波爾多之旅---Château Cantenac 及酒莊午餐

June 11,2013 (Tuesday)


可能, 我跟得Brian 屋企多, 被他們飲葡萄酒的習慣吸引着.

所以, 我早在兩年前, 已經計劃黎, 法國西南部---波爾多---這一個盛產優質葡萄酒的地方.

籌備兩年的酒莊之旅, 終於開始啦!! 而且, 我仲會一次過, 去足九個酒莊. 充實之餘, 仲認識咗, 唔少關於葡萄酒嘅知識.

 
↓第一個去嘅酒莊----Château Cantenac


-------------------------------------------------------------------------------


講返轉頭先.......

其實, 波爾多---係就係盛產葡萄酒嘅地方, 但波爾多地域都幾大, 而今次, 我所揀選參觀的酒莊, 分佈波爾多的左岸和右岸, 各地區. 

而我又住係波爾多市中心嘅酒店. 

所以, 每天都要晨咁早起身, 嗱嗱臨食個早餐, 就要走上車, 由波爾多市中心去各大酒莊參觀.


↓由於, 波爾多比到一個安全感我, 所以, 就決定用巴黎所買嘅新手袋. 而件衫都係巴黎買㗎!! 嘻.

↓係波爾多, 我所住嘅酒店, 係有早餐供應. 所以, 落酒店樓下就有早餐食, 唔洗出酒店, 周圍揾早餐食, 方便好多. 而且, 酒店啲早餐選擇, 都豐富.(相中嘅早餐, 有我至愛的牛角包, 風乾火腿和乳酪, 罐乳酪仲係青蘋果味, 好特別)  食完早餐, 行去meet 我哋個私人導遊. 開始出發, 籌備已久的酒莊之旅.

↓我哋每日, 都由酒店行出街口, meet 我哋個私人導遊. 而這短短路程, 見到波爾多嘅日常生活. 間擺街生果店, 好特別呀!! 還有見到啲旅遊小車. 

↓我就係企係依個大門碑等, 我哋一早book 定嘅私人導遊and 私人旅遊車. 我哋一行十人, 就係坐相中的白色車, 向酒莊出發. (而我發覺, 係法國旅遊, 我哋係各大名勝, 所book嘅私人導遊, 都好鐘意, 把約會地點, 約埋係啲---門碑, 大石, 大石柱.....這些特有物體, 等待大家, 我初頭都覺好出奇, 約會地點無街名嘅? 但去到目的地時, 又真係見到啲門碑or 大石柱....又真係遇到個導遊)  

Château Cantenac是我, 這次酒莊之旅嘅第一個參觀嘅酒莊.

Château Cantenac位於波爾多右岸的Saint-Émilion小鎮, 但何謂右岸?  因為波爾多的中心擁有一條河, 當地人就用這條河做支線, 分開右岸和左岸. 兩岸均有不同葡萄酒園. 所以, 篇排參觀酒莊時, 真係要攪清楚酒莊的分佈, 避免浪費時間在交通上. 因為我知道,有部份酒莊, 如果客人遲到, 是不會接見的.

我在波爾多三日時間, 而每一日, 都會探訪三個酒莊. 我覺自己都有點瘋狂, 但當中真係獲益良多. 原來古人的格言 "讀萬卷書不如行萬里路", 真是有其道理. 親身體驗, 比文字上,更能明白更多. 但當然, 這次行程, 接觸不少酒莊內的負責人或者酒莊的莊主. 大家在言談中, 真是認識更加關於葡萄酒的知識  

而這天, 是頭一天探訪酒莊, 為了方便, 這天是專注探訪波爾多右岸的酒莊. 


↓未入到酒莊, 見到個酒莊指示牌, 心情已經好興奮.

 

 ↓一大片, 一望無際的葡萄田園呀!! 看到葡萄田園旁的玫瑰嗎?? 玫瑰花不單止是美化葡萄園, 玫瑰還起了一個預警細菌的作用, 因為玫瑰花係一類敏感的花種, 泥土有啲啲事, 玫瑰花就會有異樣.  所以, 葡萄園的玫瑰花, 越燦爛的玫瑰, 土釀營養更豐富.

這間Château Cantenac, 是波爾多右岸最著名的三個產區之一, 我也估不到Château Cantenac的莊主, 會親自出來招呼我哋.  由葡萄園, 釀酒過程, 橡木桶製作, 甚至飲紅酒過程和次序, 也一一詳盡講說, 而且, 當我哋提問一些問題, 莊主也很樂意答覆. 這個酒莊的莊主, 真是很有誠意. 

以擁有一個咁有名氣的酒莊,  這位莊主, 真是一點架子都無. 好難得.

↓酒莊內的橡木桶,好壯觀呀!!  葡萄就是由這些橡木桶發酵, 而且, 發酵過程, 溫度也好重要, 所以, 通常擺放橡木桶都處於陰涼地方, 而且, 牆身是加厚, 以防外有的氣溫影響發酵過程. 而相中, 那位哥哥, 就是Château Cantenac的莊主, 他親自帶我們介紹他的酒莊.

↓每間酒莊, 它們獨有傳統釀造的葡萄酒味道, 除咗葡萄和土釀會影響葡萄之外, 橡木桶也會帶出葡萄酒都味道出黎, 這間酒莊的橡木桶品質, 業界被鋻証為高品質的橡木桶

↓這兩位---父子, 好有心機研究木桶, 真係要叫, 先識企定定, 影張相!

↓進入了發酵酒的地方, 真是聞到陣陣紅酒的味道. 唔知點解見到一排橡木桶和聞到陣酒味, 真係好興奮呀!!



↓周圍都佈滿橡木桶, 木味原來都好香. 而度紅色門, 是紅酒發酵室的出入口, 度門好厚和好重的, 因為以防外有的溫度, 影響紅酒發酵過程.

遊覽完, 葡萄園和紅酒釀製室, 我哋就進入Cantenac裡的城堡. 即是Château Cantenac莊主的居所. 食午餐.

入到莊主的居所內, 已經見到莊主, 準備咗一頓豐富午餐給我哋, 啲食物選擇其多, 真是食了兩小時, 都吃不完, 味道還很美味添!! 不過, 能夠在酒莊的城堡吃午餐. 感覺何其特別!!

當然啦, 黎得酒莊的家, 莊主必會介紹他們自家生產的紅酒啦!! 一邊食住午餐, 一邊飲住莊主配合的紅酒. 真是好perfect. 

而且, 莊主也很慷概, 真是提供很多紅酒給我們品賞,我們所飲的紅酒當中,也是好年份的紅酒添!! 


↓身後的城堡是莊主居所黎㗎!! 我哋入莊主間屋食午餐.

↓酒莊莊主準備了很多美味食物來招呼我哋, 相中兩個黑桶是來吐酒or倒酒, 其實, 紅酒真貴, 但由於一次過品賞不同年份的紅酒. 時間關係, 未能一一飲落肚, 所以, 依個黑桶就會有工效. 但我盡可能唔會倒酒㗎  

 

↓酒莊莊主準備到一檯食物和紅酒我們品賞, 紅酒好香

↓酒莊莊主, 親力親為, 介紹紅酒. 其實, Château Cantenac家庭式傳統技術釀造, 紅酒放在橡木桶中培育十八個月之後再装瓶, 而且,限量生產, 去保持品質.莊主手中的Chateau Cantenac系列Saint Emilion Grand Cru 被定位為高級宴會用酒

↓紅酒在酒杯內「掛杯」很流暢. 色澤清.....我鐘意