調理好咗, 你遲啲可以食返豆類食品,連豆沙餅都食得!!!!! 我至怕有啲人因為磅數到達咗三位數字, 所以, 覺唔惦要減肥.....跟本減唔係為健康....而係為數字! 依啲我一啲都唔會支持! 係啲當造水果入沙律,...真係refreshing 啲!!! 一邊食沙律食埋生果, 一舉兩得喇!!!  不過, 學你話齋, 芒果比較潮熱, 所以, 我依個沙律加埋雪梨入去架!!!!  我相信可以抵消少少潮熱掛!!!!  你而家on diet..你都試下依個沙律喇!!!! 而且, 依家天氣好悶熱....食凍野, 會容易啲入口!
       ~ 我依邊啲人好像喜歡食wrap...好多連鎖快餐店都相繼出咗wrap 依個食品,, 自不然kfc 都出埋一份喇!!! 味道都ok.....我自己其實都學人整過wrap, 但啲汁料..好似無出面個啲咁好食!! 想食wrap...都係要出街比啲錢人earn 喇!! 哈哈!!
       ~ 我太耐無返香港喇!!!!都唔知香港kfc 個menu係點喇!! 不過, 啲連鎖快餐店, 去唔同地方開業都會整當地人食物嘅產品...黎型合當地人口味......好似香港kfc 有飯....但如果加拿大kfc 出飯...可能會嚇親啲外國人呀!! 哈哈!!

    ReplyDelete
  8. Chris Cheung28 June 2008 at 16:16

    香蕉我就鐘意食未熟未起班點啦。個蛋糕我真係見到好多料喎！嘻嘻，Brian真係好鍚你呀，見你話想食，唔經開都會買啦！
    [版主回覆06/30/2008 14:24:00]pal:   ~ 我喜歡食班點香蕉架!! 但有時未等到班點出, 我同Brian 已經食晒啲香蕉喇!! 係今次買多咗香蕉, 所以, 就剩咗好多班點香蕉....可以有機會有整蛋糕...哈哈!!   ~ 哈哈!! Brian 知我胃食嗎!! 咪買chicken wrap 比我試囉!!! 哈哈!!!

    ReplyDelete

Subscribe to: Post Comments (Atom)