星期六----返工, 櫻花, 食

March 21,2015 (Saturday)


以往, 只有Brian, 在星期六先要開工.

而家, 我在星期六都需要開工了.

不過, 最好笑是, 到我星期六需要開工時, Brian 剛好不需要返星期六啦!

但Brian都好好, 仍然一早起身, 送我返工. 到放工又準時接我.....一齊出去玩.  哈哈~

-------------------------------------------------


我哋第一站, 走去同櫻花影相. 

因為在移居溫哥華前, Brian 應承我, 每一年, 都要去這條小巷影櫻花. 

他真是年年都記住.

但黎了溫哥華, 真係周處櫻花, 未必一定要去這條小巷才見到櫻花.

所以, 一等再等,.....而且, 今年天氣和溫, 真是等到櫻花, 就黎到水尾, 先去這條小巷影櫻花.

今年是我們第二年, 在這條小巷影櫻花相.


↓這條小巷......我是從X年前, 在網上啲文章介紹才得知, 那時, 我就同Brian講, 我們將來移居溫哥華之後, 每年都要黎這條小巷影櫻花相. Brian 真是記得.  移居來溫哥華之後, 真是年年櫻花季節都帶我黎. 不過, 估都估唔到, 我就是在這條小巷附近上班, 真是日日都望到.

 

↓今年天氣和暖得很, 啲櫻花開得快, 謝得快. 櫻花已經好多花瓣散在地上. 變成粉紅色之路

 


↓啲櫻花嘅花瓣, 散到滿地都係, 霎時望到, 天與地都咁粉紅, 又有另一種感覺. 

 


↓有無發覺, 只有我同櫻花影相?? 無咩途人同櫻花影相㗎 ?? 可能溫哥華, 真係太多櫻花樹. 所以, 唔覺櫻花好特別. 今年開完, 下年都有啦!!  年年依個時候, 攪到我似遊客咁, 要企係櫻花樹旁影相!!

 


↓一人一張櫻花相

 


↓找到人幫我哋影合照. 臨走, 影咗張花海相, 就走人!!

返咗半晝工, 再影埋櫻花.........

當然, 第二站節目, 就是去找食啦!! 好餓呀!!

我哋又走咗去food court食, 貪選擇多, 而且速度夠快嗎!!



↓我食咗鐵版雞肉辣腸烏冬+凍檬茶(我知凍飲唔太好, 但是凍檬茶, 係我至愛), Brian 就食咗排骨蠟腸飯+凍奶茶

 



我哋星期六, 食完嘢, 都有去行下街嘅!! 都行咗好多地方

但最終收獲, 都係零食.....之後, 去咗超級市場買咗條鮮魚, 再應Brian 媽, 買啲麥當當food 比她當下午茶&宵夜.

星期六雖然要返工, 但之後, 可以去好多地方, 又食下及買下, 都幾充實.

最利害, 做咁多嘢, 我都唔見攰. 依樣, 就最好


↓下星期嘅零食 & 麥當當下午茶+宵夜 (因近排啲麥樂雞做特價)