波爾多之旅--Château Kirwan及野餐 / Château Rauzan-Ségla / 經過一堆有名氣的酒莊

June 12,2013 (Wednesday)


這天, 會專注在波爾多---左岸的Margaux 區, 進行我第二天嘅酒莊之旅. 

其實, 法國的酒莊, 真是數之不盡, 但我發覺波爾多嘅左岸, 啲酒莊嘅外貌, 係比較有氣派啲, 間間酒莊, 都起到好似一座城堡咁.  而且, 頗有名氣的酒莊.  都是位於波爾多---左岸. 當旅遊車, 經過一間又間酒莊時, 我內心都嘩聲四喜.

可能, 波爾多---左岸的地理位置, 緯度, 土質與氣候. 令到葡萄品種, 擁有獨特風味.  真係中國人話齋, 天時,地利, 人和.  全都配合都啱啱好. 因此, 這區域都盛產高品質葡萄酒, 還聞名於銷售市場.


而這天, 酒莊之旅, 最令我喜出望外, 就是能夠坐係酒莊的園地, 食一個野餐(午餐).
 

這餐葡萄園午餐, 是酒莊負責人為我哋安排, 所有食物和葡萄酒, 再加埋個環境, 真是全都配合得剛剛好.


而且, 我又比較喜歡陽光, 所以, 在太陽低下, 坐係葡萄園食一個野餐, 真係好perfect !!!  


↓Château Kirwan---(酒莊), 為我哋準備了一個葡萄園午餐, 而且, 每個人都擁有一個食物謄藍(我手上那個), 藍內全是野餐食物, 有鵝肝醬, 罐頭兔肉, 沙律, 麵包和甜品, 當然, 還有葡萄酒, 渣住個食物藍, 坐係葡萄園, 真係有着童話書啲主角, 去picnic一樣.

------------------------------------------------------------------------------------


Château Kirwan


講返轉頭, 這天參觀了,Château Kirwan. 而午餐是在這酒莊食Picnic lunch!!


這酒莊, 在近年累獲Wine Toursim Activity的獎狀, 它們花圃設計, 酒窖裝飾和莊園環境, 都相當獨特.  莊園也有水池 和 超過百年的樹和玫瑰襯托.  令到個莊園相當有魅力. 論環境, 真是一間must see 的酒莊.


我就係這一個咁有魅力的莊園---食野餐, 剛巧天氣又好, 令我更加鐘意, 依個酒莊!!


↓Château Kirwan, 一望到, 就感覺很舒服.

↓Château Kirwan---酒莊遠望, 好像一個城堡

↓Château Kirwan, 有水池和玫瑰花園, 真係齋望個莊園, 都感覺好舒服.

↓Château Kirwan--是採用石士外牆+不鏽鋼桶, 進行葡萄發酵(第一張相). 而另一張相, 是Château Kirwan的酒窖, 把石士+不鏽鋼桶發酵過的葡萄, 放在這個酒窖的像木桶裡,  進行培養過程.  而Château Kirwan的酒窖, 有一大個藝術雕塑裝飾, 令到一個冷冰冰酒窖, 好有特式呀!!

↓Château Kirwan的地下酒窖 很有現代感, 個鮮紅色藝術雕塑, 放係酒窖內, 而且有燈光系統照明住,感覺好型呀!! 所以, 我都乘機影返張相. ......而酒窖, 是屬於陰涼處, 酒窖地下, 通常都有石仔. 唔知係咪防濕. (唔記得咗添!!)   

 

↓參觀完Château Kirwan, 就當然試試它們啲葡萄酒啦!! Château Kirwan試酒地方, 裝修得好靚, 攪到賞酒時, 都零捨有feel 啲. Château Kirwan啲酒不錯, 當天試了2006年正牌Chateau Kirwan和 2006年副牌Les Charmes de Kirwan, 口感果味重, 香氣有燻烤味, 我覺得不錯!!

 

↓試完Château Kirwan啲酒, 便在 Château Kirwan的葡萄花園野餐.  酒莊負責人準備一張大檯比我哋一排十人食下野, 傾下計, 飲下酒 

↓Château Kirwan所準備嘅野餐, 用個藍裝住, 更有野餐嘅氣氛. 當然, 仲有Château Kirwan嘅正牌和副牌酒, 依間酒莊好慷概, 啲酒不段送上, 十個人有六支酒.飲呀飲. 而啲酒和野餐啲食物,  搭配不錯!! 兩者搭配好夾呀!!

-----------------------------------------------------------------------


Château Rauzan-Ségla


Château Rauzan-Ségla位於波爾多左岸的Margaux區.

我第五間參觀的酒莊, 便是Château Rauzan-Ségla. 

唔知點解, 這酒莊的外型, 比咗一個女性化嘅感覺我.  它們的酒窖門使用粉紫色㗎!! 這隻色, 離遠都望到, 好sharp呀!! 

可能, 這酒莊係著名品牌---香奈兒集團(Chanel)持有. 所以, 用色都幾大膽, 有着這品牌一顧, 獨特別的風格!!哈哈~~~

其實, 這酒莊, 以前一直叫作Rausan Segla, 但1994年, 香奈兒公司(Chanel)購入後, 才改名為Château Rauzan-Ségla.

香奈兒公司, 收購酒莊後, 就對酒莊進行了大規模修整, 例如, 改善釀酒及發酵方法, 翻新酒窖及轉換酒樽標籤......繼續推使, 原有品質, 更加優質.


↓都話啲酒莊, 好靚...Château Rauzan-Ségla,間酒堡,好別緻呀!!. (間屋裡面, 有接待員等緊我哋)



↓Château Rauzan-Ségla屋入, 周圍都掛滿香奈兒公司(Chanel)的圖畫, 而酒窖門, 採取粉紫色, 好sharp呀!! 但我鐘意.

↓Château Rauzan-Ségla, 自香奈兒公司購入後, 便使用溫度調節的不銹鋼桶發酵葡萄.

↓啲不銹鋼桶, 好巨大呀!! 而另一張相, 係酒窖, 這酒窖是從新翻新過, 啲像木桶, 好香呀!!


↓Château Rauzan-Ségla , 在1661年建立, 雖然現在莊主,已經轉換了幾手, 但仍保存,酒莊以前使用的工具, 而家啲工具, 已經用不着, 但這些工具, 見証了製葡萄酒的歷史. 

 

↓當我哋參觀酒窖時, 咁啱有酒莊啲工人係度工作, 他們轉動緊木桶的位置.又見識多樣嘢!!

 

↓最後, 就在酒窖試飲Château Rauzan-Ségla的紅酒. 相中倒酒的姐姐, 是我當天的接待員.......  而我覺這葡萄酒用嘅標籤, 好有型, 好colourful.

↓Château Rauzan-Ségla啲酒, 入口都好舒適, 還好有花香味.  

 

---------------------------------------------------------------------------

 
Château Cantenac Brown


波爾多嘅左岸, 有很多名氣的酒莊,.  我好興幸, 透過Brian's daddy 的存酒. 都飲過一些有名氣的酒, 但參加酒莊團, 邊度可以參加得咁多

難得黎到波爾多, 又咁啱經過, 其他名氣的酒莊, 就叫旅遊巴司機停一停, 比我哋影張相,作留念.  

咁我哋就係咁,無啦啦加插咗, 一個影相環節.

一經想影嘅酒莊, 就同司機哥哥講, 我哋迅速落車, 影相...之後,便馬上彈返上旅遊車, 大家行為好都夾, 兼好爽手. 哈哈~~


↓Château Cantenac Brown, 佢個葡萄園相當大, 它的酒堡, 成間古堡咁. 好靚

 ↓就咁企係 Château Cantenac Brown個門口影, 當個紀念.

-----------------------------------------------------------------------

Château Margaux

之後, 經過Château Margaux是葡萄酒世界裡, 五大名莊之一. 經開, 當然影張相啦!!

↓Château Margaux酒堡, 有四條大圓柱, 好宏偉


-------------------------------------------------------------------------------

Château Pichon Longueville

這個酒莊嘅設計, 比較特別, 佢哋個水池底, 係地下酒窖.  

在地下酒窖嘅天花版, 就望到水池的流動. 好特式喎!! 我相信, 香港前政務師長, (唐唐先生)係抄依個酒莊嘅design!!

↓Château Pichon Longueville, 酒堡前, 有個水池.

↓水池底, 係這酒莊的地下酒窖.





-------------------------------------------------------------------------------------

Château  Latour


Château  Latour是葡萄酒世界裡, 五大名莊之一. 名氣非常高, 聞名於銷售市場. 經開, 當然係門口影張相留念.

↓Château  Latour