June 7(Saturday)
今日, 係Brian 舊同學, 阿 F 結婚的大好日子!!! 首先, 祝福一對新人百年好合,永結同心!! 依一日, 我同Brian 好早就起身喇!! 一來我哋大家要妝扮下之外, 二來Brian 有個重任, 就係要負責接新朗哥去新娘屋企!!!! Brian 係當日做新朗哥的司機!!! 由接新娘, 玩新娘, 倒茶儀式,去教堂, 新娘換衫, 化妝, Set 頭, 再換其他服裝, 去晚宴, 全部過程, 我都有份參與, 也鄧一對新人興份!!! 我由細到大都較少參加婚禮, 今次全個過程都比我看到晒, 真係令我大開眼界!! 雖然, 全日都好趕, 咩活動都要睇住啲時間!! 但忙得好開心!!
原來唔講唔知, 我同新娘哥F 已經識咗八年喇!! 睇住朋友F 由讀書, 揾工, 拍拖 , 到依家結婚, 成家立室, 都替他高興呢!!
其實, 依對新人, 已經係香港擺過喜宴, 今次係加拿大擺, 都係請啲朋友. Brian 和我都被邀請, 我哋都感覺榮幸!! 成個結婚大日子, 我和Brian 玩到晚上一點, 二點先開始回家, Brian 係渣車返屋企途中,都話依個Wedding party 搞得好好, 個wedding party 仲有好多感動位, 依個婚禮真係令我好難忘!!
我同Brian 返到屋企都好攰喇!!! 梳洗下之後, 都瞓喇! 由於新朗哥F係同Brian, 係好朋友, 所以, 我先玩到如此夜, 如果唔係, 我都未必會玩到如此夜喇!! 哈哈!!
↓新朗哥屋企, 貼晒啲結婚祝福暉春! 我同Brian 係第一個客人到新朗哥屋企, 我哋還比新朗哥早起身添!! 當日 Brian 係當司機!!! 出發去接新娘喇!!
↓到咗新娘屋企, 啲兄弟 and 新朗哥緊係無咁易入到新娘屋企喇!! 要比啲姐妹玩一輪先喇!! 玩完入屋, 成間屋全部人都除鞋入屋, 啲鞋多到門口都無地方擺..哈哈!! 之後, 係屋企倒茶比新娘parents and 長輩 飲, 我哋啲姐妹, 兄弟, 有壽司and 麵包食!! 倒茶時啲aunt and uncle 係咁講年生貴子, 好好笑!! 哈哈!!
↓倒完茶嘅儀式, 就去教堂喇!! 由新娘daddy 帶住新娘入教堂, (新娘daddy 專登係香港飛返黎加拿大架!!) F 伉麗成為一對係神見証嘅夫妻喇!!Brian 話最喜歡教堂依一part喎, 哈哈!!
↓晚宴場地, 我同Brian 早少少去, 搬下啲花去晚宴場地, 仲睇住時間新娘and 新朗係場地同攝影師, 影住相先!! (襯未有客人黎, 新朗 and 新娘就影住啲環境先) ! 仲有提早少少去晚宴場地比新朗F, 練習唱歌, 因為新朗哥自己作咗首歌比新娘, 首唱都幾好聽! 新朗練唱歌途中新娘係換緊衫架!! 等緊晚宴時, 仲有啲小食, 迎接嘉賓
↓晚宴開始喇!! 係西式架!! 我無蝶蝶都影相, 因為有啲唔好意思!!哈哈!! 最尾仲有跳池大家跳舞狂歡
*依個世界真係細, 我係依個結婚夜宴, 遇見到我大學時的同班同學and 中學師姐,哈哈!
*但我見到人哋結婚, 我真係無結婚沖動, 我仲同Brian 講, 我唔想大搞婚禮呀!! 哈哈!
咁高興玩夜d都唔緊要喇~~~祝F伉儷白頭到老,永結同心~~~
ReplyDelete[版主回覆06/12/2008 14:56:00]V&M: ~ 其實, 晚宴場地都離我自己屋企都有成個幾鐘!! 所以, 玩完都好夜先返到屋企!! ~ 我代F伉儷多謝你嘅祝福!!
祝 Vicky 嘅 舊同學仔 F 百年好合,永結同心
ReplyDelete[版主回覆06/12/2008 14:58:00]豬神村村長: 多謝你對我舊同學F 的祝福!! and 我好喜歡你依個kitty icons. 岩晒我依個kitty fans!!
祝F伉儷新婚快樂...永結同心
ReplyDelete[版主回覆06/12/2008 15:03:00]心樂: 多謝你對F伉儷的祝福!!
你都好詳盡喎~~~不過估唔到你玩完一日都係唔想搞大.........哈哈～~~反而我會想自己個婚禮熱熱鬧鬧...........或者我鍾意我成為主角嗰個心態.......哈哈~~~~鍾意人哋戥我哋高興個樣真係畢生難忘架~~~~~~
ReplyDelete我諗會好TOUCHING既唧~~~~好可惜香港唔係咁易行教堂，而且又要加錢，唔抵.....哈哈~~~
世界一向都好小, 無諗過之下居然遇到舊同學....大家一定又會雞啄唔斷喇~~~~哈哈~~~
[版主回覆06/12/2008 15:31:00]細細粒: ~ 我由細到大都沒有諗過自己婚禮會點!! 我只係諗自己有無機會有男朋友!! 又我可能屋企太多人, 好怕多人嘅感覺, 如果第時我要有小孩, 都係一個就足夠喇!! 而第時我個小孩話唔大搞婚禮, 我都完全無所謂架!! 只要簡單,舒服就得!! 畢生難忘依啲野, 係自己寄定!! 我識到Brian 已經畢生難忘喇!! 哈哈!! 我相信你結婚個日, 一定好開心!! 好享受個中過程!! ~ 係教堂個part, 因為比較正經同莊嚴!!! 起碼啲姐妹, 唔會嘈住話玩兄弟!! 因此, Brian 覺得church 個part 好好, 好touching!! 我反而喜歡晚宴個part, 新娘上台致詞,講點相識新朗 and 點多謝屋企人的培養, 之後, 走去比個big hug 媽咪! 個part 我好感動!! 你擺晚宴時, 會致詞嗎?? ~ 如果你有宗教信仰, 去教堂結婚, 就必需喇!! 就算加錢都要架!! 因為神要做見証嗎!! 依邊行教堂, 好似都幾多野攪架!! 我相信, 度度教堂都有一定規則先申請到行婚禮!! ~ 我都估唔到會係F結婚日見到我自己讀書啲朋友!! 我同F讀唔同中學and 大學, 但竟然識返同一班人真"橋"!! 我都係傾咗幾句咋!! 因為我同Brian 係個日都好多野攪,又渣車接啲賓客, 因此, 同啲舊同學少傾計!! 而且, 啲舊同學係我師姐黎架!! 有啲gap哈哈!
祝你朋友新婚快樂!~...
ReplyDelete[版主回覆06/12/2008 15:33:00]小威威: 多謝你的祝福!!
點解你唔想結婚呀？
ReplyDelete[版主回覆06/13/2008 03:57:00]睛天娃娃: 我想結婚, 但唔想有婚禮!! 因為實在太煩喇! 太多"濕星" 野要搞, 我同Brian 都比較喜歡簡單, 舒服!!
其實結婚只係一個名份, 你地一齊開心地生活, 我都覺得同結婚冇乜分別啦, 是咪???
ReplyDelete[版主回覆06/13/2008 03:59:00]挑皮太太@美國: 你講得好岩!! 真係幾時都係個句, 開心地一齊生活!! 但已經夠晒喇!!
Vicky: ~真係登你個朋友高興,我覺得搞婚禮係煩,但當你睇到當日 既成果時,你會呢一世都記得你有個難忘婚禮!所以,有時d野 就兩睇囉! ~搞西式都好既,因為如果係香港已擺過中式,西式就可以就番 呢邊既朋友仔啦~睇人結婚成日都會好感動架!原來新朗哥作 左首歌俾新娘子,咁佢有無開心到喊呢?
ReplyDelete[版主回覆06/13/2008 04:41:00]陶陶夫人: ~ 講真, 我初頭以為自己去完朋友婚禮, 自己對擺酒會有改觀!! 但完全唔係囉! 我仲怕有婚禮!! 想旅行結婚算喇!! 但學你話齋, 好多野都係兩睇!! 到時我真係結婚, 父母要我哋大搞婚禮!! 我都會抱住依個"兩睇" 心態去進行!! ~ 新娘係致詞時, 都有講新朗作咗首歌比佢, 仲講到好感動添!! 今次依個婚禮同香港果個差唔多!! 所以, 今次新娘無喊到!! 但見到新娘就好開心囉!!
新朗哥自己作咗首歌比新娘, 真係有心思呀!!
ReplyDelete真係好開心既WEDDING PARTY 呀!!
祝你朋友 F , 白頭到老, 永結同心!!
[版主回覆06/13/2008 04:48:00]Bの家: ~ 新朗哥自己不流都喜歡唱歌, 所以, 新朗哥咪作首歌送比太太囉!! 都幾sweet!! 哈哈! 而且, 我感覺到新娘都幾touching 添!! ~ 我極少去wedding party 架!! 今次,依個wedding party 都可以算係我第一次參與自己朋友的婚禮!! ~ 多謝你祝賀, 我朋友F呀!! 我果日也祝他們白頭到老, 永結同心!! 哈哈!
我都好鐘意去人地婚禮，感覺好sweet好touching架！能夠相遇相識到相愛，到最後成為夫妻真係一個好大的福份！ 西式婚禮都幾好，中正真係幾煩架！
ReplyDelete[版主回覆06/13/2008 15:42:00]pal: ~ 其實, 我都好喜歡去朋友結禮,感受到朋友最重要嘅人生階段, 真係好感動!! 也登朋友而高興!! ~ 我朋友搞西式or中式,我都無所謂, 因為我兩樣都喜歡食, 哈哈!!總之, 朋友揾到另一半, 我就好開心喇!
到你結婚 啲長輩都會同你講果話說話呢 嘻~~
ReplyDelete[版主回覆06/13/2008 15:49:00]畫: 哈哈! 我有時真係想同男朋友秘密結婚就算!! 我好怕搞婚宴架!! 不過, 都無可能秘密結到婚喇!! 我諗我結婚時啲長輩都會講"年生貴子" 個啲說話!! 哈哈!! 因為我阿媽成日話我而家應該好生小朋友嘅年齡!!奈可, 我仲未結婚!! 所以, 而家我parents 都吹緊我! 哈哈!!