巴黎→波爾多Bordeaux

June 10,2013 (Monday)


Bye Bye, 巴黎啦!!  但我依個旅程仲未完㗎.

我晨早, 坐車去巴黎機場, 向法國西南部--波爾多(Bordeaux)出發.

由巴黎機場, 坐內陸機去波爾多. 其實, 只係一小時飛機河. 就到達....Yeah~~~

↓這程我是坐法國航空公司嘅客機, 由巴黎→波爾多. (我都係第一次坐法航) 

↓雖然係法國坐內陸機, 但個候機室, 好多嘢shop, 又好多食鋪, 這些候機室先似樣嗎!!   縱使要等飛機都無咁悶嗎. 機場係多啲shops, 先有新氣嗎!!

↓等飛機等得太耐, 求其邊間無太多人龍, 就去邊間買嘢食. 旅遊時, 真係食個簡單嘅包, 都係好美味.......最後, 等到飛機到,排隊上機


↓我就係坐依架飛機去波爾多(Bordeaux), 坐一小時飛機, 就到達----波爾多 (其實,我係這程機, 瞓足全程, 好好瞓)

 

 

到啦, 到啦....到達波爾多(Bordeaux).

估唔到一到達波爾多(Bordeaux)機場, 就好驚喜.

可能, 波爾多是葡萄酒出產地, 所以,波爾多嘅機場佈滿超巨型嘅紅酒瓶裝飾. 好特別呀!!

 

↓在波爾多機場, 真係周圍都有巨型葡萄瓶作裝飾, 連行李輸送帶,都有好多葡萄酒瓶, 好特別呀!!

↓全個波爾多機場,都係依啲巨型葡萄酒瓶,...........之後, 坐酒店車, 去酒店!見到沿路嘅路牌, 都印住波爾多, 好興奮!  

波爾多盛產優質葡萄酒, 今次我黎波爾多, 主要目的就是為參觀當地嘅酒莊.  (明日開始酒莊之旅)

但黎得波爾多, 係酒店放完行李, 便馬上出外走走.  我未黎波爾多時, 還以為波爾多, 會係一個好撲素嘅地方, 周圍都是酒莊,農地或者是關於葡萄酒的博物館!!

但當親身在波爾多時, 就覺波爾多係一個靜中帶旺嘅地方. 街上係咩時候, 都有一定人流, 但又不會有太擠迫嘅感覺. 還有很多名店, 商鋪和餐廳.  而且,  波爾多周圍嘅建築物, 都好具藝術和歷史嘅味道. 一望落去就感覺好舒服.

最特式是----波爾多市中心, 有部分街道, 是沒有行人路和車路之分!! 但每條街路中央, 都有條車軌, 給電車行駛. 當有電車黎時, 當地人會識得行埋一邊. 當電車走了, 街道上又佈滿返行人. 好特別㗎!!  


↓波爾多市中心, 周圍都是這一款建築物, 周圍都是商鋪,人流也有一定數量. 感覺旺得黎,又唔擠迫.   最特別是沒有行人路和馬路之分. 所以, 感覺好道路好寬闊, 無壓迫感.

↓見到地上有一條條車軌嗎!! 這車軌是市內的電車(Tramway)車軌, 當街道上沒有電車, 全條街道, 便是行人路. 所以顯得條街好寬闊

↓就係依架電車, 這架電車,會穿疏波爾多市中心嘅交通工具.  當電車到達時, 當地人會好自動地行埋一邊, 照行路. 到電車走了, 街道又變返行人路. 同埋我覺當地人, 好似同電車容埋一體. 完全無因為有電車到達而嚇到. 好自然行埋一邊.全無異樣㗎!!  

 

 

↓我同電車和車輛好近距離,當地真是周處都是電車軌,而且當地電車的車頂係冇任何電纜,   因為波爾多例入歷史保護區, 所以, 當地採取地面供電系統,當中波爾多的電車(Tramway), 就是採用地面供電, 所以, 電車車頂係無任何電纜, 美觀得黎好清爽，最重要就係架車非常靜，一啲都唔覺嘈. 行過都唔係好覺。

 


↓波爾多啲街道, 都很熱鬧, 人流都幾旺. 行行下,見到一間關於酒嘅「畫廊兼品酒廊」

↓「畫廊的品酒廊」裡面, 有很多部電子真空抽酒機. 要一杯紅酒, 就抽出黎. 咁樣可以保持紅酒質素, 最特別係啲酒仲係很有名酒莊. 飲一杯名酒莊價錢唔會貴, 但又試到名酒莊啲紅酒味道. 所以, 依部機設計得好好!


↓「畫廊的品酒廊」裡面, 陳列酒多過畫, 啲酒全是名酒莊, 真係好想全部飲落肚!!

↓行完「畫廊的品酒廊」, 又周圍行, 行行下見到Grand Théâtre de Bordeaux. 我身後便是Grand Théâtre de Bordeaux(劇院), 而劇院周邊好多食店! 感覺好優閒

 

↓其實,  波爾多啲大街係寬闊, 但啲小巷, 就很窄. 我真係張開雙手, 都掂到兩側

 

同Brian屋企人一齊去旅行, 在食方面一定唔會求其啦!!

我哋未到達法國, 已經上網揾定餐廳. 還在加拿大越洋打電話去法國波爾多book位.

第一餐係波爾多食嘅餐廳, 就係Le Wine bar (Bar à Vins)。

依間服務唔錯!! 所有食物和酒都是廚師安排, 我哋安心坐下, 就有得食有得飲. 完全唔洗睇menu.

而且, 餐廳還安排我哋坐係小巷街邊位用餐, 坐係街邊食, 有啲感覺坐係法國下的大排檔添. 因為食食下, 真係會有車和人群經過. 感覺食得好有風味!! 哈哈~~ 

↓係波爾多, 第一餐食, 就係晚餐, 這係依間餐廳食. 而且, 坐係路邊座位食.  

↓由於, 我哋想飲酒多啲, 所以, 這餐dinner, 廚師安排很多送酒嘅食物比我哋.法式麵包和風乾火腿----送酒超級正!!

↓啲風乾火腿, 源源送上, 食完再黎, 黎咗N次。  還有黑椒薄牛肉腿配芝士, 啲芝士和薄牛肉, 配合埋啲香濃橄欖油, 真係好好食, 依蝶薄牛肉芝士, 我哋食咗好多蝶, 因為太美味啦!!

↓還有烤shallot 和新鮮mozzarella cheese配番茄和沙律菜. 全部好鮮, 好好味. 其實, 用料新鮮, 真係咩都好食過人!!

 

↓而今餐飲了許多酒, 白酒和紅酒都有飲, 真係飲了好多好多!! 感覺好爽.

↓唔知點解, 我哋所去襯嘅食店, 初頭只得我哋一圍, 但之後, 都會全餐廳都係食客, 間餐廳多人多到無檯. 要用個酒筒當餐檯, 不過, 法國啲人又好隨意, 酒筒當餐檯都無咩所謂!!

↓我哋就係坐係餐廳側邊啲街外位食晚飯, 其實, 坐街食, 真係好有風味, 法國啲小巷又窄, 真係同啲途人零距離接觸. 有時, 又有車經過, 真係一邊食, 可以一邊留意當地人嘅生活風情. 真係食得好特別!!

 

 

↓食完再周圍行, 返酒店.....原來波爾多好多食店, 都附設好多露天位坐,. 離遠望到一排餐檯, 覺得好優閒嘅感覺.

↓好鐘意法國波爾多啲建築物, 好古典味, 但低層就係現代式嘅餐廳. ~~靚........... 之後,行返酒店又經過波爾多劇院. 夜晚個波爾多劇院開晒燈, 好靚

 

↓夜晚嘅波爾多都好靚, 好舒服. 我身後有電車經過, 電車走後, 全條街好寬闊呀!!

唔知波爾多環境, 係咪比到安全感和舒服嘅感覺比我. 所以, 夜麻麻都唔捨得返酒店, 就走咗另一間餐廳食甜品和飲下酒.  當宵夜......係呀!! 我哋又飲啦!!我係波爾多, 真係飲咗好多酒!!

↓宵夜, 飲啤酒和甜酒(sauternes)

↓宵夜, 食crêpe. 一個係朱古力crêpe, 另一個係橙酒火焰crêpe (不過, 我影唔切啲火焰呀!!)

↓今次, 波爾多之旅, 有更多朋友一齊去, 一共有十個人, 好彩全部鐘意飲酒, 日日飲得好癲, 好好玩. ......食完宵夜, 就行返酒店. 第二張相, 係酒店附近....夜晚啲燈光, 都好舒服!! 街道又寬闊, 人流又唔會太擠迫, 但又keep到一定人流, 感覺無咁靜英英.  所以, 波爾多比我感覺好好.