法國巴黎--Day 4-凡爾賽市集, 紅酒鋪, 蛋糕店,凡爾賽宮及花園, 晚餐

June 9,2013 (Sunday)


今日, 會去「凡爾賽宮(Château de Versailles)」.

由於, 凡爾賽宮位於巴黎的郊外. 所以, 晨咁早係巴黎食早餐. 之後就坐巴黎嘅train. 進入凡爾賽區.

其實, 可以有機會坐巴黎嘅Train. 我有啲興奮!! 因我覺, 坐當地嘅交通工具, 可以知道多一點巴黎人嘅生活習慣, 從中了解多一點巴黎人嘅生活的實況.  感覺自己好似在法國生活咁. 嘻嘻.

而這天, 我參觀「凡爾賽宮」又是Join 當地嘅tour. 又是有導道帶住周圍去.
 

但參觀「凡爾賽宮」前, 導遊會帶所有團友, 去一去, 凡爾賽區-----當地嘅市集, 蛋糕店和紅酒鋪.  最後, 先參觀「凡爾賽宮」, 但中途會係「凡爾賽宮」嘅花園食個野餐. 而野餐食物是導遊公司提供.  之後, 再繼續遊「凡爾賽宮」外花園和內園.  所以, 這天行程真是相當緊密.


而這天, 除了自己坐train, 到達凡爾賽區,  之後, 其他所到達之處, 全個過程, 都是用腳行足咁多達地方.  所以,用了許多腳骨力, 原來去旅行, 真是好好burn energy的一個活動.

↓由酒店步行1分鐘, 就係Train station.  有車票在手, 就排隊入閘

↓當地啲車票, 這張車票是由巴黎→凡爾賽區(Versailles). 回程都用返佢..... 而我身後就係巴黎嘅列車.

↓可能依日係Sunday, 車站唔係太多人. 坐係Train上, 周處望下,街外景.  就到Versailles (凡爾賽)站, 落得Train.

第一站: 凡爾賽市集


見到我哋當日嘅導遊之後, 導遊第一站, 便帶我哋當地(Versailles區)嘅市集行一轉先. 

個市集啲食品好新鮮, 而且覺得法國海產好豐富呀!! 各大唔同種類嘅海鮮都有啲.  唔知法國人係咪食海產多, 法國真係無咩肥人.


↓到達咗巴黎郊外區---凡爾賽, 雖然, 話就係郊外區, 但在當地都見到好多巴士行駛, 完全唔太覺係郊外區, 法國啲交通配套, 都應幾好.....而在市集見到,我係法國時,早餐常食嘅Ham.

↓市集啲海產好鮮and 好多種類

↓合時生果and 當地自家製嘅Jam. 

第二站:紅酒鋪

法國真是有很多大大少少嘅紅酒鋪. 啲紅酒, 真係周街都有得賣. (可能加拿大唔係周圍都有酒賣, 所以, 去到法國見到這樣多酒鋪, 真係好興奮.)  而且, 有些法國酒的價錢真係好超值,可能, 法國嘅土釀, 太適合葡萄生長. 牌子不是特別響的法國紅酒. 其實, 香味都已經不錯!!  

不過, 我參加依個 「凡爾賽宮」旅行團, 好似同啲紅酒鋪係有啲關連. 點都要所有團友去一去, 某些酒鋪嘅!! 算啦!! 當見識下.


↓紅酒鋪, 有專人作紅酒介紹. 還可以試飲.

第三站: 蛋糕店

這天旅程, 午餐時段, 是導遊為團友準備食物, 在「凡爾賽宮」的花園野餐,  而野餐所食的食物, 便是這一間蛋糕店提供.  入到店內, 導遊和蛋糕店員, 齊齊派一袋lunch bag比每個團友.

之後, 蛋糕店員介紹一論, 關於蛋糕店裡頭啲食物. 

當中, 聽到有一樣食物叫做" foie gras macaron" (鵝肝馬卡龍), 覺得好特別, 即刻買咗六粒.

嘩!! 個鵝肝macaron, 一食就覺得好好味, 個鵝肝macaron食落口時, 甜甜咸咸, 但個配合又好夾喎! 可能, 我鐘意食鵝肝,又鐘意食馬卡龍. 所以, 覺依個鵝肝Macaron好岩我口味. Brian仲話個鵝肝macaron有啲似蛋黃月餅咁嘅結合.  諗深一層, 又幾似喎!!  


↓記住依間Maison Philippe Pelé (位於21 rue Carnot 78000 Versailles), 佢啲鵝肝macaron 好好味 

最後, 終於到今日嘅重點「凡爾賽宮」


「凡爾賽宮」是法國國王路易十四的居所.

話得係皇宮, 一見到個皇宮大門, 就已經金碧輝煌. 個氣派真是非常豪華!!

皇宮面積也相當大. 進入「凡爾賽宮」之後, 導遊先帶我哋去咗遊覽「凡爾賽宮」個花園逛, 個花園真係行極都有路行, 當中有池塘,樹林, 戶外表演廳, 還有數不完的噴泉和雕塑. 當中的噴泉, 有音樂噴泉的.  只是遊「凡爾賽宮」花園, 我都感覺當時住係這皇宮的法國國王, 應該很喜歡玩樂.  


↓金色大門和圍欄, 這就是「凡爾賽宮」嘅大門口

↓個金頭髮哥哥是我當天的 「凡爾賽宮」導遊. 一去到「凡爾賽宮」, 導遊哥哥便首先帶我哋去逛「凡爾賽宮」的花園先. 一入到花園就見到個噴水池, 但之後, 還有更加噴水池欣賞.

↓「凡爾賽宮」花園內的雕塑, 其實「凡爾賽宮」花園, 周圍都有很多依啲雕塑

↓這個是音樂噴泉,  噴泉會跟音樂節奏, 作出高高低低的變動.  而家, 個音樂噴泉啲音樂, 係播cd. 但以前, 法國國王, 自己有隊樂師, 每日坐係噴泉旁邊演奏, 表演"音樂噴泉"個效果

↓「凡爾賽宮」內的花園, 有啲雕塑規模都很大件. 通常啲雕塑都附設噴泉, 我身後的石級, 其實,  也是噴泉. 但當天無操作.

↓行行下「凡爾賽宮」個花園,又見噴泉, 第一張相是用石所建的噴泉, 現在已經無再操作.  之後, 又見到另一個噴泉, 個噴泉內部, 有純金的雕塑.

↓和噴泉影相, ..................另外張相, 我和Brian身後, 有很多小型噴泉, 每條石柱,就是噴泉

↓繼續行「凡爾賽宮」花園, 其實, 這花園前身, 是比啲貴族和皇室成員打獵嘅森林地方, 係法國國王--路易十四, 話要住凡爾賽, 便將這個森林地方大興土木, 所以, 這個用黎打獵嘅森林.  就成為一個豪華版嘅森林.  每行一小段路, 個花園就有啲豪華嘅嘢睇. 行行下見到一個好特別嘅門.  

↓門後是一個好特別庭園, 庭院的四周是用黑色和金色的圍欄, 庭園中是一個噴泉, 而噴泉內有一個金色雕像.個雕像是一個很有名的雕刻師設計, 這噴泉如果操作, 噴泉水有23米高.

↓在「凡爾賽宮」嘅花園的其中一角---野餐. 野餐食物是法國麵包和法國生果批.  這一餐, 感覺好似好特別, 因為係皇宮午餐喎!!

↓對住「凡爾賽宮」嘅花園吃午餐!!  

↓食完午餐, 繼續行「凡爾賽宮」花園, 我身後景觀, 非常工整, 望到嘩嘩聲, 不論是走道, 水池, 噴泉和樹木種植嘅距離, 都是以幾何圖案來興建. 其實, 這庭園前身, 原本是打算種植橙樹, 因為當時法國國王, 最喜歡晨早飲橙汁. 但橙是由很遠地方運送到皇宮, 很不便. 所以, 國王就命人, 在這庭園, 種植橙樹. 但可惜凡爾賽, 這個地方的天氣和土釀, 不適合種植橙樹, 後來,這種植橙樹嘅地方, 就改變成現在的庭園.

行了「凡爾賽宮」個花園, 差唔多半日, 終於, 見到「凡爾賽宮」.
 

當時法國國王, 官務大臣和法國貴族. 也是在這個「凡爾賽宮」居住. 所以, 當時法國國王, 一邊住, 就一邊擴大「凡爾賽宮」. 而且, 當時的法國國王, 女朋友比較多. 所以, 「凡爾賽宮」面積唔大唔得啦!!


其實, 無論係西方或是中國歷史上, 皇帝都有后宮三千的故事.


↓這個便是「凡爾賽宮」,當時, 法國國王--路易十四的居所. 居所分開幾個區域, 真係望都望唔晒.

↓身後便是「凡爾賽宮」

終於, 進入「凡爾賽宮」嘅宮殿內. 


↓無辦法, 法國啲名勝, 好像永遠都是很多遊客, 這是「凡爾賽宮」嘅宮殿內的大堂和殿內的壁畫

↓在「凡爾賽宮」嘅宮殿內, 有很多油畫廳, 以前, 邊度有相機, 啲油畫, 通常是當時嘅人像和生活情景

在「凡爾賽宮」嘅宮殿內, 最著名的一個廳, 就是「鏡廳」 (The Hall of Mirrors).

這個鏡廳, 一側是落地玻璃窗,另一側是鏡子組合而成的鏡牆, 而且, 這廳有華麗水晶燈,色彩鮮麗的壁畫和鍍金雕像.  因光和鏡子的反射, 這個廳, 便顯得非常閃燿和燦爛.

"鏡廳"是當年法國國王---路易十四, 舉行大型化妝舞會和其他娛樂活動的地方.

而在1919年, 第一次世界大戰結束條約, 是在這個"鏡廳"所簽訂.


↓這個就是「凡爾賽宮」嘅宮殿內,最著名的「鏡廳」 (The Hall of Mirrors)


↓在「鏡廳」 (The Hall of Mirrors), 很多遊客呢!! 這兩張相, 擠咗好耐先影到

到黃昏, 終於完成依個「凡爾賽宮」嘅旅程. bye bye 啦!!


↓這個金碧輝煌嘅圍欄,就是「凡爾賽宮」嘅圍欄.

↓個「凡爾賽宮」門口都超級多人, 走都要迫住出!!!臨走係「凡爾賽宮」門口, 影張相.

-------------------------------------------------------------


去完「凡爾賽宮」, 返到酒店, 都無機會返房, 因為約咗朋友去食飯.


但我依日買咗個手袋仔. 其實, 個手袋仔係法國某本雜誌送嘅贈品. 哈~~


↓這天是我最後一天在巴黎依間酒店住, 所以, 特登係酒店門口影相, 而我在這一天緊揍的「凡爾賽宮」旅程, 係train station啲雜誌鋪買咗本附送手袋的雜誌. 我身上咩住個粉紅色手袋仔係雜誌送的贈品. 但個手袋仔, 幾好用!!

------------------------------------------------------------------------------------

由於, 這一天是星期日. 原來, 在法國的星期日. 很多店鋪都是會關門的.

所以, 這餐dinner, 都係求其揀一間仍是營業嘅餐廳食晚飯.

因此, 食這餐飯, 都無咩要求. 食飽就得.

食完飯, 就執行李, 準備明天去法國機場. 坐內陸機, 飛去法國南部---波爾多(Bordeaux).  ,再玩過.


↓去咗依間食dinner. 頭盤小食有橄欖.

↓法國蝸牛, 食蝸牛的工具

↓當晚嘅紅酒, 主菜有pasta (味道馬馬哋啦!!)

↓主菜還有海鮮pizza. 甜品有chocolate pudding (我反而鐘意食chocolate pudding 條裝飾品--蛋卷)

-------------------------------------------------------------------------


入晚, 終於返回酒店, 沖個涼, 便以極速執行李, "check lee" check 露". 攪掂一切上飛機的事, 達落床即刻sleep 得, 因為四日巴黎旅程, 真係攰都不得了.


依一日, 已經係法國巴黎最後一天啦!!


其實, 我當時, 真是很想離開巴黎!! 因為當地實在太雜啦! 我係巴黎四日, 每一天日光日白都見到, 賊仔和事主, 在街追逐嘅片段.


還有每一天, 在巴黎名勝區也看見, 損失財物的遊客嘅無助樣子. 真係見到都心寒.  最慘係啲保安完全唔理. 只是當無事發生, 而且, 自己行李也比人無故摷亂. 令到我每一天在巴黎都步步為營. 比陌生人碰撞一下, 都驚到花樣失色.

但當時間靜止時, 回望返自己相機,一張張的相片, 又真係抵法國驕傲.  因為法國巴黎啲建築和名勝, 真是好有氣派. 簡單到一間百貨公司, 內裡的裝修, 也好像一個舞台的感覺. 簡單到一間普通小餐店, 食物也是用心做. 食落口便知道好好味.

雖然, 法國巴黎的治安比我很消極的感覺. 但我個心, 仍是想再去法國巴黎多一次. 但就要提高警覺去.

由其次, 返回來多倫多之後, 所行的商場, 所吃的食物, 所行的街道. 感覺有點落差. 原來, 法國要食, 要去玩, 仲有好多!! 還有, 打開一頁頁法國旅遊書, 仲有很多歷史建築, 真係好值得去遊覽.  


巴黎, 真係仲有好多地方, 我仲好想去呀!! 我會再黎㗎!!  


↓明天離開巴黎啦!! 全晚執行李, 攪機票, 準備明早去法國南部,圖中的水果和蛋糕是在凡爾賽區,買回來,  這些甜美水果, 美味蛋糕, 成了巴黎旅程, 最後一晚的好好補沖製.