我的小玩意

      我同Brian今日約埋一齊去Canadian Tire (家庭用品店)買整蛋糕用品, 好好開心! 因為我真係買咗好多野! 買到張$25 禮卷都唔夠用, 要Brian保錢, 買完野,仲同Brian去咗咖啡店
坐下, 我就無飲咖啡, 飲咗碗湯 , 因為入夜之後,天氣開始涼


, 飲碗湯會暖d!! 之後,我就返自己屋企, 玩我d新玩具喇! 換完衫, 即刻入廚房整cookies
, 因為我買咗個支cookies 槍, 可以 "唧" 唔同形類嘅cookies 架! 好好玩架, 連Brian都話要玩埋一份! 哈哈! 由於一返到屋企就即刻整cookies, 所以, 好晚先食飯 , 其實, 我食飯果個時段同食宵夜真係無分別, 因為食完飯隔咗一陣就入房瞓喇

! 哈哈!


我的小玩意!! 有唧cookies 槍, 鬆餅pan, 兩個cookies cutter, 一set 放得係焗爐嘅玻璃杯,& 一個好cute 嘅掃





玩緊唧cookies ....好好玩呀!





我整咗好多唔同形狀嘅cookies 呀!
其實,仲有好多唔同形狀可以玩, 但都無晒cookies 麵糰喇! 下次先再玩過



Posted by at

9 comments:

  1. Nancy29 September 2007 at 07:33

    曲奇槍容唔容易唧呀~~ 我都有set 呀 但... 擺左入冷宫 用都未用過呀!! 真係咁好玩.... 得閒要拎出嚟玩吓先 ~~

    ReplyDelete
  2. Mui29 September 2007 at 08:29

    搞到我又想買添 不過你整得真係好靚

    ReplyDelete
  3. melmel29 September 2007 at 19:47

    花花果個好靚呀!

    ReplyDelete
  4. Flying Cupcake29 September 2007 at 20:17

    Your cookie press seems so easy to use!!! Mine....I'm  still trying to "get use" to it nei!!!!

    ReplyDelete
  5. Queenie30 September 2007 at 06:19

    Vicy: 支槍好方便呀，唧得好靚呀．．．你買幾錢呀？我都要係香港買返支先得．．．．你支掃都好得意呀，我好鍾意呀，不過我都有支Kitty喇！．．．你呢排冇咁忙喇，可以整嘢食喇！！

    ReplyDelete
  6. Vicky1 October 2007 at 13:09

    Reply all messages: 炭炭媽: 曲奇槍好好玩架! 因為我第一次用, 有d 唔慣, 但唧下唧下又ok渦! 而且我依支cookie press都幾容易唧! 你仲咩無端端攞咗支曲奇槍入冷官呀! 好滲呀!!!攞返出黎玩! 有時整cookies 除咗用cookies 模之外, 用曲奇槍都幾特別架! 哈哈! Mui: 我依支cookie press 係Canadian Tire 買, 你果邊都有Canadian Tire架! 你就去買返支同你侄女玩, 佢地一定好開心架! 我男朋友平時都唔整甜點, 但見我買咗依支槍, 都話要整cookies, 好好笑架! 我今年聖誕可以送cookies比人喇! 高貓貓: 我都仲意花花個隻款,依支cookie press 有12 個pattern 玩架!!我玩得幾隻咋! Flying Cupcake: 你用多d你個支cookie press用用下就會慣架喇! 我本來想買你個支cookie press 架! 但我好唔捨得買你果支, 我見我依支平平地,咪買黎玩下, 可能啱啱買,初頭都要睇說明書點用, 但說明書都係得幾句教人點唧! 我咪自己左禁右禁囉! 又比我唧到, 一唧開就好開心, 唔想等, 你可以去canadian Tire 買支玩下!  爆炸魔女: ~ 支cookie press真係好好玩, 唧出黎d圖案都幾好! 又有12 個pattern 選擇! 連我男朋友平時唔整甜點,都話要整cookies, 因為他都被曲奇槍吸引住! 哈哈!  依支槍唔係好貴, 連埋稅都係$17 cdn,(大約$120 hkd) 如果你係香港揾唔到cookie press,我寄支比你喇! 好方便架咋! ~ 支掃, 我都覺得意,所以咪買埋囉! 我都唔知hello kitty都有出掃! hello kitty真係咩都有! 哈哈! 依支掃除咗掃d油係cookies 盆上, 我仲會攞黎掃d調味汁係隻雞上面, 因為黎緊依個周末係thanksgiving holiday (感恩節),家家戶戶都會焗turkey應節, 我每年都會焗返一隻turkey應節架! 我依支掃可以大派用場喇!

    ReplyDelete
  7. Queenie1 October 2007 at 21:47

    Vicky: 多謝你肯幫我呀，但係我相信o係HK都好容易買到架，其實之前都有見過吓，但又唔知好唔好用，所以唔敢買，而家見到你唧得咁開心，我都想試吓呀！！ 外國人真都好重視感恩節，以前讀中學時，有一個澳洲籍嘅英文補習老師邀請我地去佢屋企過感恩節同聖誕節．．．一樣都有火雞食，好有氣氛，好warm架．．．不過呢位恩師後來返澳洲後，就患上cancer去世了！  

    ReplyDelete
  8. Vicky2 October 2007 at 23:40

    爆炸魔女: ~你有需要就留message比我, 我可以寄支cookie press 比你架! ~我係香港讀書都未試過有外籍老師教, 你個澳洲老師都幾錫你,請學生去她家食火雞! 外國人好重視thanksgiving holiday, 我覺得有d似中國人嘅團年飯一樣, 因為都係一家人坐埋一齊食飯!  

    ReplyDelete
  9. Queenie5 October 2007 at 02:28

    Vicky: 真係好多謝你，如果我買唔啱實搵你幫手架！ 我而家都會係香港物色曲奇槍架，你放心啦，香港其實有架，不過我會慢慢睇啱先買，因為都唔平架，唔想買錯．．．． 其實o個個Miss係我自己去o係出面嘅中心學英文時識架，因為係志願團體，佢地收得好平．．．後來個course完咗，佢就問我地邊個仲有興趣繼續跟佢學英文，之後只係淨返４個學生跟佢學．．．．後來係去佢屋企學，仲要收返平時個價錢，佢真係出自真心，唔係想賺錢架．．．．不過後來佢老公要返番澳洲工作，所以全家人都要走喇．．．．而我後來大個咗掛住拍拖，冇以前咁好學喇！

    ReplyDelete

Subscribe to: Post Comments (Atom)