法國的父親節

June 14,2013 (Sunday)

時間很巧合.

由波爾多坐飛機去巴黎,  我們便在巴黎的機場酒店休息一晚, 之後, 先坐第二朝早機返去加拿大--多倫多.

而在巴黎的機場酒店當日. 就是父親節.  真係約都無咁啱.  

自Brian 去咗多倫多讀書, 計而在多倫多工作, 都無機會親身和他daddy慶祝過父親節. 這次Brian 能親身和他Daddy慶祝. 真是很難得的機會. 

Brian 還在這次旅行前夕, 買了份禮物. 由旅行開始, 一直放係喼裡面, 直到父親節,這一天, 才送給他爸爸. 

而這一次, 法國之旅, 除咗去了法國名勝 和 去了酒莊之外,  還能慶祝父親節. 這個旅程顯得既特別又有意義.

由於, 巴黎機場的酒店, 遠離巴黎市中心, 所以, 這天的父親節晚餐, 我們都是選擇在機場酒店內裡的餐廳吃一頓簡單的晚餐來慶祝.


 

↓在法國領土, 慶祝父親節. 都幾特別的一個父親節. 所以, 開支酒慶祝下.

↓在巴黎的機場酒店, 吃父親節晚餐. 餐廳啲侍應好識做, 主動提議幫我哋影大合照. 還叫我哋高舉酒杯影相. 哈哈~~

↓巴黎機場酒店啲餐廳環境, 好舒服. (其實, 當日餐廳都幾多人, 所以, 餐廳環境張相, 我係酒店個web-site copy過黎), 而當日頭盤, 食咗煙三文魚配cream cheese和熱辣辣嘅咸餅.

↓當日的餐具, 我們飲了洋蔥湯. 個湯好好飲. 

↓還是身在法國, 所以, 叫咗個鵝肝鴨肉沙律. 法國啲鵝肝, 真係超級好味. 主菜是spaghetti alla bolognese (Spaghetti pasta with beef and tomato sauce)

-----------------------------------------------------------------------------------

食完父親節餐, 便回機場酒店休息, 其實巴黎的機場酒店, 只是在巴黎機場樓上. 係酒店望落下面, 就望到巴黎機場的大堂. 

↓法國巴黎的機場酒店(CDG), 係酒店走廊望落去, 就見到機場大堂. 聽朝落樓下, 就check 得in. 
   

↓留係機場酒店一晚, 先飛返多倫多.  依間酒店, 真係好舒服, 一望出窗, 見到飛機升降, 雖然, 望住飛機場, 但因為酒店有隔聲設備, 所以, 聽唔到任何飛機聲. 

↓真係企係酒店個窗隔離, 望咗好耐, 望住啲飛機升升降降, 好鐘意. 日間與夜間個機場景色都好吸引住我. 

而留係巴黎機場酒店, 都有另一件事.需要做----就是比時間Brian 和Brian's daddy 計數. 

因為我哋係加拿大人, 渣住加拿大護照. 我哋由外地回加拿大境, 都需要報購物稅. 所以, Brian 和Brian's daddy 將我哋係法國所購物的單據group埋, 計算係法國購物時的總數. 因返到加拿大時, 便要把外國買回加拿大的物品打稅. 

因此, 這兩仔爺, 便好有耐性, 坐係機場酒店的書檯前計數.  計好每張在法國購物時的單據, 以便給加拿大海關人員收取購物稅. Brian's daddy 一邊計, 一邊口"up up", 話我和Brian's mom, 為何無咩特別shopping都可以買到咁多物品. 計到他傻傻哋. 哈哈~~  

但我和Brian's mom 都費事理堆購物單, 我和Brian's mom 在機場酒店裡, 做facial, 舖面膜, 睇電視. 休息下. 都懶理太多. 他們鐘意計, 便有得他們計吧!!  

其實, 係歐洲地方購物,都有個好處, 就係可以有VAT 攞得返. 將VAT 所得來的現金. 用黎比加拿大啲購物稅.  都好, 有VAT 幫補下!!

計完一大堆數, 安心休息, 第二朝坐早機----返回多倫多.   真係BYE BYE 法國啦!!!


↓Brian 和Brian's daddy在巴黎的機場酒店內, 計法國購物的總數, 以便過加拿大海關時, 給加拿大海關人員打稅. 見到紅色衫的Brian 嗎??他左手邊, 成堆單據, 其實, 全張書檯都係單據. 他們計咗好耐呀!!


↓一朝早便坐飛機,由法國巴黎坐飛機返回多倫多啦!! Bye bye 法國......我好唔捨得你呀~~~ 

↓坐飛機返回多倫多啦!!! 


↓在飛機上, 所食的食物,我坐飛機, 對食無要求. 咩都食. 

↓不過, 依程由巴黎→多倫多班飛機好凍呀!! 個冷氣開得好勁呀!!! 凍到個個乘客都要毛毯, 由頭包到落腳. 箭咀指住的出風位, 出強勁凍風, 好凍呀!!