中秋節飯

       係加拿大居住了十年以上,  真係中秋節正日都唔知係幾時架! 都係上星期daddy話我知,我先知道!  由於星期二

係中秋節正日, 星期二邊有假放架?    所以啱啱果個weekend一定會返屋企同媽咪 and 細妹食飯 , 順便慶祝中秋節囉!  而我每次返屋企都係食食食,玩玩玩 and 洗洗洗 (因我見杯 就洗,見衫又攞去洗 or 熨 ,見washroom又抹,這是我的習慣)


                     

   我星期六(Sept 22)一到屋企 就即刻出去飲茶, 我地成家一去飲茶 都一大圍,因為五姐妹 加埋 daddy and 媽咪都七個人, 計埋我地d男朋友就真係要十人檯先夠! 但星期六我男朋友要返工,所以, 無去飲茶! 但仍然要攞九人檯! 我屋企個個都好食得! 所以點心 一到好快食晒! 而且二妹男朋友好唔客氣, d點心一到就夾 , 所以,次次無咩機會影 到茶樓點心相

! 今次兩妹男朋友遲咗少少先到, 我地大家又想等埋二妹男朋友先食! 所以,今次影到部份點心相! (因有d點心, 太吸引,我and 其他屋企人忍唔住食咗d!哈哈). 食完lunch返到屋企, 我洗野

,抹野

嘅習慣又出現! 但我parents 好想打牌

,就比咗二妹, daddy and 媽咪拉咗我去打牌, 點解要拉我去玩!??因為我係麻雀檯有個外號, 叫魚楠琪! 我唔係好識打牌架,  每次打牌都錯留百出! 但我屋企人仍然成日拉我去打牌! 真激氣!但開心,因陪到parents玩囉!   而個結果...我當然係大輸家喇! 但我地係屋企唔打錢 , 只計壽碼! 計下邊個win 得多就係咁! 

                

Lunch茶樓飲茶, 離咗部份點心 , 二妹專登開點心蓋比我影相!

去親飲茶,我Daddy係最尾一定會叫炒飯, or 麵! 依個飯好大碟,成個面盆咁大!所以影低!

             

        晚上就去食中秋節團年飯, 十個人去...Brian放工回合我屋企人, 今餐食上海野! Daddy一早定咗位,但去到仍然要等等等. 瀙等緊位,...我,Brian, 三妹,三妹男朋友,四妹,五妹,就係咁一齊玩nds

. 四妹收到我and Brian送比她的nds (生日禮物)已經即刻係咁玩! 玩到有位坐都唔知! 哈哈!  依間上海食店係新開, d野食 ok喇! 但媽咪話上次同朋友去食仲好食d, 可能今日太多人, 所以,個廚師 趕住煮...因此, d食物味道唔同上一次!  食飯中途聽到餐店出面, "碰" "碰"聲! 原來有煙花放 ....但係我地成家人掛住食 and 傾計都費事走出去望煙花!  到臨食完dinner, 我地係依間上海餐店見到何守信, and 唱 "問我" 個位女士 (好似叫xx斯,唔記得喇!)一齊係上海鋪食野! 唱"問我"女士嘅側邊坐咗位年青人(十七,八歲到)! 樣子有d似"問我"女士架!  講返何守信原來,真人都幾老! 上鏡 化咗妝,真係後生d! 

             

Dinner 食上海野慶祝中秋節!  依道係部份餸, 有d餸仲未到,..記得就即影, 唔係一陣間就夾晒架喇! 哈哈!

              
        食完dinner回家, 食傳統月餅

, and 冰皮月餅 ! 應下節, 食完就玩wii, 我地叫媽咪玩, 她話今日唔玩喇! 平時媽咪會玩wii

裡面嘅bowling

and tennis game ! 今日可能等位企得耐, 又食到好夜, 所以媽咪只睇我地玩, 我daddy就唔玩wii, 但就成日叫我地早d瞓, 但之後又加句: "玩wii 唔好叫得咁大聲渦!"  哈哈! 即刻比唔比我地玩呀??哈哈!  而我又發揮抹野本領,當未到我玩,就係咁洗杯,洗碟,接衫! 五妹就冷勤力,當等緊玩wii 就攞部電腦 出黎做功課 ! 但有時五妹, 又會指手畫腳,又話我地玩wii 玩得馬馬地! 應該點點點...好好笑! 五妹對住部電腦,又會簡唔中問我地d電腦function點用,又問我地d功課, 五妹問問下我都幫手和她一齊做功課!  哈哈! 而三妹and 我男朋友玩wii 玩都最耐,...玩到癲晒! 但好開心! 

               

       到星期日(Sept 23), 媽咪 and Daddy 一早已經準備好多餸菜 比我帶入apartment 食, (真係唔夠晒). 之後, 就出街食lunch, 去咗一間新開嘅茶樓食野! 今次二妹 and 四妹無去飲茶, But, it's ok! 我地會照叫好多點心,依間茶樓d點心好特別架! 有個叫 "流沙奶皇朱古力包" , 好好食架! 下次去一定會再order! 食完lunch之後, 就去行一間賣日本碗碟店 ,依間店鋪賣嘅野都係 made in Japan. 而唔係made in China. 因為而家好多地方賣嘅野都係made in china. 但我行完...都係無咩野想買..無收獲! 行完返屋企再同屋企人食下月餅 and 嘆下d特別茶 , 之後, 就拾野,起程返自己apartment. 今次攞埋四妹送比我嘅Cuba 手信, and 一份special hello kitty 禮物! 返到自己apartment 真係好掛住屋企人對我咁好!

             

這是四妹送給我的禮物...右手邊果兩件係Cuba 手信--咖啡 & 雪茄(我唔食煙架!但四妹話雪茄係Cuba 特產, 因此買比我! 哈哈! 她話送比人都好!) 至於hello kitty box 係四妹男朋友見到得意買黎送比我! 真開心!