波爾多之旅--Château-Figeac /Château Franc Mayne / 坐地面Train, 食dinner

June 11,2013 (Tuesday)


能夠遊覽法國的酒莊, 感覺非常幸運.

因有很多酒莊, 時間唔啱, 或者其他理由, 都不會接見遊客. (有些酒莊, 直情謝絕遊客遊覽.)  因為法國的酒莊, 真是以用心製作「葡萄酒」作大前題.

如果, 當年的農地所種的葡萄失準. 酒莊好可能全年不製作---葡萄酒. 

真是, 為了保持品質, 令可失掉整年收入.

依啲係叫堅持或者叫頑固呢? 我真係唔識講.

---------------------------------------------------------------

我依篇blog, 還是記錄住, 我在頭一天, 在波爾多右岸的--酒莊之旅.

黎到第二個酒莊-----Château-Figeac. 這間酒莊, 曾因為保持葡萄酒出產的品質. 曾經有一年, 因莊主不滿意葡萄的收成. 因而停產一年!  所以, 這酒莊對品質要求, 相當高.  

Château Figeac是歷史非常悠久的酒莊,也是家族一代一代接手


起初, Château Figeac唔太出名. 直至傳到Thierry Manoncourt 接手,加以研製釀酒的方法, 水準才突出.


↓第二個參觀的酒莊--Château-Figeac, Château-Figeac 位於波爾多的Saint-Emilion鎮裡面, 但這酒莊的土質比一般Saint-Emilion 地區的土質不同, 因這酒莊, 屬排水性高, 土釀以Gravel (礫石)為主.  就是土釀, 令每個酒莊的葡萄, 有所不同. 但當然還有, 製作方法, 令到每一個酒莊, 所產出嘅葡萄酒,都有自己獨特味道!!

 

↓Château-Figeac酒莊, 要行一段長路, 才能到達.

↓Château-Figeac酒莊, 找了一個接待員, 介紹酒莊. (酒莊邀請了一些接待員,專業負責帶遊客參觀酒莊)  第二張相, 是Château-Figeac酒莊, 古時用的大型木桶發酵槽

↓Château-Figeac酒莊, 完全是利用人工採收葡萄, 之後, 並使用現代化的不鏽鋼桶來發酵, 提煉和混調酒質, (採用不鏽鋼桶能夠容易控制溫度和方便清洗---白色箭咀指着, 這是不鏽鋼桶) 之後, 再把不鏽鋼桶提煉的酒, 放在橡木桶內, 培養18-20個月.


↓相中是一個個裝滿發酵完的葡萄酒的橡木桶, 這些像木桶便放在陰涼室內, 進行葡萄酒的培養過程. 依個室,有啲陰陰涼涼, 好似開咗冷氣, 但其實, 依個室位於地庫,而且牆身是加厚牆, 是屬於天然的陰涼室, 這個溫度是最適合培養葡萄酒.

↓最後, 當然是品賞Château-Figeac的酒. 當天, 酒莊接持員, 為了我們準備2008年的酒, 酒液呈深紫色, 有着黑莓, 橡木香氣. 而相中的金髮姐姐, 是帶我遊酒莊的接待員.  而Château-Figeac酒莊上, 代表Château-Figeac的酒樽上, 是看不見1991年的寫樣. 是由於Château-Figeac酒莊, 在1991年, 葡萄收成不合莊主滿意, 所以, 1991年Château-Figeac酒莊, 是沒有生產過任何葡萄酒的.

-----------------------------------------------------------------------


第三間酒莊----Château Franc Mayne

位於波爾多的右岸, Saint-Emilion鎮裡面。

這間酒莊係 June 1996 賣咗比Belgian 企業家. 而在2005年, 這間酒莊, 進行大規模革新, 興建大型住舍地方, 改善大酒桶室. 但保持2公頃的地下酒窖.作博物館.  而這個地下酒窖是這間酒莊, 最特式的地方.


↓第三間, 參觀的Château Franc Mayne 

↓由於,Château Franc Mayne 在2005年進行一連串翻新, 所以, 這間酒莊, 比較新淨. 連放大酒桶,即 發酵葡萄的地方, 都有特別燈光照明. 有點新潮的感覺.

↓這酒莊--Château Franc Mayne , 也有採用現代化的不鏽鋼桶來發酵和提煉酒質, 之後, 便把提煉過的酒, 放入新的像木桶,作培養, 放像木桶的地方, 都很華麗


↓Château Franc Mayne也有用傳統大木桶作發酵, 之後, 放在barrel(第二張相的像木桶), 作陪養葡萄酒. 

↓Château Franc Mayne有一個地下酒窖 (underground quarries), 真是在石洞裡, 裡面好陰涼, 古時, 啲像木桶就放在這地下石洞, 作自然培養. 現在, 這個地下酒窖, 以成為遊客的博物館.

↓參觀, 這個地下酒窖, 好似有啲驚,裡面好靜, 又陰涼, 好彩有啲燈光, 無咁恐佈.

↓真是成個地下酒窖,都佈滿像木桶. 古時啲酒莊工人, 就是在這地下酒窖工作

↓到最後, 當然品賞Château Franc Mayne 的葡萄酒, 唔知點解, 我覺這間酒莊啲酒比較乾, 餘韻不夠長久. 不過, 有一陣特別的香氣嘅!!

↓這間酒莊的門口, 有一大堆空酒樽剛到達 (咁即係有葡萄酒,即將要入樽!!)

↓這酒莊Château Franc Mayne, 有很多地方都是新興建的, 所以, 這酒莊比較有時代感, 酒莊內有很多特式, 而且附有現代感的住舍供給遊客, 其中這間樹屋, 好特別!! 而且, 還有冷氣供應添.

 

↓一大片綠悠悠地方, 就是Château Franc Mayne的葡萄園地



---------------------------------------------------------------------------

去完酒莊, 返回波爾多市中心, 就即刻直飛返酒店換件衫, 就要出街, 因為book咗間餐廳食晚飯, 而且, 間餐廳比較遙遠, 要坐波爾多..啲地面train 去.

反而, 我有點興奮, 因為可以試下坐波爾多---特式的地面train.

記得, 我一到波爾多時, 就見到依啲地面行駛train, 好似好free咁, 地面train係條街路上中央串疏.  但街道上, 啲行人一啲都唔驚有Train 經過, 行人同Train 好似好好朋友咁, 一齊行, 好特別.


所以, 有得試下坐波爾多地面Train, 我心裡仲興奮過食飯.哈哈~

↓無人車分隔的波爾多市中心, 隨街都見到這些地面Train. 真係行行下街, 見train 停就上得車, 感覺好free.  這天晚餐, 就是坐這地面train 去餐廳.

↓地面Train 嘅Ticket (啲ticket 係部自動購票機買)......我這天就係坐依架地面Train.

↓地面Train 裡面, 好舒服和好靜. 好似無人會出聲咁. ......坐無陣, 就到食晚飯嘅餐廳

↓到達晚餐食店附近, 見到間間restaurant 都排晒隊, 閒日黎講, 波爾多市中心, 都非常熱鬧, 好彩有book 位, 一去到就有張靚檯等住我哋, 個table setting 仲好靚添!

↓晚餐嘅welcome 小食, (啲番茄好新鮮)  當然啦!! 還飲白,紅酒. (對我哋黎講, 係法國飲酒, 超級抵呀!!)

↓飲咗其中依支酒. 依支酒, 要放落wine decanter透氣, 個wine decanter 好型呀!! 成個巨型酒杯咁

↓頭盤煙肉帶子, 還有鵝肝 (好美味, 法國啲餐廳, 大多都係美味!)

↓主菜;烤雞配french fries (同樣好美味, 隻雞好juicy, 啲薯條好香脆,停唔到咁食)

↓大家發下癲用wine decanter當酒杯飲...哈哈~ (在Bordeaux, 又是每天飲酒多過飲水)

↓甜品: 蘋果批 and French toast (真係第一次係法國食French toast, 好美味)


↓甜品, 還有多士配cream and jam. 另外一蝶係飯後小食, 粒深啡色甜品, 係波爾多特式甜品, 叫canelé. 是用全蛋黃做的, 食落去好"煙銀". 幾得意. (不過, 依個甜品, 背後有一個故事, 這故事關於葡萄酒的. 真係黎到盛產葡萄酒的地方, 有很多東西都係關酒事,連這一個 canelé甜品都會和酒有關係.遲啲同大家講.)

↓這天, 就是在這間餐店食dinner, 真係食足四小時, 真係法國先咁有耐心招呼客人, 今晚依間餐廳好好食. 服務又好. 有機會去食啦!

↓食完飯, 夜遊波爾多市中心, 第一張相, 係波爾多的Pont de pierre橋, 是跨越Garonne河的橋樑, 波爾多的左岸和右岸, 就是由這條河作分隔.   其實, 法國波爾多係遠古以前, 係法國的金融中心, 所以, 波爾多很多銀行大廈, 夜晚開晒燈, 都幾靚 

 
↓行到差唔多, 等地面Trian 返酒店, 入黑時, 地面train 啲軌道, 有燈着, 好型. 又是早出晚歸的一日.