我今朝起身見到我自己個星星cookies cutter 原來有達"織", 浸咗水成晚都唔甩, 咪中午時份去換囉! 好順利換咗個新, 之後,就順便入去Canadian Tire (家庭用品店)行下,又比我見到有野特價, 我琴日買咗個 w 牌子12 個裝muffin pan, 今日有另外一隻牌子 muffin pan 特價, 仲比我琴日買果個平, 心諗真係唔扺, 隔一日就有另外一個muffin pan 平咗! 我咪想去refund, 再買過平果個, 咁啱Brian 係依個時候call 我, 我將事情話比佢知,
我:Brian 呀!!!今日有12 裝muffin pan減價, 平過我琴日買果個呀! 我想refund琴日果個,買今日特價果個.
Brian: 咁今日同琴日你買果個有咩分別?
我: 我果個muffin pan 有手柄,但今日on special個果係無手柄囉! 但一樣12 個裝muffin pan 囉!
Brian: muffin pan 可以用好耐, 什至一世, 咪買過牌子響d果個囉! 即琴日果個! 而且有手柄會方便d, 唔好至在三,四紋令自己煩
我: 但三,四紋,可以買多一個微型muffin pan 喇!
Brian:你咪買多個微型 muffin pan 囉!而且你係用禮卷換. 唔緊要喇!
我:我想返媽咪屋企做咗實驗先再考慮! 因為媽咪個muffin pan 係無手柄! 如果實驗結果係要換就要陪我去換!
Brian: okok!
之後, 我地就講咗其他野! 但我個腦仍諗緊自己有無做錯決定??!! 有無買錯muffin pan 呢? 唔理喇! 返到媽咪屋企做咗實驗先算!!!
無幾耐收到msn message, 係四妹塭我,問我依個星期要買咩禮物送比daddy! 因為daddy星期二生日,但星期二係人都要返工返學,邊有時間同他慶祝(有d妹都唔係屋企住, 住係學校架!) . 所以,多數係生日前果個weekend 慶祝, 我知四妹塭我就問我有咩生日禮物idea, 之後,四妹就會話大家share 個price 喇!Vicky 你去買禮物吖! 年年都係咁! 我以前未返工,就話share無所謂, 但返咗工,仲同d妹share錢買生日禮物, 就會有個感覺...好似唔係咁好意思! 我知我daddy係有d微言, 又話我咁大個人仲塭d妹share. 但其實我比最大份, 但daddy講到我好似揾阿妹苯, 我好想自己送架! 但d阿妹(三妹,四妹 and 五妹---依d妹仍係求學)又想付出d心意! 所以,先話share。 但我見今年二妹(有工作)唔share﹐我咪諗住自己買囉! 自己送,唔share,點知三妹,四妹 and 五妹話我破壞了她們的計畫, 要她們臨急臨忙塭禮物. 對我好angry!! 我真係左右做人難, 想daddy對我改觀, 定係令到d妹唔方便?? 真係攞命! 我諗我都要諗個兩全其美的方法!
其實,我感覺我自從自己出黎做野,我屋企唔係將個心放係我學業上, 係放係我每年送給他們的禮物上,我唔係講到我屋企人好現實. 但我有眼見, 我返咗工之後, 每次送禮物比父母, 他們開禮物時,他們的樣子期待過我讀書個陣時, 當開完禮物, 我就知我父母係仲意定唔仲意! 因為好容易看到! 我其實好想送手機,但加拿大賣過D係加拿大板本, 你地係香港點用渦! 係加拿大買香港OR 外國板本手機真係好貴唔值, 而且加拿大手機D款比香港慢. 但明知DADDY喜歡換手機,依份禮物一定送唔到! 我又想送電器比DADDY﹐但依便D WATT 數同香港唔一樣, 係依邊加拿大買電器, 係香港一定用唔到, 我Daddy一年係香港時間多過加拿大, 就算買一樣daddy心愛電器, 都只係可以係加拿大用, 我知DADDY成日話邊個AUNT, UNCLE個仔陪他們去日本旅行...Daddy我都想陪你, 但Daddy你喜歡去東南亞地方, 我係北美州真係要請好多假先陪到你!
我知我屋企人好錫我, 但他們對我的期望,變成我的壓力, 我每到買禮物時段,成個人就心神訪佛, 唔知自己做咩! 明明想去雪櫃攞野飲,但行咗去洗手間, 唔知自己想點! 我daddy都有叫我回港, 咁好多問題就會決定, 仲出到聲叫Brian回港, 我就真係好想走,因我唔仲意依道架! 但Brian事業心重, 已經係加拿大建立地機, 開始穩步上升, 我點好意思叫Brian放棄,去第二道再塭地, 再起地機呀?
‘ 我今日好想"辛" 下﹐悶親大家唔好意思!
我好樂意做你既聆聽者
ReplyDelete唔悶~~ 我都好樂意做你既聆聽者
ReplyDelete講左出黎舒服D嗎？知你係孝順女，想"tum"父母開心，買禮物時好大壓力，但我諗父母唔會計較禮物既價錢，最緊要係份心意。番唔番香港，係你自己既決定，你爸爸想你番，而你就要睇下邊樣野對你緊要D，你自己既前途，定係你既幸福。如果你男朋友唔會番的話，long distance relationship都好challenging架。
ReplyDelete有 D 野係綱上面講咗會舒服D ,因為好多人會比到意見,又好樂意聽你"伸",我都係其中之一.講番正題,我覺得你唔需要介意你父母收到禮物時的反應,盡咗自己心意便可,再唔係,你可以考慮送$xxx gift card 或者係大公司(Walmart , The Bay,Costco ,Ikea...你父母平時行開果D Shop ) 買樣野,送咗之後可以話比佢聽:唔鐘意可以Refund/Exchage 換個過. 返H.K 係好大的計劃,基本上返咗去回流嘅人都冇計劃返番 Canada (子女教育,退休例外).有冇好好坐低同Daddy 相量吓?!
ReplyDelete唔好諗咁多la!!!其實有時諗得太多會令自己唔開心。
ReplyDeleteVicky: 你唔好為咁小事而唔開心啦！ 你可以照樣同妹妹share買禮物，然後自已再買一份送俾daddy，可以買衫褲鞋襪，銀包之類．．．咁呼兩全其美囉！ 其實過多幾年你d妹妹都會陸續出來工作，好快就會自己買禮物架喇，再遷就吓啦．．．掉轉頭諗，佢地平時都買嘢俾你，都好有你心，都好錫你．．．．有時真係要大家遷就吓架，一家人嘛！！
ReplyDelete或者試吓坦白同佢哋講
ReplyDeleteReply all messages: 首先多謝大家做我聆聽者,我一時唔知自己想點,又唔想自己剩係識得係沙發喊, 又唔想屈住屈住,咪寫blog抒發自己內心感受囉! (因為我寫完內心真係舒服咗d.) 我好感動,因為我有好多聆聽者, 好多謝每一個留言的blog友, 你地大家好關心我! 我個心好像飲了一碗熱湯咁溫暖呀! 心樂: Thanks, 多謝你做我聆聽者, 我只係想"紳" 下! 可以話係發嗡風,你都很看我嘅網誌, 多謝晒! 炭炭媽: 我自己突然間唔知自己想點咪寫blog..好多謝你唔溓我悶, 做我好好嘅聆聽者,有人聽下我講野, 個心真係舒服d架! thx! Mui: ~ 我寫完依編網誌之後, 將自己內心d野講咗出黎真係舒服咗d, 多謝你咁細心看我的網誌! ~ 我後尾都有諗, 禮物都係一種心意, 就算件禮物好唔好, 合唔合適, 我都已經盡咗心意, 我諗我daddy會理解! 都會照收! 收咗當仲意架喇!哈 ~ 有時我覺好無奈, 送我到加拿大的人,係我父母, 而家想我離開加拿大的人,都係我父母, 我自己曾為依個問題(返唔返香港!)已經諗咗好多個晚上,與家人and 男朋友相量咗好幾次, 但每一邊人都抱住自己唔同嘅想法, 我從中選擇一邊真係幾難! 而事業(前途)對我黎講係邊道做都係一樣, 但講到長留係加拿大定係香港,我自己會選擇香港,但男朋友唔仲意長留香港, 我都無計! 講真吖!返香港定居對我黎講好似再移民咁! 依個係一個好長遠計畫, 又要顧住身邊嘅人前途係點! 好難決定...但有時間我自己就會想清楚! 高貓貓: ~ 講咗出黎真係舒服d, 好多謝你比咁多意見比我, 我寫完依編網誌,個人都無咁亂喇! 而且我寫完依編網誌有d反思, 我都覺得禮物係心意, daddy收咗我份禮物,收咗就當仲意架喇! 因為我已經盡咗力買佢仲意or 有用嘅野! 我諗daddy會明架喇! ~ 我父母好hong kong-ese架. 感覺成日攞野去refund 有唔好意思嘅感覺. 會煩到公司運作, 所以, 我父母好少refund. 除非件貨品一買返屋企就有問題, or missing 咗一part. 先至去exchange. 哈哈! ~ 送gift card 都係一個好方法, 但我諗我連gift card 都費事買, 因一張卡, 他們放放下就唔知放係邊, 不如學d長輩包封利事仲好, 錢邊會咁易唔記得放係邊吖! 哈哈! 我無事架喇! 我已經舒服好多架喇! 多謝你做我聆聽者! ~ 我覺得返香港生活(回流)對我黎講好似再度移民咁, 我唔止要諗身邊果個會點, 對我將來(子女教育),都好緊要,雖然我婚都未結,但依d野都係我考慮之一, 仿且回流定係stay都會影響我一生嘅方向. 我都曾經坐低同daddy and 男朋友講,但每一邊都有唔同意見,每一邊都有佢地道理, 我自己都唔知點...但我有時間就會諗諗諗... 小魔女: 多謝你聽我"紳", 有時有d野唔諗,遲d就可能會更加麻煩,但我都選擇得閒先諗! 哈哈! 爆炸魔女: ~ 我心情已經好返好多喇! 多謝你比我嘅意見,你比我嘅意見又幾好渦! 兩全其美! ~ 我都知自己EQ馬馬! 為d 小事而唔開心! 我寫完依編blog個陣時,個心都已經平靜咗好多,而且自己諗深一層, 我送禮物都係一點心意, 就算件禮物合唔合適,我已經盡咗一點心意, 而且daddy一定收我份禮物, 他收咗就當他接受到我的心意,自己都係唔好諗咁多! ~ 係呀! 我屋企人真係好錫我,我地大家就算唔係生日, 係街見到有野啱大家,就會買返屋企,送黎送去, 依d野係好自然, 有時都唔知點解會咁做! 好似我見到d零食出咗新口味就會好自自然然買比d阿妹試, 而其他妹or daddy or mummy, 出街見到有野啱我, 就會買比我! 依樣野我 and 我屋企d成員會不段做, ...但就係好自然咁做, 無被迫嘅感覺, 我諗就係你話..一家人嗎! Miss Cheese Cake: 多謝晒你比我的意見! 送禮物方面我已經無再諗,因只係心意! 但返香港長住嘅問題, 我屋企人有屋企人嘅意見,男朋友有男朋友嘅想法. 但我地大家都會.......計續相量...再相量!因為依d係長遠方向,點都要諗清諗楚!
ReplyDeleteVicky: 你唔好諗屋企人想你點樣，係要你自己想你自己點樣．．．．暫時唔好一次過用太多問題迫自己做決定．．． 其實你唔好諗回流返香港住，因為唔係一件容易嘅事，畢竟你都o係Canada已經十幾年．．．況且而家嘅香港亦唔同以前喇．．．．最重要你係要同Brian有共識，你一定要先尊重Brian架．．．．． 你慢慢將心事一步步同家人講，要平心靜氣，一定要佢地明白你嘅心事架！！ 唔好再為小事而唔開心喇．．．．你以後有唔開心都同我地講啦，我地一定會聽架！！
ReplyDelete我的說話 和你BLOG回應差唔多... 慢慢來啦!~...
ReplyDeleteReply to: 爆炸魔女: 我send咗個email 比你! 你唔洗回架! Reply to: 小威威: 多謝關心!
ReplyDelete有時一年一次 d 錢係要使架喇, 如果佢真係好想要, 幾貴幾唔低都無計喎 !! 如果你真係好唔鍾意加拿大, 不如開心見誠同 brain 相量吓啦, 或者佢無所謂呢 !!
ReplyDelete