米芝蓮晚餐

June 13,2013 (Thursday)

其實, 我唔知自己算唔算識食. 

但黎得法國----這個擁有最多米芝蓮餐廳的國家. 當然, 吃一頓米芝蓮星級晚餐啦!! 而這餐飯, 還吃足五個小時!! 哈哈~~ 

米芝蓮星級晚餐----真係令我好驚喜和難忘.   無論是餐廳內的裝潢, 服務員的禮貌和貼心, 食物嘅心思和包裝.  還有氣氛. 通通一餐飯內感受晒. 總之, 依一餐就係精彩啦!!

↓這天, 在法國---波爾多的知名酒店, 裡面其中一間, 米芝蓮餐廳吃晚餐

↓就是這間米芝蓮餐廳......一入到用餐個廳, 就感覺好華麗, 啲Tables set 好高雅呀!!

↓全個用廳地方,都好有classic 味道. 個天花板仲好高, 感覺好開揚. 而啲服務員仲好有禮貌, 個個都train 到好專業, 好知道啲客嘅脾性. 講野好大方得體.  係度食飯, 突然間都感覺自己要斯文啲. 哈哈~~ 

↓在米芝蓮餐廳互相影相留念, 第一張, Brian's daddy & Brian, 另一張係我& Brian's mom 

↓當日的menu, 服務員細心講解, 服務員對menu中食物很了解, 講到好似服務員自己食過咁. 單憑點菜, 感覺啲服務員非常貼心和很有誠意.  而本menu係預比客人帶走, 作周念.  還有, 它們所採用的餐具, 都好精美.
 


↓點完食物, 服務員就推架木製嘅食物車出黎, 車上裝滿麵包和渣麵包的用料. 銀色的器皿, 就是盛載着渣麵包的麵包醬. 而服務員會托起麵包逐一和我介紹. 真係想不到, 平時不起眼啲餐前的食物, 都可以如此多選擇和吸引.

↓我們點了餐前rose wine, 還有我所揀的麵包.
 

↓餐前有----精巧的小食, 有特製芥末沙律醬配餅乾條, 炸菜條,  還有白色的lobster味的macaron. 黑色的蘑菇味餅.(全都很特別和美味)

↓餐廳的餐具很精美. 麵包醬料的器皿, 不只是牛油咁簡單, 牛油當中加有了很多香味材料(如蒜蓉 或橄欖碎) 入牛油中, 令到食餐前麵包, 都感覺好好享受. 廚師真細心.

↓頭盤係蝦湯, 啲蝦係啲泡沫下面. 啲湯好好甜. 好有鮮蝦味道.  (個湯嘅presentation得好特式, 而且將湯打成泡沫, 放落口嘅感覺特別),還有每道菜, 服務員都送來不同的酒, 有Margaux region 紅酒和Rose wine 

↓頭盤還有蝦,風乾火腿, 和哈蜜瓜雪芭. 而當中啲蝦好爽呀! 仲有成蝶食物擺得好靚, 正面睇 或者 旁邊睇, 都好好睇, 都係成幅畫咁

↓主菜是用銀色鐵皿復蓋住, 最特別是我哋依餐一排十個人食, 所以, 有十個服務員企係我哋每一個人隔離, 同時間一齊打開依個銀色鐵皿, 十個服務員掌握嘅節拍非常恰當. 依個舉動, 令我印象非常深刻.  而我今日嘅主菜係食海鮮. 當中有貝殼肉,帶子, 魚. 全都很新鮮, 啲魚肉好嫩滑. 而且, 食物夠熱添!!

↓還有海鮮creamy soup. 湯底有蝦肉.............而我隔離張餐檯, 飲新鮮龍蝦湯, 我見服務員用一個特製儀器, 把龍蝦殼放係個儀器裡面, 不段磨碎龍蝦殼, 去提取更加多龍蝦汁出黎. 令碗龍蝦湯更有鮮味. 嘩!! 好多工夫嘅一碗湯呀!!  

↓食完主菜, 有芝士時間, 服務員成架芝士木車推出黎, 係食客面前切芝士, 我選了Goat cheese, comte cheese and jam.  
 

↓食完濃味嘅芝士, 口腔需要清新下, 所以, 便憑上薄荷雪芭, 而橙色個啲汁, 係哈蜜瓜汁. 啲哈蜜瓜汁, 仲係服務員係我面前倒出黎.  好特別.  

↓最後, 甜品時間.-----車里子蛋糕, 香脆威化餅 ,啤酒味雪芭.  (啲車里子去晒核, 而且用酒浸過, 好好味. 而最特別係啲啤酒雪芭, 好清新, 估唔到啤酒都可以用黎整雪芭).  還有, 當天廚師的甜品. 當中, 深棕色的柱體蛋糕,是波爾多的特產canneles.  

↓真係到依餐飯嘅尾升----送上熱飲, Brian's mom 飲Cappuccino (她說杯飲品不錯). 還有, 不同款的糖選擇.
 

↓而我選擇飲茶. 相中個白色圓筒, 原來是裝住個茶隔, 好細心嘅餐具呀!!

食完全餐米芝蓮晚餐, 感覺自己有如吃緊一頓星級晚飯. 服務員嘅貼心, 服務嘅態度, 真係好到不得了. 而且, 連餐具和食物所擺放的角度都下了相當多心思.  由於, 一餐內, 有幾項不同嘅菜上檯, 但當中時間嘅掌握, 真係非常正確. 可以享受食物之餘, 又可以傾下計.  

而食物味道方面, 我很滿意. 這一餐飯, 不只味蕾和胃部能享受食物, 連我對眼睛, 都享受其中. 


米芝蓮評級的餐廳, 真是與別不同. 好榮幸能夠享受到其中一間.

------------------------------------------------------------------------------

這次, 法國---波爾多, 酒莊之旅,已經行到最後啦!!

  

而這次法遊, 好似去咗很多地方. 但其實,只用了八天. 所以, 每一日旅程都相當緊揍. 早出晚歸. 忙過返工, 但很充實.  

Brian's daddy問我和Brian:「八天旅程玩夠未??」

其實, 我和Brian都異口同聲, 都未玩夠. 仲想留耐啲. (我哋是否好發癲?)

但唔結束今次旅程, 邊會有下一次呢!! 邊會有下一個計劃. 

生活上, 係要有點期望, 先會有目標. 時間容易渡過啲.

↓而最後一日---法國波爾多, 就影下依間酒店啲特別地方, 這酒店是美資集團酒店, 房間算比歐洲一顧的酒店, 大和舒適, 但酒店有法國傳統建築物影子, 樓底高, 但只有四層高. 而我住一樓. 便叫Brian 落樓下同我影返上房. 哈哈~~~ 而這酒店房間的衣櫃很高, 要用棍, 拉下, 才能掛衫和攞衫. so funny!!!   

↓臨離開法國,係酒店, 食埋個自助早餐, 就坐車去機場. 而相中的小蛋糕---是波爾多特產 canelés (蛋黃小蛋糕). 係波爾多每餐都食.  原來, 這小蛋糕, 是紅酒的副屬品, 因波爾多產葡萄酒, 但葡萄酒需要蛋白去吸取雜質, 每間葡萄酒廠, 就剩咗好多蛋黃.  所以, 遠古時啲修女,便利用這些蛋黃, 再加麵粉和糖, 創作做依個 canelés (蛋黃小蛋糕)派比窮人食. 由於, 這小蛋糕味道不錯, 而且咬口煙銀, 因而受注意.  之後, 這個 canelés, 便成為 波爾多特產. 在波爾多隨處可見.

↓食完早餐, 坐車去波爾多機場. 這個機場又是很自助, 自己print boarding pass, 自己貼luggage tags. 之後, 就坐飛機離開波爾多啦!!   

↓由波爾多→巴黎, 係巴黎住一晚"機場酒店", 第二朝, 一早坐飛機返多倫多.