法國--簡單.食

June 15, 2013 (Saturday)


一連幾篇blog, 都係講-----法國巴黎周圍遊名勝.

依篇就講下, 法國嘅.....食

其實, 平時聽上耳, 好簡單嘅食品. 啲味道, 都大概知係點嘅味.

但黎到法國, 啲好簡單嘅食品,  一食入口, 就感覺同自己平時食開嗰啲唔同. 感覺法國啲簡單食品, 啲質素真係好好多.

人就係咁, 食好嘅嘢,個腦會記住㗎 .  所以, 一係唔食, 一食到好,  就真係好難返轉頭.  所以, 返黎加拿大之後, 好掛住法國啲食物. 由其是, 好掛住法國嘅牛角包.

係法國--巴黎. 真係簡單到一個街頭牛角包, 我一食入口. 已經馬上愛上. 香脆之餘, 仲好鬆軟,而且仲唔肥膩, 用紙巾包住食, 張紙巾叮點油漬都無. 好神奇呀!! 

↓在法國吃早餐, 牛角包----是我必點嘅食品. 唔洗去法國名牌咖啡店, 只是在法國街頭啲牛角包, 已經好鬆軟,又香. 而且, 在法國食牛角包, 價錢大眾化. 真係買幾個上飛機食, 好過食飛機餐!!


↓唔好以為, 我係法國食啲牛角包, 係食新鮮出爐, 我每日在法國啲麵包店order牛角包,個麵包姐姐, 只係在玻璃櫃, 攞比我,我一手接住, 就食得. (個牛角包-- 完全唔熱, 但又唔係凍冰冰,但已經super 鬆軟+好味). 見到我橙色箭咀指住個玻璃櫃嗎? 這個櫃, 就係擺放牛角包嘅地方!!

↓我每天在法國, 都是食牛角包做早餐, 我發覺法國人啲早餐, 係鐘意食甜早餐!!!  因在普通嘅法國咖啡店食早餐, 除了牛角包係咸點. 其餘都係甜點. 第一張相, 份早餐有三角形Almond 甜牛角包, 還有超級好味原味牛角包.  而另外張相, 條長形朱古力甜包叫eclair, 內裡有custard

↓我有兩日係法國, 係周末, 原來法國一到周末, 啲鋪頭比較遲開or唔開, 而且, 我酒店附近啲鋪頭, 要等到noon 先有牛角包賣!!!所以,有兩日早餐, 食咗第二樣. 無牛角包. 周末其中一日食咗Jambon沙律(火腿沙律)做早餐. 另一日,是星期日,  酒店附近直情無咩鋪頭開. 去咗食法式長麵包(Baguette)食!! 依個baguette 又係超美味!! (橙色箭指住個包, 就係火腿法式長麵包=jambon-beurre)



除了牛角包, 令我腦裡面有新記憶之外.  簡單食品中, 法國嘅法式長麵包--Baguette. 都令我腦裡面嘅舊有記憶改變. 還深深愛上法式長麵包


以前, 食開啲法式長麵包, 比較硬. 但在法國吃的法式長麵包--Baguette就好鬆軟. 但又keep 到個麵包皮好脆口, 容易咬之餘, 仲係軟林林, 條長麵包簡單配以牛油火腿同吃. 都已經très bien=very good!!


個法式長麵包, 又係唔洗去啲名牌餐廳買黎食, 好簡單啲街邊鋪嘅長麵包, 已經好美味. 由其是, 係法國, 行路方便過坐車, 行到攰, 買個長麵包一邊行, 一邊咬. 超級享受㗎!!


而且長麵包好經濟, 一般 € 2至4 歐羅就有一條火腿長麵包食. 又方便, 又飽肚, 又好食.


我係法國街頭, 都見到好多人,一邊行一邊食Baguette.

↓早餐食法國長麵包--Baguette. 晨早食baguette好似有啲飽, 但當天, 是星期日, 酒店附近, 無咩鋪頭咁開門. 只有間baguette 店開,就食佢啦!! 食完又愛上Baguette!! 

↓係法國街頭, 見到好多人, 買完, 成條法式長麵包, 就咁塞入袋就返屋企!! 而我一有機會, 就要食法式長麵包!! (火腿法式長麵包= jambon-beurre)

 

我和Brian有時都係會癲癲哋,  會有鋪「冷街癲」 

係法國, 食完dinner. 會有啲唔捨得返酒店, 夜麻麻時, 見仲有鋪頭開, 就想入去. 行個圈.

見到法國麥當當開, 當然走入去.

原來,係法國麥當當買嘢食, 可以用自助機order.  都幾高科技喎!!

但我對啲自助機, 唔知頭唔知露, 我係法國都係用最原始方法, 同店員order 嘢食!!

其實, 全世界麥當當, 都係賣漢堡包. 但黎得法國麥當當, 當然叫啲特別啲啲嘅麥當當食物和飲品.

↓法國麥當當的自助式order,  好先進.....其實,每次行到麥當當,都係食完晚餐之後, 所以, 入到去法國麥當當,無space食漢堡包. 只係啲雪糕, 飲品....先放得落肚. 相中杯凍飲是芒果碎冰, 真係估唔到幾好飲.  仲覺有啲消滯. 所以, 之後, 係法國食完晚餐返酒店, 一經麥當當就買一杯芒果碎冰(Le frappé---mangue) 唔知Blog 友Mrs. Tin Tin 鐘唔鐘意飲??

↓還有, 見到法國麥當當有流心朱古力蛋糕(la madise)賣, 買咗個黎食. 把開蛋糕, 都有少少流心嘅!!

↓但法國麥當當張朱古力流心蛋糕相片, 好似流心啲

↓而杯雪糕, 就係見到新口味, 先買黎食. 好似係叫Le McFlurry--Amandes & Nut (內裡有Gâteau=蛋糕, 好似仲有麥提沙,威化, and nut). 叫杯細,都食到好飽. 哈哈~~ 而法國麥當當有Macaron 賣, 但我鐘情Ladurée, 所以, 無試到麥當當啲Macaron.




這次旅程, 真是吃不停. 出街癲完, 夜深返酒店, 沖完個涼, 又再食.....

因為係酒店住, 先可以係張床, 一邊玩電腦, 一邊食嘢.  仲要係食住Ladurée macaron, 感覺超級爽. 不過, 酒店啲wifi 好慢!!


↓返酒店又食過. 我係巴黎, 真係日日都食macaron, 真係成盒"隊". 食返夠本.



其實, 我覺得食嘢唔需要花巧, 簡單咁, 周街食, 都可以揾得意嘅嘢食. 

好似今次係法國,簡單咁食, 都幾好玩. 原來法國街頭啲食物, 已經好精美. 好美味!!