June 23 (Monday)
我有個習慣, 就係抄食譜, 係用一本簿, 用手抄
!! 雖然, 好老套, Brian 仲成日叫我用printer
去print 出黎咪得, 咁抄法唔攰架!! 但我覺抄食譜先有親切感!! 而且,係啲blog 友個度抄食譜, 唔明可以即刻問!!幾好呀!! 哈哈!!
我見到屋企實在太多芒果喇!! 點清好呢?? 芒果唔似得蘋果
可以周圍帶住出街食, 所以, 我就攞我自己手抄個啲食譜
出黎, 左揭下右揭下!!! 我見到有個芒果芝士蛋糕食譜!!可以清到好多芒果架!!! 好喇!! 就整依個喇!!!
其實, 我好驚唔成功架!! 因為依個芒果芝士蛋糕係用魚膠粉方法, 完全唔洗入焗爐架!! 但我最怕就係用魚膠粉, 因為, 我次次用魚膠粉整cheese cake 會係唔成功收場, 好彩, 得啲blog 友 指點下魚膠粉運用方法!! 今次, 個芒果芝士蛋糕
先順利誕生!! 唔洗晒咗啲芒果and cream cheese 喇! 哈哈!!
我整完芒果蛋糕, 見啲芒果仲清唔晒!! 就整咗個芒果蝦沙律出黎......但整整下覺食太多芒果, 會好濕熱, 就切埋雪櫃啲雪梨, 整咗個芒果雪梨蝦沙律
囉!! 我哋dinner 就係食依個沙律再塊烤麵包....甜品有芒果芝士蛋糕.....攪掂晒!! 雪櫃再無芒果喇!! 芒果清喇!!
芒果芝士蛋糕...芒果仲多過cream cheese ...哈哈!! Brian 話依個蛋糕夏天食, 好岩, 佢話好refreshing !!
芒果雪梨蝦沙律.....其實, 依個沙律材料唔止有芒果, 雪梨and 蝦, 啲材料跟本就包羅萬有, 見雪櫃有啲咩 leftover 都切入去撈, 見雪櫃有青提就切啲入去, 見有個細薯仔就蒸熟切粒, 又有啲青豆, 玉米....原來沙律仲可以順便幫我清雪櫃!
***依篇blog 要多謝blog 友----畫 and 通少!! 畫, 係提供芒果芝士蛋糕食譜!!! 通少係教我運用魚膠粉方法!! Thank you 兩位!
111111
ReplyDelete[版主回覆07/01/2008 16:09:00]睛天娃娃: 好野!! 你第一呀!!見到隻kitty icon 嗎!! 係獎比你架!
你個cake甘多芒果實好正唶~ 我係芒果怪黎架~ 哈哈
ReplyDelete[版主回覆07/01/2008 16:33:00]睛天娃娃: ~ 我對芒果ok 喇!! 係夏天食芒果就最好架喇!! 又甜又多汁!! 哈哈!! 我媽咪一次過留低好多芒果比我嗎!! 啲芒果都唔放得好耐, 所以, 要諗方法食咗佢....本來個食譜唔洗落太多芒果, 但我為咗清一清芒果, 我特登加多啲芒果係個蛋糕裡面!! ~ 你係芒果怪, 但快啲而家去買芒果喇!! 而家芒果當造呀!!!
哈~~~我都啱啱寫左篇blog關於點處置我嗰箱芒果﹐不過未出﹐嘻!! 我以前都有整下cheesecake﹐但creamcheese好耐都無做特價(要成$3.X一盒)﹐我通常係3for$5先買﹐所以今次無得整mango cheesecake﹐我諗一定係好好味唧!!
ReplyDelete[版主回覆07/01/2008 16:45:00]Bobo de Licious: ~ 依輪真係有好多人買芒果....哈哈!! 不過, 而家芒果當造, 又多汁又甜...真係好吸引!! ~ 邊樹有cream cheese 3 for $5呀?? 係咪Philadelphia 架???我平時啲cream cheese 都係超市買!! 最平$2.99....曾經係No frills 買過$1.97...而家咩都加價!! 如果有特價就入定貨先得!! Hey, 有特價就互相通知下呀!!! ~ 你買咗成箱芒果呀!! 但唔整蛋糕...你啲芒果點處至?? 我遲啲去你個blog睇一睇,你點清理啲芒果!! 而我係第一次做唔洗用焗爐焗嘅cheesecake 架!! 都好彩, 算係成功!! 哈哈!! 但今次依個cake 太多芒果肉喇!! 食唔到cream cheese 味!! 哈哈!!
嘩.........有咁多芒果,可以整到兩樣野食~~~芒果布丁久唔久都會整下既,芒果芝士蛋糕就未試過喇~~~
ReplyDelete[版主回覆07/03/2008 14:59:00]V&M: 媽咪比得太多芒果我喇!! 齋食芒果都會厭, 所以, 就左摷右摷啲食譜黎清啲芒果...乘機學多樣野食, 哈哈!!
個cake咁多芒果好正lor~hahaaaa))) 我平時都係見有咩殘餘物資就用lai整沙律ka~
ReplyDelete[版主回覆07/03/2008 15:32:00]天使BB: ~ 啲芒果係媽咪比我....我唔想晒咗佢, 所以, 做一個有份量嘅蛋糕黎清芒果囉!!! ~ 我平時都好少食沙律, 係依排無咩胃口, 想食哋清涼野, 所以, 就整咗個沙律出黎!!! 但整完沙律發覺, 沙律可以清下雪櫃殘餘物資.....我第時都整多啲先得!!! 哈哈!
Vicky: ~你呢個mango cake都真係好方們喎,又唔使焗,我次次見我老公 整cheese cake又要焗又要雪,我真係覺得好麻煩,不過對佢黎講係 幾趣黎既,我諗你都係一樣! ~呢排芒果當造,當然就係乜都用佢黎做食物架啦,其實你下次可以 試下買雞胸,然後切粒就下用mango去整一味芒果雞丁丫,伴飯好正架, 酸酸甜甜咁!
ReplyDelete[版主回覆07/03/2008 15:49:00]陶陶夫人: ~ 我第一次整啲唔洗焗嘅芝士蛋糕咋!! 我平時啲芝士蛋糕, 都係以焗為主!!! 但我喜歡焗嘅cheese cake 多啲, 因為等雪硬都要一日時間架!!! 有時焗完....灘凍, 再雪, 半日都已經攪好...而且, 焗嘅cheese cake 比較容易掌握到!!!! ~ 不過,好少男士喜歡做蛋糕甜品架!!! Brian 對蛋糕工具...唔係好識, 有時我話要買蛋糕工具, Brian 都會問我有咩用途架!!! 我解釋完都唔知Brian 係咪真係明!!! 哈哈!!!我初頭整蛋糕都係過手癮 and 口癮....但做做下就喜歡咗, 研究多咗!! 但而家仲不段學習緊, 希望會更加有改善!!! ~ 首先, 好多謝你個mango炒雞丁果個idea 先!! 芒果炒餸, 我係街外食店食過, 真係好開胃! 但我做完依個芒果蛋糕 and 沙律, 啲芒果已經比我清晒喇!!! 我站時唔會買芒果住架喇!! 因為真係食得多咗喇!! 哈哈!! ~你都買返啲芒果...整下小食 or 攞黎炒野食丫!!
I used to buy Philadelphia cream cheese @Price Chopper, but they now no longer sell it @$5(3boxes). Once in a very while, Walmart puts it on sale for under $2 per box. But I rarely see any sale these days, like you said, everything is getting more and more expensive. If I find any good deal, for sure I'll let you know at once!
ReplyDelete[版主回覆07/03/2008 15:58:00]Bobo De licious: Price chopper 有減到$5 (3 piece) cream cheese呀!! 真係好超值價呀!!!! 我會留意多啲Price chooper 啲flyer...睇下會唔會減返依個價先!!! 我見到有平都會同你一樣, 互相通知消息!!哈哈!! 我驚我哋遲啲會變咗格價專家! 哈哈!!
個食譜唔錯嘛??~~~
ReplyDelete你件芒果芝士餅好多料啊~~~
我都好想食番碗涼陣陣既沙律既... hk 啲天氣好熱啊~~~~~~~~~~~~~
[版主回覆07/04/2008 04:09:00]畫: ~ 個食譜跟足你, 緊係唔錯喇!! 但我無跟足你整鏡面.....因為我懶嗎!! 哈哈!! 而且,我將啲芒果份量加多啲, 原因就係我想盡快速清晒雪櫃啲芒果囉!!! hehe!!個芒果cake, 都幾yummy!! 但就唔好食太多喇!!!因為我覺食芝士蛋糕啲材料都幾肥架!!! 哈哈!! 間唔中食下就好!! 哈哈! ~ 我依邊都熱熱低都係食沙律舒服啲....依排啲天氣有啲奇怪....每日都要落場雨先得.....好少全日天睛....最好笑...就係一lunch 就落雨架喇!!!