法國巴黎--Day 3-(Part 1) Ladurée, Angelina,Opéra Garnier歌劇院, 再去老佛爺百貨

June 8,2013 (Saturday)


這天行程, 是專程去飲飲食食.

法國歷史真是太悠久, 簡單到一款甜點---Macaron. 由二十世紀初期(1862年)賣到而家依個世代. 還是熱賣.

Macaron 只是一個小小圓餅. 但差唔多人人見到這個小圓餅, 都會好興奮. 包括我. 嘩哈哈~~

我係加拿大, 都有食Macaron的經驗. 但原來在法國, 吃完原創的Macaron 之後. 對Macaron 感覺完全改觀.Ladurée Macaron 真是好好味. 

Ladurée Macaron 嘅餡料完全不太甜. 但吃得出味道. 而且個外殼乾身之餘, 咬落去又有點脆口. 但當咀嚼這個小圓餅時, 又感覺好鬆軟.  唔會黏牙. 估不到, 一個小圓餅, 有這麼豐富層次感, 怪不得這個小餅,面世了百多年, 仍然是咁受歡迎.

就算把Macaron雪在冰箱一日之後, Macaron的味道和外殼乾身程度, 也沒有大改變. (因我試過!!)

真係好開心, 可以來到法國, 食到這個小圓餅的原有味道.

↓盡量每個口味的Macaron 都試下. (很好吃)

↓在Ladurée 店外影張相, 我來這一間, 人流相當旺的

這次在法國, 我沒有特定去Ladurée 旗幟店. 只是去了一間近我酒店的Ladurée 店 便算.  但我幫襯個間Ladurée , 內裡的設計, 也非常豪華, 天花版掛滿水晶燈. 燈光昏暗, 感覺優雅.  不過排隊的人真的很多, 我相信無論甚麼時候到來, 都是人氣爆燈的.  

↓在Ladurée 店內排隊人龍, 是打蛇餅的. 除了小圓餅(Macaron), 還有很多其他糕點. 聽說, 牛角包也好美味.

↓Ladurée 店,除了五顏六色的小圓餅, 還有茶葉賣

↓還有包裝別緻的小小Macaron.   而display window 都是用Macaron 做裝飾. (如果有一年聖誕節, 用依棵Macaron 樹, 就好啦!!)

↓在Ladurée 店的收獲. 一大盒色彩繽紛的小圓餅. 還有其他糕點 (啲糕點無時間影)

↓還有在Ladurée 店內, 買了個很別緻的key chain. (個鎖匙扣有Macaron裝飾,還有巴黎鐵塔裝飾, 我好鐘意) 

 

--------------------------------------------------------------------------------------


話明今日是飲飲食食, 之後, 便去了一間百年歷史Angelina茶館.

一入這間茶館, 一見到內裡的裝修, 就知這間茶館, 完全沒有被歲月洗禮, 內裡裝修, 真是有着二十世紀的風格.  感覺好優雅.  連服務生, 也穿上童話書上, 傳統西方僕人, 黑白衫裙咁. (服務還相當體貼)

而Angelina茶館., 最有名是古法釀製的熱朱古力奶和栗子奶油餅(Mont Blanc).  我們專程來, 便是為了它們. 嘩哈哈~~

但無理由, 由朝到晚都吃甜. 所以, 在Angelina 茶館, 吃了他們推介的三文治. 原來Angelina 的咸點也不錯.  我們吃了Anglina sandwiches (chicken bacon tomato egg salad sandwiches) 和Scandinavian (Smoke salmon and cucumers sandwiches). 兩者都不錯. 很新鮮和足料. very good

最期待Angelina 茶館, 古法釀製的熱朱古力奶和栗子奶油餅(Mont Blanc), 兩者給我很大驚喜. 杯熱朱古力, 真是用純朱古力釀製, 所以杯熱朱古力好滑和飲落去感覺好豐厚朱古力味. 飲完好滿足. 至於, 件栗子奶油餅, 個陣栗子味, 真是很香. 我原本是和Brian share 食一件栗子餅, 但我忍唔住, 自己成件食清晒. 依款栗子味太啱我口味啦!!


↓百年茶館---Angelina. 它們裝糖的器皿, 也很別緻

↓法國啲食店, 真是好多間, 都係歷史悠久.   Angelina 裡面所出的咸點. 三文治味道都不錯, 材料好新鮮.

↓Angelina 杯熱朱古力, 到現今仍是用人手古法釀製, 而且還採取純朱古力釀製, 攪到杯熱朱古力奶好滑, 好好飲. (無想像中咁甜添!!)

↓一個order 嘅朱古力奶, 有奶油(cream)附送, 但我覺唔加cream, 杯朱古力已經好滑, 好好飲啦!!

↓件栗子奶油餅, 是Angelina 茶館最熱賣的一款甜品, 一日可以賣足600件.依件栗子奶油餅, 啲栗子蓉, 真係好香. 好岩我口味, 自己忍唔住成件食落肚.




---------------------------------------------------------------------------------------

不計早餐, 一個中午, 食了很多甜吃. 不過, 巴黎周處都是名勝, 真是舉步就有頂點欣賞. 這躺遊巴黎, 食不是最多. 反而用了很多腳骨力. 遊名勝.

↓這個地圖, 是每日必看的節目.  其實, 我住的酒店, 都很近大部分名勝. 酒店職員叫我哋步行就得, 好多名勝, 唔洗坐車去, 行路仲快到. 真係行行下就去到Opéra Garnier 歌劇院

看着地圖, 便走去遊巴黎國家歌劇院.  這座位於法國巴黎, 擁有2200個座位的Opéra Garnier歌劇院. 在1861年夏天，已經開始著手興建, 但中途由於地基問題, 戰爭和革命. 到1875年才正式完工和啟用. 整個過程, 總用了當時4700萬法郎去興建. 

現在Opéra Garnier 是歐洲最龐大的一個歌劇院.  內裡有一個歌劇博物館, 還有一個芭蕾舞學校.  有很多龐大舞台劇. 也是在此上演.

不過, 我這躺來到歌劇院, 歌劇院外圍正進行保養工程. 不能影到全個歌劇院的全貌. 但好彩,歌劇院內裡, 仍是開放參觀。

↓身後便是Opéra Garnier歌劇院.

↓未入到歌劇院, 在歌劇院門外, 已經見到好多圓柱雕塑



↓Opéra Garnier 歌劇院外圍進行保養工程. 見唔到整個Opéra Garnier外觀, 我係網上摷到張Opéra Garnier的相片

↓係我居住地方無歷史, 定係其他國家有品味. 一個歌劇院的入口處(收票地方), 地下和天花的裝飾已經好優雅啦!!

↓歌劇院裝修風格, 好華麗!!! 歌劇院中央的四面褸梯(井字形褸梯), 好開揚, 而且, 我感覺到啲樓梯物料好靚. (係咪大理石物料??) 這個名勝, 我哋無請導遊同行, 自己渣住本小冊子, 自己行﹐自己參觀.

↓歌劇院周圍都是龐大的铜像和水晶燈, 還有看台.

↓這個是歌劇院的社交休息室平台, 好華麗呀!!!!  這個地方, 是在歌劇上演前, 供給觀眾社交活動嘅場地. 天花壁畫,大型水晶燈 (這些水晶燈是枝形吊燈, 重量以噸計算), 這場地望落去金碧輝煌, 身在其中, 都感覺自己優雅咗. 哈哈~~

 

↓忍唔住同Brian係度跳part 舞. 哈哈~~

↓Brian's parents 也跳返part舞. 哈~~ 除了室內社交休息室, 還有室外社交休息場地.

 
↓Opéra Garnier歌劇院的表演場地. 啲圓柱和天花, 全部都有雕塑㗎!! 而且歌劇院啲座位, 全是絲絨材料.

↓這個天花是一幅圖畫, 很多名信片都見到這個天花.  我同Brian係Opéra Garnier 的歌劇院合照.

↓Opéra Garnier歌劇院內的走廊, 隨處可見表演歌劇的服裝和著名芭蕾舞員的相片




-----------------------------------------------------------------------------------

由於, Opéra Garnier 歌劇院, 鄰近地方, 便是老佛爺百貨, 所以, 忍唔住入去行咗個圈. 哈哈~~ 但行個圈都買到嘢!! 都幾Happy~~


不過, 打從心底嗰句. 我好想放多啲時間行這所老佛爺百貨㗎!! 裡面個環境好靚. 一間百貨公司, 裝修成間皇官咁, 見到都嘩嘩聲.  而且, 各大品牌都有櫃臺, 太吸引啦!!


↓老佛爺百貨公司(Galeries Lafayette), 內外裝修, 都好華麗. 還各大名牌counter 林立. 真係好吸引.


但我哋去法國, 時間所限, 又book 咗幾多local導遊, 帶我哋行名勝. 全個法國旅程, 計計埋埋係老佛爺百貨, 都行唔夠兩個鐘. 好唔夠喉呀! 所以, 好想好想再黎法國呀!!


Anyway, 這天Shop到啲嘢, 個心都係Happy嘅.  Shop 完之後, 就再繼續行名勝......Day 3 還未寫完, 仲有Part 2.
  

 
↓買到嘢....Happy~~

------------>續