波爾多之旅---Château Lafite Rothschild / Dinner / 夜遊波爾多街道

June 12,2013 (Wednesday)


對愛酒之人,參觀Château Lafite Rothschild---這個酒莊, 就是朝聖.

 

單一個"Lafite", 依一個名, 就算唔鐘意飲酒嘅人, 都好可能係雜誌, 電視, 新聞,甚至電影. 都聽到依個響噹噹嘅葡萄酒名.

其實, 這個品牌葡萄酒, 個標價, 已經不便宜.  甚至很多拍賣行,  拍賣這品牌的陳年葡萄酒, 也是獲得最高拍賣價記錄.    而且, Lafite是波爾多最佳紅酒之一.  也是葡萄酒世界裡, 五大名酒莊之一.  所以, Lafite個名氣的確都幾大.

我今次波爾多之旅, 能夠有幸參觀到其中一間最佳葡萄酒莊. 我好興奮.  Brian 直情話, 好似朝聖嘅感覺!!!


↓到達Château Lafite Rothschild啦!! 遠望Lafite 酒堡個格局, 好優美.  (Lafite 位於波爾多的Médoc 區(梅鐸區). 也是Médoc最大都葡萄園之一)

這個酒莊---Château Lafite Rothschild土壤獨特.


由於, Lafite的整個葡萄園, 是位於小山丘上. 傾斜度高, 葡萄樹的莖部, 需要努力生長. 才能吸收土壤中的水份和養份. 所以, Lafite 的葡萄品種比其他酒園的品種不同.  Lafite的葡萄是屬於皮厚肉少. 因此, Lafite 的酒擁有獨特味道和獨特個性. 


同團的Uncle 話, Lafite啲酒的結構宏偉, 舒適,   酒質富層次. 能耐藏.    不錯的年份具有更好的陳釀潛力.  而且, Lafite 累獲紅酒業界, 被譽為的佳酒之一.  所以, Lafite 葡萄酒, 得到不少人士的擁護


↓Château Lafite Rothschild的葡萄園, 位於小山丘, 其名Lafite 是取名自「la hite」,意思是小山丘. 因此, 這山丘傾斜度高,葡萄藤要比一般葡萄藤強壯, 才能吸收土釀養份, 所以, Lafite 擁有獨特的葡萄養製葡萄酒. 而葡萄酒質, 也比一般濃厚, 香濃.  個日, 仲見到葡萄園工人料理葡萄園. 

當日, 參觀Chateau Lafite Rothschild, 這一個有名聲的酒莊. 

負責接待我地嘅係接待員, 初頭都cool cool哋. 有點架子.  但後尾, 我哋一團人和這個接待員說笑, 他才無咁cool. 嘻嘻!   


↓參觀Chateau Lafite Rothschild酒莊, 相中個男人, 是我當日的接待員, 帶我哋一團十人遊酒莊. 這個男人傍邊的玻璃皿, 是顯示葡萄園的土釀成份. Lafite 啲葡萄園, 以Gravel (礫石)為主, 土釀乾, 但葡萄好壯.  

Château Lafite Rothschild以傳統大木桶發酵葡萄. 現今, 很多酒莊, 已經採用不鏽鋼桶發酵, 因容易控制溫度. 但Lafite 有部份葡萄酒, 仍是keep傳統方法, 用大木桶發酵. 好多嘢, 真係越傳統越有味道. 

↓大木桶, 好少係其他酒莊用依隻大木桶發酵剛採收嘅葡萄, 啲葡萄皮和果肉, 就係度發酵, 成液體 (葡萄酒)  

其實, Château Lafite Rothschild遠在1234年已經面世. 真係長久歷史. 但當時, 這品牌葡萄酒, 已經得到歐洲上流社會支持. 不過, Lafite 遇到法國大革命, 莊主家族問題, 所以, Lafite 葡萄酒, 換了幾位莊主. 直至, 1860年, 男爵（Baron James Mayer Rothschild）全權購入Lafite. 所以, 便名為Château Lafite Rothschild

可能, 依間酒莊歷史太悠久, 雖然, 曾經裝修過,  但當酒莊接待員, 帶我哋一行十人, 去酒庫參觀, 我感覺好陰涼, 而且, 酒庫又無咩燈, 好暗, 攪到我有啲驚. 酒庫面積好大, 見到有部份存酒還佈滿灰塵. 裡面又多閘, 有啲地方仲係用蠟燭照明.  真係嚇得我吖!! 都唔明點解, 我當日位接待員, 點解唔肯開燈. 用蠟燭嘅!!


不過,   Château Lafite Rothschild個酒庫面積太擴啦. 個酒窖大到細細聲講嘢,都有回音.


↓進入Château Lafite Rothschild個酒庫, 係酒庫行咗一陣, 去到酒窖, 裡面好暗, 仲好陰陰涼涼添, 不過, 葡萄酒係要喺依啲環境陳年, 將葡萄酒與木製的橡木桶接觸, 先散發出香味.  我有個Uncle 仲話唔介意鎖係酒窖裡面. 因為可以大飲特飲喎!!哈哈~~ 酒窖可存放2200 個以上嘅橡木桶. 要逐啲飲, 飲幾年都得. 哈~

↓酒窖裡面啲橡木桶. 啲Lafite 酒, 就係裡面. 而另一張相, 係Château Lafite Rothschild個標誌. (唔知點解啲名牌, 都喜愛用五支箭?? 某隻名牌手錶, 都是五支箭作標誌)

↓酒窖工匠是葡萄酒的管家,他負責係葡萄酒長期的陳化期間, 將葡萄酒與木材接觸從而散發出香味. 所以, Lafite 酒, 有陣香味, 甘甘哋, 餘韻好長久.

↓原本這個Lafite 酒莊, 是品嘗barrel testing 嘅酒(木桶啲酒. 但當日, 我個cool cool 接待員, 好慷概, 一早準備咗, 一支2001年嘅酒比我哋, 我哋都好surprise, 支酒好有香氣, 雖然, 支酒開咗一個鐘, 飲落去, 雖然, 未夠純. 但啲uncle 話, 支酒果味足, 也有非常甜美香草味, 味道強勁, 尾韻長長留係喉不散.  怪不得, 這天支酒, 要成皮幾嘢港紙, 先買到啦!!  我也榮幸, 可以係依個觀光團, 飲到一樽咁高品質嘅紅酒. 

↓當日, 我哋係一間點晒蠟燭嘅酒窖品嘗紅酒, 優質酒莊, 飲酒隻杯, 都印有酒莊的名稱.   飲完之後, 離開酒窖, 個接待哥哥好開心, 因他放工啦!! 哈哈~~  

↓個酒窖度門好大, 好厚, 但就係因為要有依度門, 先隔住戶外啲溫度. 酒窖係要keep陰陰涼涼先得  但一出咗,依個酒窖門, 即刻感覺到由涼轉熱嘅感覺, 個個團友, 即時除衫. 我和Brian 好唔捨得依個酒莊, 因為估唔到可以飲到一支品質優良嘅紅酒, 我哋同個酒窖門影相留念. 而我哋身後, 就係葡萄園啦!! 這間酒莊, 所有葡萄園地, 都是種在傾斜地上. 

----------------------------------------------------------------------

參觀完酒莊, 再計埋車程, 唔覺唔覺, 又是dinner time.

我哋book 咗間餐廳, 又夠時啦!

係這個波爾多之旅, 就係咁, 一個地方接住一個地方去, 真係一朝早出酒店, 夜一夜先返到酒店.

不過, 係法國食飯, 真係好識享受先得, 因為一餐晚飯, 係食足, 最少四小時.  其實, 我去旅行, 真係唔介意. 慢慢食仲舒服啦!! 其實, 如果我平時有依啲時間, 都唔介意咁食.  

但係法國--波爾多, 去餐廳食飯, 最開心係wine list 選擇, 仲多個menu. 而且, 相比係加拿大, 波爾多啲酒, 好抵飲呢!! 每餐飲酒, 都飲到好幾支酒呢~~~哈哈~~ 真係飲飽食醉, 先返酒店.


↓我哋一行十人揀咗係露天位坐, 舒服啲嗎!!  我和Brian屋企合照. 

↓頭盤:雞翼(係送), 還有風乾火腿芝士沙律

↓頭盤: 海鮮沙律, 主菜: 我食白露筍配魚

↓主菜: 豬扒 , 還有羊串燒 (係塊肉唔同, 其他配菜是一樣, 好似無咩誠意!)

↓甜品: 朱古力醬, 榛子macaron, 還有薄荷士多啤梨雪芭(食完好清涼)

↓甜品:無花果醬配cream cheese 餅. 還有咖啡

↓今餐所飲嘅酒, 每樣飲2支, 依餐飯十個人食, 飲光六支酒. 其實, 這天間餐廳, 唔算太特出, 服務馬馬哋, 啲食物比較大路, 個wine list選擇係多, 但啲酒唔算好特別. 總刮黎講, 好平傭的一間餐廳啦!! 無網上啲評語講到咁好.

---------------------------------------------------------------------------------------

食完, 當然會周圍行下, 返酒店.  當散步啦!!

其實, 我發覺法國--波爾多, 啲鋪頭好早就close, 但當地啲餐廳, 就會開門開到好夜. 我哋晚上十時, 都見有人, 入去餐廳食飯. 總之, 有餐廳嘅街, 就會好多人.  都算熱鬧. 係波爾多生活, 夜晚出街, 都唔會靜英英, 悶悶哋出街飲杯嘢, 都得.

不過, 波爾多--市中心啲大街, 真係好寬闊, 又有啲好有味道嘅建築物包圍住, 真係就咁係街行, 都好舒服. 
 

↓在波爾多--市中心啲大街, 散下步. 個度啲建築好靚, 每個建築物都唔係好高, 街道又寬闊. 真係行路都無咩壓迫感.  

↓第一張相嘅building, 係波爾多當地嘅五星酒店, 有米芝連大廚座陣. 另一張相, 係波爾多嘅劇院. 唔知點解, 歐洲啲劇院,歷史悠久之外, 仲keep 得好好.

↓係波爾多, 見得最多係電車軌, 最鐘意波爾多嘅電車(Tramway), 啲電車和行人路係溶埋一體.

↓行行下, 電車出現啦!!

↓同電車 和當地劇院影相

↓行行下, 又到酒店啦!!

*仲有, 依日我同Brian 拍拖周年紀念日.估唔到, 我哋其中一個拍拖周年紀念日, 會係法國--波爾多渡過. 哈哈~~

  最好笑係, 當日, 有人問我哋拍咗幾耐拖, 真係岩岩進入一個新拍拖紀念日嘅年份, 就比人問拍拖時間, 好似比人考咁,  哈哈~~